default_image

12 months ago

June 5, 2023

कर्नाटकमाथि नामिबियाको सानदार जित

62 views

0 Bookmark

एजेन्सी – मध्यक्रमका ब्याटर माइकल भान लिंगेनको शतकसँगै नामिबियाले दोस्रो एकदिवसीय अभ्यास खेलमा कर्नाटकमाथि ५ विकेटको सानदार जित हात पारेको छ । योसँगै पाँच खेलको सिरिज १–१ को बराबरी अवस्थामा पुगेको छ ।

जितको लागी ३ सय ६१ रनको विशाल विजयी लक्ष्य पछ्याएको नामिबियाले ४९.५ ओभरमा ५ विकेट गुमाउँदै पूरा गर्यो । नामिबियाको जितमा माइकल भान लिंगेनले ८५ बलमा ७ चौका र ५ छक्कासहित १ सय ४ रनको शतकीय इनिङ खेले ।

कप्तान जेरार्ड इरास्मस ६७ बलमा ८ चौका र २ छक्कासहित ९१ रनमा आउट भए । नामिबियालाई ओपनर स्टेफन बार्ड र निकोलस डेभिनले पहिलो विकेटका लागि २० ओभरमा १ सय १९ रनको शतकीय साझेदारीका साथ उत्कृष्ट सुरुवात दिलाएका थिए ।

डेभिन ६२ बलमा १० चौका र २ छक्कासहित ७० रनमा आउट भए । स्टेफन ६८ बलमा ५ चौकासहित ५७, जान फ्रेलिंक १२ र जेन ग्रीनले १० रन बनाए । कर्नाटकका विद्धथ कविरापा, शुभगं हेग्डे, विजयकुमार वैश्यक र रविकुमार सामर्थले समान एक विकेट लिए ।

त्यसअघि वानडरे क्रिकेट स्टेडियम विन्डहोकमा टस हारेर पहिला ब्याटिङको निम्तो पाएको कर्नाटकले निर्धारित ५० ओभरमा ४ विकेट गुमाउँदै ३ सय ६० रन बनाएको थियो । युवा ओपनर चेतन एलआरले १ सय ४७ बलमा १३ चौका र ८ छक्कासहित सर्वाधिक १ सय ६९ रनको सानदार शतकीय इनिङका बाबजुद टोलीको हारलाई जोगाउन सकेनन् ।

त्यस्तै निकिन जोसले १ सय ९ बलमा ५ चौका र २ छक्कासहित १ सय ३ रन बनाए । दोस्रो विकेटका लागि चेतन र निकिनले २ सय ५८ रनको सानदार दोहोरो शतकीय साझेदारी गर्दै विशाल योगफल बनाएपनि बलिङ नचल्दा पराजित हुन पुग्यो । कृष्णमुर्ती सिद्धार्थ २७ बलमा १ चौका र ६ छक्कासहित ५९ रनमा नटआउट रहे । नामिबियाका कार्ल ब्रिकेनस्टोक, बेन शिकोंगो, जेन फ्रेलिंक र जेरार्ड इरास्मसले समान एक विकेट लिए ।

भारतीय चर्चित रणजी ट्रफी टोली कर्नाटक पाँच खेलको एकदिवसीय अभ्यास सिरिजको लागि नामिबिया भ्रमणमा छ । पहिलो खेलमा कर्नाटक ९ विकेटले विजयी भएको थियो । अव तेस्रो खेल बुधबार, चौथोा खेल शुक्रबार र पाँचौं खेल आइतबार हुनेछ । विश्वकप छनोटबाट बाहिरिएपछि नामिबियाले आफ्ना खेलाडीलाई ब्यस्त राख्न उक्त सिरिज आयोजना गरेको हो ।

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.