11 months ago
June 13, 2023
एजेन्सी – अन्तर्राष्ट्रिय क्रिकेट परिषद् (आइसिस) ले भारतीय क्रिकेट टोली र युवा ब्याटर शुभमन गिललाई कारबाही गरेकोछ । आइसिसी विश्व टेस्ट च्याम्पियनसिप २०२३ को फाइनलमा स्वलो ओभर रेटको कारण भारतलाई म्याच फिको १ सय प्रतिशत जरिवना लागेको छ ।
अष्ट्रेलिया क्रिकेट टोलीलाई म्याच फिको ८० प्रतिशत स्वलो ओभरको कारण जरिवना लागेको छ । निर्धारिय समय भन्दा भारतले पाँच र अष्ट्रेलियाले चार ओभर ढिलो गरेको कारण कारबाही गरेको उक्त खेलको म्याच रेफ्री रिची रिचर्ड्सले जनाएका छन् ।
आइसिसीको नियम अनुसार एक ओभर ढिलो भएका म्याच फि को २० प्रतिशत जरिवना लाग्ने गर्दछ । त्यसैको कारण भारतलाई १ सय प्रतिशत र अष्ट्रेलियालाई ८० प्रतिशत म्याच फि जरिवना लागेको हो ।
उता शुभमन गिललाई थप अतिरिक्त १५ प्रतिशत जरिवना लागेको छ । अम्पायरको निर्णयविरुद्ध असन्तुष्ट हुँदै सामाजिक सञ्जालमा पोष्ट गरेका गिललाई आइसिसीले जरिवना लगाएकोछ ।
गिल चौथो दिन दोस्रो इनिङमा तीव्र गतिका बलर स्कट बोलान्डको बलमा क्यामरन ग्रीनबाट क्याच आउट भएका थिए । ग्रीनले गल्लीमा एक हातले डाइभ हान्दै उत्कृष्ट क्याच लिएका थिए । सामाजिक सञ्जालमा आउट नभएको भन्दै चर्चा चलेको थियो ।
गिलले चौथो दिन खेल सकिएको केहि समयमा सामाजिक सञ्जालमा उक्त क्याच बारे असन्तुष्ट जनाउँदै एक पोष्ट गरेका थिए । त्यसैको कारण कारबाहीमा परेका हुन् । अष्ट्रेलियाले फाइनलमा भारतलाई २ सय ९ रनको फराकिलो अन्तरले हराउँदै उपाधि जितेको थियो ।
May 7, 2024
काठमाडौं (हाम्रो खेलकुद)– एन्जल्स हार्ट स्कुलले जयकुमारनाथ शाह स्मृति यु १६ अन्तर स्कुल क्रिकेट प्रतियोगितामा मंगलबार केएमसीलाई हराएको छ । एन्जल्स हार्टले केएमसीलाई ६ विकेटले हराएको हो । १ सय ६३ लक्ष्य पछ्याएको एन्जल्स हार्टसले १९.३ ओभरमा ४ विकेटको क्षेतिमा जित हासिल गरेको थियो । टोलीका लागि युवराज खत्रीले ३६ बलमा ४९, जोय थापा २९ […]
May 7, 2024
एजेन्सी – सूर्यकुमार यादवको शतकको मद्दतमा मुम्बई इण्डियन्सले इन्डियन प्रिमियर लिग (आइपिएल) मा सोमबार सनराइजर्स हैदराबाद माथि सहज जित दर्ता गरेको छ । मुम्बईले हैदराबादलाई ७ विकेटले हराएको हो । हैदराबादले दिएको १ सय ७४ रनको लक्ष्य मुम्बईले १७.२ ओभरमै ३ विकेट मात्र गुमाएर भेट्टायो । मुम्बईका सूर्यकुमारले ५१ बलमा १२ चौका र ६ छक्का […]
May 6, 2024
काठमाडौं (हाम्रो खेलकुद)- राष्ट्रिय गौरवको आयोजनामा परेको मुलपानी क्रिकेट मैदानको डिजाइन आज युवा तथा खेलकुद मन्त्रालयमा प्रस्तुत गरिएको छ। युवा तथा खेलकुद मन्त्री बिराजभक्त श्रेष्ठ, राष्ट्रिय खेलकुद परिषदका सदस्य सचिव टंक लाल घिसिङ, मन्त्रालयका सचिव सुमनराज अर्याल लगायतको उपस्थितिमा मुलपानी मैदानको डिजाइन र संरचनाको बारेमा पुल्चोक इन्जिनियरिङ कलेजले डिजाइन प्रस्तुत गरेको हो। डिजाइन अनुसार हालको […]