default_image

9 months ago

June 3, 2023

नेपालमाथि मलेसियाको रोमान्चक जित

काठमाडौं (हाम्रो खेलकुद) – नेपाल चौथो महिला टि२० आई खेलमा घरेलु टोली मलेसियासँग ४ विकेटले पराजित भएको छ । योसँगै पाँच खेलको सिरिज २–२ को बराबरी अवस्थामा पुगेको छ । जितको लागि ९७ रनको विजयी लक्ष्य पछ्याएको मलेसियाले निर्धारित २० ओभरमा ६ विकेट गुमाउँदै पूरा गर्यो । मलेसियाको जितमा ओपनर विनीफ्रेड आनी दुराईसिंघमले ५२ बलमा […]

137 views

0 Bookmark

काठमाडौं (हाम्रो खेलकुद) – नेपाल चौथो महिला टि२० आई खेलमा घरेलु टोली मलेसियासँग ४ विकेटले पराजित भएको छ । योसँगै पाँच खेलको सिरिज २–२ को बराबरी अवस्थामा पुगेको छ ।

जितको लागि ९७ रनको विजयी लक्ष्य पछ्याएको मलेसियाले निर्धारित २० ओभरमा ६ विकेट गुमाउँदै पूरा गर्यो । मलेसियाको जितमा ओपनर विनीफ्रेड आनी दुराईसिंघमले ५२ बलमा २ चौकासहित सर्वाधिक ३८ रनको योगदान दिइन् । बलिङमा तीन महत्वपूर्ण विकेट लिएकी विनीको अलराउन्ड प्रदर्शनमा नेपाल पराजित हुन पुगेको हो ।

मलेसियाका अन्य ब्याटरको प्रदर्शन भने राम्रो हुन सकेन । कप्तान मास एलिसा १८ बलमा १ चौकासहित १३ रनमा आउट भइन् । महिराह इजाती इस्माली २६ बलमा २ चौकासहित १६ रनमा आउट भइन् ।

मलेसियालाई जितको लागि अन्तिम ६ बलमा ४ रन चाहिँएको थियो । पहिलो बल वाइड र त्यसपछि कविता कुँवरले डट राखिन् । लगत्तै अर्को बल वाइड फ्याँलेकी थिइन् । दोस्रो बल डट राखेपछि चार बलमा दुई रन चाहिँएको थियो ।

तेस्रो बल कविताले डट राखिन् । चौथो बल पनि डट राखेपछि दुई बलमा दुई रन चाहिँएको थियो । पाँचौं बलमा एक रन लिँदै स्कोर टाई गरेकी थिइन् । अन्तिम बलमा अरियानाले चौका प्रहार गर्दै खेल जिताएकी थिइन् । अरियाना १५ बलमा १ चौकासहित १२ रनमा नट आउट भइन् ।

नेपाली कविता जोशीले ४ ओभरमा १४ रन खर्चेर १ विकेट लिइन् । रुविना क्षेत्रीले ४ ओभरमा १३ रन खर्चेर १ विकेट लिइन् । सीता रानामगरले ३ ओभरमा १५ रन खर्चेर १ विकेट लिइन् । कविता कुँवरले ४ ओभरमा २३ रन खर्चेर १ विकेट लिइन् ।

त्यसअघि टस जितेर पहिला ब्याटिङ रोजेको नेपालले निर्धारित २० ओभरमा ७ विकेट गुमाउँदै ९६ रन बनाएको थियो । उक्त रन जितको लागि पर्याप्त हुन सकेन । नेपालको मध्यक्रमकी ब्याटर तथा उपकप्तान इन्दु बर्माले ३१ बलमा ३ चौकासहित सर्वाधिक ३२ रन बनाएपनि टोलीलाई जिताउन भने सकिनन् ।

विन्दु रावल २६ बलमा १ चौकासहित २४ रनमा रन आउट भएकी थिइन् । निकै खराब सुरुवात गर्नेक्रममा नेपाल एक समय १०.४ ओभरमा ३३-५ को दयनीय अवस्थामा पुगेको थियो । उक्त अवस्थाबाट नेपाललाई विन्दु रावल र इन्दु बर्माले छैटौं विकेटका लागि ३५ रनको महत्वपूर्ण साझेदारी गर्दै प्रतिस्पर्धात्मक योगफल सम्म पुर्याउँदै बलरलाई आशा जगाएका थिए ।

नेपालकी ओपनर काजोल श्रेष्ठ विनीफ्रेड आनीको बलमा अब्दुलबाट क्याच आउट भएकी थिइन् । उनले १३ बलमा ६ रन जोडिन् । उनी आउट हुँदा नेपाल ४.२ ओभरमा १०-१ को अवस्थामा थियो । लगत्तै अर्को ओभरमा ज्योति पाण्डे ६ बल खेल्दै १ रनमा रन आउट भएकी थिइन् ।

नेपाल ५.२ ओभरमा ११-२ को अवस्थामा पुगेको थियो । विनीफ्रेडकै बलमा नेपाली प्रमुख ब्याटर सीता रानामगर १६ बल खेल्दै ५ रनमा महिराह इजातीबाट क्याच भएपछि नेपाल ६.१ ओभरमा १३-३ को अवस्थामा पुगेको थियो । कप्तान रुविना क्षेत्री बेलबासे ७ बल खेल्दै शून्यमा पेभेलिएन फर्किदा नेपाल ७.५ ओभरमा १८-४ को अवस्थामा पुगेको थियो । पाँचौं विकेटका लागि इन्दु बर्मा र सम्झना खड्काले १५ रनको साझेदारी गरेका थिए । सम्झना एेश्या एलिसाको बलमा ८ रनमा एलबीडब्लू आउट भइन् ।

नेपालकी फिनिसर कविता जोशी १३ बलमा १२ रनमा नटआउट रहिन् । मलेसियाकी विनीफ्रेड आनीले ४ ओभरमा १७ रन खर्चेर ३ विकेट लिइन् । महिराह इजाती इस्माली र एशया एलिसाले समान एक विकेट लिए ।

नेपाल पहिलो खेलमा ५ विकेटले पराजित भएको थियो । दोस्रो खेलमा नेपाल ७ विकेट र तेस्रो खेलमा २७ रनले विजयी भएको थियो । पाँचौं तथा अन्तिम निर्णायक खेल आइतबार हुनेछ ।

February 23, 2024

अष्ट्रेलियाद्वारा न्यूजिल्याण्डविरुद्ध टि-२० सिरिज कब्जा

एजेन्सी – न्यूजिल्याण्डमा जारी अष्ट्रेलिया र घरेलु टोलीको बीचको तीन खेलको टि-२० शृंखला पाहुना टोलीले कब्जा गरेको छ । अष्ट्रेलियाले एक खेलमा बाँकी रहँदै शृंखला २-० ले कब्जा गरेको हो । पहिलो खेलमा ६ विकेटको रोमाञ्चक जित निकालेको अष्ट्रेलियाले दोस्रो खेलमा आज ७२ रनको फराकिलो जित दर्ता गर्दै शृंखला जितेको हो । १७५ रनको लक्ष्य […]

February 23, 2024

भारतविरुद्धको चौथो टेस्टमा रुटको शतक

एजेन्सी – भारतविरुद्धको चौथो टेस्टमा पहिलो दिन इङ्ल्यान्ड जो रुटले शतक पूरा गरेका छन् । टस जितेर पहिले ब्याटिङ रोजेको इङ्ल्यान्डले ७ विरुटले नटआउट १ सय ६ रन बनाएका छन् । ३१ रनमा नटआउट रहँदै ओली रविन्सनले रुटलाई साथ दिइरहेका छन् । टेस्ट क्रिकेटमा रुटको ३१ औं शतक हो । बेन फोक्सले ४७, जोनी ब्रेन्सकेटको […]

February 23, 2024

नामिबियाले नेदरल्यान्ड्सलाई हरायो

काठमाडौं (हाम्रो खेलकुद) – आइसीसी क्रिकेट विश्वका लिग-२ अन्तर्गत त्रिकोणात्मक सिरिज अन्तर्गतको खेलमा नामिबियाले नेदरल्यान्ड्सलाई २४ रनले पराजित गरेको छ । टियु क्रिकेट मैदानमा मैदान भिजेको कारण ४५ ओभरमा घटाइएको खेलमा नेदरल्यान्ड्सले जितको लागि २ सय ४ रन पछ्याएपनि लक्ष्य पूरा गर्न सकेन । नेदरल्यान्ड्स ४३.५ ओभरमा १ सय ७९ रनमा अलआउट भएको थियो । […]

Success

Thank you for your time.