default_image

12 months ago

June 7, 2023

भारतविरुद्ध हेडको ऐतिहासिक शतक

266 views

0 Bookmark

एजेन्सी – अष्ट्रेलिया मध्यक्रमका ब्याटर ट्रविस हेडले आइसिसी विश्व टेस्ट च्याम्पियनसिप २०२३ को फाइनलमा भारतविरुद्ध ऐतिहासिक शतक प्रहार गरेका छन् । द ओभलमा टस हारेर पहिला ब्याटिङको निम्तो पाएको अष्ट्रेलियाले पहिलो दिन तेस्रो सेसन चलि रहँदा ६६ ओभरमा ३ विकेट गुमाउँदै २ सय ३८ रन बनाएको छ ।

ट्रविस हेड १ सय ६ बलमा १४ चौका र १ छक्कासहित १ सय रनमा क्रिजमा छन् । हेड विश्व टेस्ट च्याम्पियनसिपको फाइनलमा शतक हान्ने पहिलो खेलाडी बनेका छन् । पहिलो संस्करणको २०२१ को फाइनलमा भारतविरुद्ध न्युजिल्यान्डका डेभन कन्वेले ५४ र केन विलियम्सनले ५२ रन बनाएका थिए । फाइनलमा त्यो नै एक खेलाडीले बनाएको उच्च योगफल थियो ।

हेडको करिअरको छैटौं टेस्ट शतक हो । हेडले १ सय ६ बलमा शतक पूरा गरेका थिए । स्टिभ स्मिथ १ सय ५६ बलमा ७ चौकासहित ५३ रन बनाएका छन् ।

तीव्र गतिका बलर मोहम्मद शिराजले ओपनर उस्मान खवाजालाई शून्यमा पेभेलिएन फर्काएका थिए । उनी चौथो ओभरको चौथो बलमा एज लागेर विकेटकिपर केएस भरतबाट क्याच आउट हुन पुगे । दोस्रो विकेटका लागि मार्नस लाबुसेन र डेविड वार्नरले ६९ रनको साझेदारी गरेका थिए । पहिलो दिन भोजन अघि डेविड वार्नर ६० बलमा ८ चौकासहित ४३ रनमा आउट भए ।

उनी शार्दुल ठाकुरको बलमा एज लागेर विकेटकिपरबाट क्याच आउट भए । भोजन लगत्तै मार्नस लाबुसेन मोहम्मद शामीको बलमा २६ रनमा बोल्ड भएपछि अष्ट्रेलिया ७६(३ को अवस्थामा पुगेको थियो । तर चौथो विकेटका लागि स्मिथ र हेडले १ सय ६२ रनको अविजित साझेदारी गर्दै विशाल योगफलको आधार तय गरेका छन् ।

May 19, 2024

पञ्जाबलाई हराउँदै हैदराबाद दोस्रो स्थानमा

एजेन्सी – लिग चरणको आफ्नो अन्तिम खेलमा जित दर्ता गर्दै सनराईजर्स हैदराबाद इंडियन प्रिमियर लिग (आईपिएल) को तालिकाको दोस्रो स्थानमा उक्लिएको छ । पञ्जाब विरुद्ध ४ विकेटको जित दर्ता गर्दै हैदराबाद दोस्रो स्थानमा उक्लिएको हो । पञ्जाबले दिएको २१५ रनको विशाल लक्ष्य हैदराबादले ५ बल बाँकी छँदा ६ विकेट गुमाएर भेटायो । हैदराबादका लागि अभिषेक […]

May 19, 2024

नेपाली टोली तेस्रो अभ्यास खेलमा पराजित

एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको‌ तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]

May 19, 2024

चेन्नाईलाई हराउँदै आरसीबी प्लेअफमा

एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]

Success

Thank you for your time.