एजेन्सी – आइसिसी विश्व टेस्ट च्याम्पियनसिप २०२३ को फाइनलमा भारतले अष्ट्रेलियाविरुद्ध टस जितेको छ । इंग्ल्यान्डको द ओभलमा सम्पन्न टसमा भारतका कप्तान रोहित शर्माले टस जितेर पहिला फिल्डिङ गर्ने निर्णय लिएका छन् ।

भारतले आजको खेलमा चार तीव्र गतिका बलरलाई मैदान उतार्दा स्पिनरमा रविन्द्र जडेजालाई मात्रै मैदान उतारेको छ । पिच तीव्र गतिका बलर सहयोगी हुँदा भारतले चार प्रमुख तीव्र गतिका बलर खेलाउने निर्णय लिएको हो ।

भारत पहिलो संस्करणको फाइनलमा २०२१ मा न्युजिल्यान्डसँग ८ विकेटले पराजित भएको थियो । अष्ट्रेलिया पहिलो पटक टेस्ट च्याम्पियनसिपको फाइनल खेल्दैछ । अष्ट्रेलिया शीर्ष र भारत दोस्रो स्थानमा रहँदै फाइनल खेलेका हुन् ।

अष्ट्रेलियाको प्लेइङ ११ :

डेविड वार्नर, उस्मान खवाजा, मार्नस लाबुसेन, स्टिभ स्मिथ, ट्रविस हेड, क्यामरन ग्रीन, एलेक्स केरी, मिचेल स्टार्क, प्याट कमिन्स(कप्तान), नाथन लायन र स्कट बोलान्ड ।

भारतको प्लेइङ ११ : :

रोहित शर्मा (कप्तान), शुभमन गिल, चेतेश्वर पुजारा, विराट कोहली, अजिंक्या रहाणे, केएस भरत(विकेटकिपर), रविन्द्र जडेजा, शार्दुल ठाकुर, उमेश यादव, मोहम्मद शामी र मोहम्मद शिराज ।