काठमाडौं(हाम्रो खेलकुद) – नेपालले एसिसी एसिसी महिला इमर्जिङ टिम्स टि२० एसिय कपमा आज पाकिस्तान एसँग खेल्दैछ । खेल नेपाली समय अनुसार बिहान ६ : ४५ मा हङकङको मोंग कोकमा सुरु हुनेछ ।

नेपालको कप्तानी रुविना क्षेत्री बेलबासे र पाकिस्तानको फतिमा सानाले गनेछिन् । भिसाको कारण थाईल्यान्डले सहभागीता जनाउन नपाउने भएपछि नेपालले यस प्रतियोगिता खेल्न लागेको हो । बलियो टोली पाकिस्तानविरुद्ध नेपाल आफ्नो उत्कृष्ट क्रिकेट खेल्ने सोचमा हुनेछन् । दुई साता अघि नेपालले मलेसियासँग पाँच खेलको सिरिज ३-२ ले जितेको थियो ।

नेपालको कप्तान रुविना क्षेत्री, सीता रानामगर र इन्दु बर्माको ब्याटिङ निकै महत्वपूर्ण हुनेछ । यी तीन ब्याटरले सानदार प्रदर्शन गर्नुपर्ने हुन्छ । तीव्र गतिकी बलर अश्मिना कर्माचार्य र कविता कुँवर नेपालका प्रमुख बलर हुन् । नेपालका खेलाडीले फिल्डिङमा विशेष ध्यान दिन आवश्यक देखिन्छ ।

उता पाकिस्तानकी सुपर स्टार फतिमा साना प्रमुख हतियार हुन् । उनले पाकिस्तानको सिनियर टोलीबाट महिला २४ टि२० आई र ३१ डब्लू ओडिआई खेल खेलेकी छिन् । उनले तल्लोक्रममा राम्रो प्रदर्शन गर्नसक्छिन् । उनको प्रदर्शन निकै महत्वपूर्ण हुनेछ । नेपालले बिहीबार भारत र शनिबार घरेलु टोली हङकङसँग खेल्नेछ ।