default_image

9 months ago

June 13, 2023

नेपालले आज युएईसँग खेल्दै

काठमाडौं(हाम्रो खेलकुद) – नेपालले आइसिसी एकदिवसीय विश्वकप छनोट अघि आधिकारीक वार्मअप खेलमा आज युनाइटेड अरव इमिरेट्स (युएई) सँग खेल्दैछ । खेल नेपाली समय अनुसार दिउँसो १२: ४५ मा जिम्बावेको हरारेमा सुरु हुनेछ । नेपालको रोहित पौडेल र युएईको मोहम्मद वासिमले गर्नेछन् । दक्षिण अफ्रिकामा नेपाल अभ्यास खेलमा स्कटल्यान्ड र नेदरल्यान्ड्स दुबैसँग कमजोर ब्याटिङका कारण पराजित […]

144 views

0 Bookmark

काठमाडौं(हाम्रो खेलकुद) – नेपालले आइसिसी एकदिवसीय विश्वकप छनोट अघि आधिकारीक वार्मअप खेलमा आज युनाइटेड अरव इमिरेट्स (युएई) सँग खेल्दैछ । खेल नेपाली समय अनुसार दिउँसो १२: ४५ मा जिम्बावेको हरारेमा सुरु हुनेछ ।

नेपालको रोहित पौडेल र युएईको मोहम्मद वासिमले गर्नेछन् । दक्षिण अफ्रिकामा नेपाल अभ्यास खेलमा स्कटल्यान्ड र नेदरल्यान्ड्स दुबैसँग कमजोर ब्याटिङका कारण पराजित भएको थियो । नेपाल उत्कृष्ट ब्याटिङका साथ आज पहिलो खेल जित्ने सोचमा हुनेछ । वार्मअप खेल हुँदा दुबै टोली बिना दबाब आफ्नो उत्कृष्ट प्लेइङ ११ खोज्ने सोचमा हुनेछन् ।

वेस्टइन्डिजसँग तीन खेलको ओडिआई सिरिज खेलेर युएई जिम्बावे पुगेको छ । त्यसैको कारण युएईको मनोबल उच्च छ । युएईको मध्यक्रम ब्याटिङ कमजोरीको रुपमाछ । तर वेस्टइन्डिजविरुद्ध युवा अलराउन्डर अली नासिरले दुई अर्धशतक प्रहार गर्दै ठूलो आशा र सम्भावना देखाएका छन् । त्यस्तै १७ वर्षीय युवा खेलाडी एथान डी सोल्झामाथि ठूलो आशा गरिएको छ । वेस्टइन्डिजविरुद्ध अन्तिम खेलमा उनले डेब्यू गरेका थिए । रन आउट भएपनि उनले डेब्यू सुरुवात भने चौकाका साथ गरेका थिए ।

उनी ठूलो सम्भावना बोकेका युवा खेलाडी हुन् । वृत्य अरविन्द युएईका प्रमुख ब्याटर हुन् । उनको प्रदर्शन निकै महत्वपुर्ण हुनेछ । वासिमको विकेट निकै महत्वपूर्ण हुन्छ । वासिम टिकेको खण्डमा भने विष्फोटक ब्याटिङ गर्ने गर्दछन् । आसिफ खान र रमिज शाहजाद मध्यक्रमका ब्याटर हुन् । आयन खान तल्लोक्रम सम्हाल्नेछन् । तीव्र गतिका बलरमा जहुर खान, जुनैद सिद्दिक र सन्चित शर्मा हुनेछन् । युएई पछिल्लो समय युवा खेलाडीमा ध्यान दिँदै आएको छ ।

यता नेपाल ओपनर आसिफ शेख र कुशल भुर्तेलबाट राम्रो सुरुवात चाहन्छ । यो अभ्यास खेल हुँदा नेपालले टोलीमा भएका आफ्ना सबै ब्याटरलाई मौका दिनसक्छ । सन्दीप लामिछाने सुरुवाती दुई वार्मअप खेल खेलेका थिएनन् । आज उनी खेल्न सक्छन् । त्यस्तै नेदरल्यान्ड्सविरुद्ध विश्राम पाएका सोमपाल कामी र करण केसीलाई आज खेलाउन सक्छन् ।

रोहित पौडेल, भीम सार्की, आरिफ शेख र दीपेन्द्रलाई विश्वकप छनोट अघि आफ्नो लय समाउने यो राम्रो अवसर समेत हुनेछ । नेपाल जिम्बावेको कन्डिसन अनुसार खेल्न पर्ने हुन्छ । नेपालले आज ब्याटिङमानै ध्यान केन्द्रित गर्नेछ । नेपालले अन्तिम वार्मअप खेल बिहीबार ओमानसँग खेल्नेछ ।

प्रतियोगिता समूह ए मा नेपाल, वेस्टइन्डिज, जिम्बावे, अमेरिका र नेदरल्यान्ड्स छन् । समूह बी मा आयरल्यान्ड, श्रीलंका, युएई, स्कटल्यान्ड र ओमान छन् । प्रतियोगिता असार ३ देखि २४ (जुन १८ देखि जुलाई ९) सम्म जिम्बावेमा हुनेछ ।

शीर्ष तीन टोली सुपर सिक्समा स्थान बनाउने छन् । सुपर सिक्समा अर्का समूहबाट आउने तीन टोलीसँग प्रतिस्पर्धा गर्नेछन् । सुपर सिक्समा समूह चरणको अंक पनि गणना हुने भएकाले आफ्नो समूहका टोलीसँग खेल्नु पर्दैन । अन्त्यमा शीर्ष दुई टोलीले विश्वकपमा स्थान बनाउनेछन् ।

युएईको टोली :

मोहम्मद वासिम (कप्तान), इथान डी सोल्झा, अली नासिर, वृत्य अरविन्द, रमिज शाहजाद, मोहम्मद जवादुल्लाह, आसिफ खान, रोहन मुस्तफा, आयन खान, जुनैद सिद्दिक, जहुर खान, सन्चित शर्मा, अर्यांश शर्मा, कार्तिक मयाप्पन र बासिल हामिद ।

नेपालको टोली :

कुशल भुर्तेल, आसिफ शेख (विकेटकिपर), ज्ञानेन्द्र मल्ल, रोहित पौडेल (कप्तान), कुशल मल्ल, आरिफ शेख, दीपेन्द्रसिंह ऐरी, गुलशन झा, सोमपाल कामी, करण केसी, सन्दीप लामिछाने, भीम सार्की, प्रतिश जि.सी, ललित राजवंशी, अर्जुन साउद र किशोर महतो ।

March 2, 2024

प्रतिश र कुशललाई लगातार २-२ विकेट

काठमाडौं (हाम्रो खेलकुद) – बायाँ हाते तीव्र गतिका बलर प्रतिश जिसी र बायाँ हाते स्पिनरले एकै ओभरमा नेदरल्यान्ड्सका २-२ ब्याटरलाई आउट गरेका छन् । नेदरल्यान्ड्स १० ओभर सकिँदा ६ विकेट गुमाएर ६० रनको दयनीय स्थितिमा छ । क्रिजमा तेजा निदामानुरु २ रनमा छन् । इनिङको नवौं ओभरमा प्रतिशले डच कप्तान स्कट एडवार्ड्स र ओपनर म्याक्स […]

March 2, 2024

करणलाई पहिलो ओभरमै दुई विकेट

काठमाडौं (हाम्रो खेलकुद) – तीव्र गतिका बलर करण केसीले नेदरल्यान्ड्सविरुद्ध खेलको पहिलो ओभरमै दुई विकेट लिएका छन् । टस जितेर पहिलो ब्याटिङ रोजेको नेदरल्यान्ड्सले पहिलो ओभरमा ४ रन जोडेर २ विकेट गुमायो । करणले चौथो बलमा माइकल लेभिटलाई दिपेन्द्र सिंह ऐरीको बलमा मिड अफमा क्याच गराए । लेभिटले दोस्रो बलमा चौका प्रहार गरेका थिए । […]

March 2, 2024

कुशल प्लेइङ-११ मा फर्किए

काठमाडौं (हाम्रो खेलकुद) – ओपनर कुशल भुर्तेल त्रिकोणात्मक टि२०आई सिरिजअन्तर्गत नेदरल्यान्ड्सविरुद्ध पाँचौ खेलमा नेपालको प्लेइङ-११ मा फर्केका छन् । नेदरल्यान्ड्सका कप्तान स्कट एडवार्ड्सले टस जितेर पहिलो ब्याटिङ गर्ने निर्णय लिएका छन् । नेपालले पहिलो फिल्डीङ गर्नेछ । नेपालले आजको खेलमा १ परिवर्तन गरेको छ । अनिल शाहको स्थानमा कुशल भुर्तेल टोलीमा आएका छन् । आजको […]

Success

Thank you for your time.