1 year ago
June 9, 2023
काठमाडौं (हाम्रो खेलकुद) – कर्णालीले जनकपुरमा सम्पन्न महेन्द्र नारायण निधी टि२० क्रिकेट प्रतियोगिता फाइनलमा सुदूरपश्चिम प्रदेशलाई ५१ रनले हराउँदै ऐतिहासि उपाधि जितेको छ । कर्णालीले आफ्नो क्रिकेट इतिहासमा कुनैपनि राष्ट्रिय स्तरको प्रतियोगितामा पहिलो पटक उपाधि जित्दै इतिहास रच्न सफल भएको हो ।
जितको लागि १ सय ४१ रनको विजयी लक्ष्य पछ्याएको सुदूरपश्चिम १८.१ ओभरमा ८९ रनमा अल आउट भयो । सुदूरपश्चिमका गजेन्द्र बोहराले ३२ बलमा २ चौका र १ छक्कासहित ३३ रनमा आउट भए । कप्तान नारायण जोशी २१ बलमा १ छक्कासहित १५, राजु रिजाल २, दीपक बोहरा १७, खडक बोहरा डक, बसन्त खत्री ३ र हेमन्त धामी ४ रनमा आउट भए ।
कर्णालीका स्पिनर युनिस सिंहले ४ ओभरमा १ मेडनसहित १७ रन खर्चेर ४ विकेट लिए । दीनेश अधिकारी र अनुज चनाराले समान दुई विकेट लिए । दीवान पुन र प्रकाश जैसीले समान एक विकेट लिए ।
त्यसअघि जनकपुरमा टस जितेर पहिला ब्याटिङ रोजेको कर्णालीले निर्धारित २० ओभरमा ६ विकेट गुमाउँदै १ सय ४० रन बनाएको थियो । कर्णालीका युवा ओपनर दीपेन्द्र रावतले ५० बलमा ६ चौकासहित ४९ रनमा आउट भए । कप्तान रविन्द्रजंग शाही २७ बलमा ४ चौकासहित २१ र हिमान्शु शाही २१ बलमा २ चौका र १ छक्कासहित २५ रनमा आउट भए ।
विपिन रावल १३ बलमा ३ चौका र १ छक्कासहित २४ र दीनेश अधिकारीले ११ रन बनाए । सुदूरपश्चिमका नरेन्द्र साउद र नारायण जोशीले समान दुई विकेट लिए । हेमन्त धामीको नाममा एक विकेट रह्यो ।
कर्णालीले २०१८ देखी नेपालमा राष्ट्रिय प्रतियोगिता खेल्दै आएकोछ । सिनियर टोली पहिलो पटक फाइनल पुग्दै उपाधि जितेको हो । यू१९ महिला टोली भने गतवर्ष फाइनलमा पुगेको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]