default_image

1 year ago

June 7, 2023

वेस्टइन्डिजसँग युएईको प्रतिस्पर्धात्मक हार

141 views

0 Bookmark

एजेन्सी – घरेलु टोली युएईले दोस्रो ओडिआई खेलमा टेस्ट टोली वेस्टइन्डिजसँग प्रतिस्पर्धात्मक ७८ रनको हार व्यहोरेको छ । तीन ओडिआई खेलको सिरिज वेस्टइन्डिजले एक खेल अगावै जितेको छ ।

जितको लागि ३ सय ७ रनको विशाल विजयी लक्ष्य पछ्याएको युएईले ५० ओभरमा ७ विकेट गुमाउँदै २ सय २८ रन बनायो । शारजाहको ४० डिग्रीको गर्मीमा युएईका ब्याटरले प्रतिस्पर्धा गरेका थिए । युएईका १९ वर्षीय युवा बायाँ हाते ब्याटर अली नासिरले ५३ बलमा ६ चौका र ३ छक्कासहित ५७ रनको इनिङ खेले ।

डेब्यूसहित दोस्रो खेलमा उनले लगातार दोस्रो अर्धशतक प्रहार गरेका छन् । डेब्यू खेलमा उनले ५२ बलमा ५ चौका र २ छक्कासहित ५८ रन बनाएका थिए । अलराउन्डर नासिरले विश्वकप छनोटमा स्थान बनाउने लगभग पक्कापक्की बनेको छ । उनले तीव्र गतिमा बलिङ गर्दै दुई विकेट पनि लिएका थिए । विश्वकप छनोट अघि युएईले एक उत्कृष्ट अलराउन्डर प्राप्त गरेको छ । यस सिरिजको उनी सबैभन्दा महत्वपूर्ण खोजी हुनेछन् ।

बासिल हामिद ८४ बलमा १ चौका र ३ छक्कासहित ४९ रनमा आउट भए । युएईका भरपर्दा युवा ब्याटर वृत्य अरविन्द ५२ बलमा ५ चौकासहित ३६, मोहम्मद वासिम ६, अर्यांश शर्मा २०, लवप्रीत सिंह ६, आसिफ खान ४ र आयन खानले २५ रन बनाए । वेस्टइन्डिजका रोस्टन चेश र कविम होड्गेले समान दुई विकेट लिए ।

त्यसअघि शारजाहमा टस जितेर पहिला ब्याटिङको निम्तो पाएको वेस्टइन्डिज ४९.५ ओभरमा ३ सय ६ रनमा अल आउट भएको थियो । ओपनर जोनसन चाल्र्सले ४७ बलमा ८ चौका र ३ छक्कासहित ६३ रन बनाए । उनीनै खेलको प्लेयर अफ द म्याच चुनिए ।

ओपनर ब्रेंन्डन किंले ७० बलमा ४ चौका र ४ छक्कासहित ६४ रन बनाए । वेस्टइन्डिजलाई ओपनर ब्रेन्डन किंग र चाल्र्सले पहिलो विकेटका लागि १७ ओभरमा १ सय २९ रनको सानदार शतकीय साझेदारी गर्दै विशाल योगफलको सम्भावना देखाएका थिए ।

अली नासिरको बलमा वैकल्पिक युवा फिल्डिर डी सोल्झाबाट उत्कृष्ट क्याच गराउँदै चाल्र्सलाई पेभेलिएन फर्काएपछि युएई खेलमा फर्किएको थियो । शमाह्र ब्रुक्स २०, केसी कार्टी ३२, रोस्टन चेश ७, शाईहोप २३, कविम २६ र ओडेन स्मिथ ३७ रन बनाए ।

युएईका जहूर खानले ९.५ ओभरमा ४४ रन खर्चेर २ विकेट लिए । सन्चित शर्मा, आयन खान र अली नासिरले समान दुई विकेट लिए । पहिलो खेलमा ७ विकेटले पराजित भएको थियो । तेस्रो खेल शुक्रबार हुनेछ ।

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

June 15, 2024

दीपेन्द्रले तेस्रो विकेट लिए

किङ्गसटाउन (हाम्रो खेलकुद)– नेपालले टि ट्वान्टी विश्व कपको आफ्नो तेस्रो खेलमा दक्षिण अफ्रिकाविरुद्ध कसिलो बलिङ निरन्तरता दिइरहेको छ । दीपेन्द्रसिंह ऐरीले व्यक्तिगत तेस्रो विकेट लिँदा दक्षिण अफ्रिकाले १७.३ ओभरमा ५ विकेटको क्षेतिमा ९७ रन बनाएको छ । दीपेन्द्रले डेभिड मिलरलाई ७ रनमा सन्दीप लामिछानेबाट क्याच गराएका थिए । त्यसअघि दीपेनद्रले सर्वाधिक ४३ रन बनाएका हेन्रिच […]

Success

Thank you for your time.