काठमाडौं (हाम्रो खेलकुद) – नेपालले चौथो महिला टि२० आई खेलमा मलेसियाविरुद्ध टस जितेर पहिला ब्याटिङ गर्ने निर्णय लिएको छ । नेपालकी कप्तान रुविना क्षेत्री बेलबासेले टस जित्दै पहिला ब्याटिङ गर्ने निर्णय लिएकी हुन् । नेपालले तेस्रो खेलबाट टोलीमा एक परिवर्तन गरेको छ ।

तीव्र गतिकी बलर आश्मिना कर्माचार्यको स्थानमा अप्सरी बेगमलाई मौका दिएकोछ। नेपालले आजपनि ओपनर काजोल श्रेष्ठ, ज्योति पाण्डे, सीता रानामगर र विन्दु रावल गरि चार प्रमुख ओपनर खेलाएको छ । नेपालको ओपनिङ भने कविता कुँवर र सीताले गर्दै आएका छन् ।

चार प्रमुख ओपनरलाई निरन्तरता दिँदा अश्मिनालाई भने बेन्चमा राखेको छ । नेपालले अश्मिना, कृतिका मरासिनी र सरस्वती चौधरीलाई बेन्चमा राखेको छ । पाँच खेलको सिरिजमा नेपाल २-१ ले अघि छ । पहिलो खेल गुमाएपनि त्यसपछि लगातार दुई जितका साथ नेपालले पूनरागमन गरेको थियो ।

नेपाल आजको खेलमा जितका साथ एक खेल अगावै सिरिज जित्न चाहन्छ । नेपाल पहिलो खेलमा ५ विकेटले पराजित भएको थियो । नेपाल दोस्रो खेलमा ७ विकेट र तेस्रो खेलमा २७ रनले विजयी भएको थियो । अन्तिम खेल आइतबार हुनेछ ।

नेपालको प्लेइङ ११ :

रुविना क्षेत्री बेलबासे (कप्तान), सीता रानामगर, इन्दु बर्मा, कविता कुवँर, कविता जोशी, अप्सरी बेगम, विन्दु रावल, काजोल श्रेष्ठ, सम्झना खड्का, ईश्वरी विषट र ज्याति पाण्डे ।

बेन्च : कृतिका मरासिनी, अश्मिना कर्माचार्य र सरस्वती कुमारी चौधरी ।