default_image

8 months ago

June 13, 2023

नेपाल युएईसँग पराजित

काठमाडौं(हाम्रो खेलकुद) – नेपाल आइसिसी विश्वकप एकदिवसीय विश्वकप छनोट अघि वार्मअप खेलमा युनाइटेड अरव इमिरेट्स (युएई) सँग तीन विकेटले पराजित भएको छ । नेपालको अभ्यास खेलमा यो लगातार तेस्रो हार हो । टस जितेर पहिला ब्याटिङ रोजेको नेपाल ४९.५ ओभरमा २ सय ७६ रनमा अल आउट भएको थियो । नेपालका आसिफ शेखले १ सय ४ […]

212 views

0 Bookmark

काठमाडौं(हाम्रो खेलकुद) – नेपाल आइसिसी विश्वकप एकदिवसीय विश्वकप छनोट अघि वार्मअप खेलमा युनाइटेड अरव इमिरेट्स (युएई) सँग तीन विकेटले पराजित भएको छ । नेपालको अभ्यास खेलमा यो लगातार तेस्रो हार हो ।

टस जितेर पहिला ब्याटिङ रोजेको नेपाल ४९.५ ओभरमा २ सय ७६ रनमा अल आउट भएको थियो । नेपालका आसिफ शेखले १ सय ४ बलमा ७ चौका र १ छक्कासहित सर्वाधिक ७६ रनको योगदान दिए । अर्का ओपनर कुशल भुर्तेल ५३ बलमा ६ चौकासहित ३९ रन बनाए । पहिलो विकेटका लागि आसिफ शेख र कुशल भुर्तेलले १८.२ ओभरमा ८७ रनको साझेदारी गरेका थिए ।
भीम सार्की ४६ बलमा २ चौकासहित २५ रनमा आउट भए । कुशल मल्ल ३० बलमा १ चौका र ४ छक्कासहित ४५ रनमा आउट भए । आरिफ शेख ३३ बलमा ३ चौका र १ छक्कासहित ३५, दीपेन्द्रसिंह ऐरी ८, गुलशन झा ११ र रोहित पौडेल १ रनमा आउट भए । सोमपाल कामी १६ र करण केसी ३ रनमा आउट भए । युएईका तीव्र गतिका बलर अली नासिरले १० ओभरमा ५२ रन खर्चेर सर्वाधिक ४ विकेट लिए । कार्तिक मयाप्पन र सन्चित शर्माले समान दुई विकेट लिए ।

जितको लागि २ सय ७७ रनको बलियो विजयी लक्ष्य पछ्याएको युएईले ४९.५ ओभरमा ७ विकेट गुमाउँदै पूरा गर्यो । युएईको जितमा अनुभवी ब्याटर रोहन मुस्तफा ५६ बलमा ९ चौका र १ छक्कासहित सर्वाधिक ७९ रनमा अविजित रहे । ओपनर अर्यांश शर्मा ४९ बलमा ९ चौकासहित ५०, वृत्य अरविन्द १८, रमिज शाहजाद ४३ र आसिफ खान ३६ रनमा आउट भए । अली नासिर २८ बलमा १ चौका र १ छक्कासहित २७ रनमा आउट भए ।

नेपालका ललितनारायण राजवंशीले १० ओभरमा ४९ रन खर्चेर २ विकेट लिए । करण केसीले ७.५ ओभरमा २ मेडनसहित ४६ रन खर्चेर २ विकेट लिए । गुलशन झा, सोमपाल कामी र कुशल मल्लले समान तीन विकेट लिए ।

नेपाल दक्षिण अफ्रिकामा अभ्यास खेलमा नेदरल्यान्ड्स र स्कटल्यान्डसँग पराजित भएको थियो । नेपाल नेदरल्यान्ड्ससँग ५ विकेट र स्कटल्यान्डसँग ७ विकेटले पराजित भएको थियो ।

नेपाल नेदरल्यान्ड्ससँग ३६.५ ओभरमा १ सय ५६ रनमा अल आउट भएको थियो । स्कटल्यान्डविरुद्ध नेपाल २८.५ ओभरमा १ सय ३५ रनमा अल आउट भएको थियो । दक्षिण अफ्रिकामा कमजोर ब्याटिङका कारण पराजित भएको नेपाल जिम्बावेमा भने बलिङ नचल्दा हार्न पुगेको छ । नेपालले अन्तिम अभ्यास खेल बिहीबार ओमानसँग खेल्नेछ ।

विश्वकप छनोट प्रतियोगिता समूह ए मा नेपाल, वेस्टइन्डिज, जिम्बावे, अमेरिका र नेदरल्यान्ड्स छन् । समूह बी मा आयरल्यान्ड, श्रीलंका, युएई, स्कटल्यान्ड र ओमान छन् । प्रतियोगिता असार ३ देखि २४ (जुन १८ देखि जुलाई ९) सम्म जिम्बावेमा हुनेछ ।

नेपालले पहिलो खेल असार ३ मा (जुन १८) मा जिम्बावेसँग खेल्दै सुरुवात गर्नेछ । नेपालले त्यसको एक दिनपछि असार ५ (जुन २०) मा अमेरिकासँग खेल्नेछ । नेपालले असार ७ (जुन २२) मा वेस्टइन्डिजसँग खेल्नेछ । नेपालले समूह चरणको अन्तिम खेल असार ९ (जुन २४) मा नेदरल्यान्ड्ससँग खेल्नेछ ।

शीर्ष तीन टोली सुपर सिक्समा स्थान बनाउने छन् । सुपर सिक्समा अर्का समूहबाट आउने तीन टोलीसँग प्रतिस्पर्धा गर्नेछन् । सुपर सिक्समा समूह चरणको अंक पनि गणना हुने भएकाले आफ्नो समूहका टोलीसँग खेल्नु पर्दैन । अन्त्यमा शीर्ष दुई टोलीले विश्वकपमा स्थान बनाउनेछन् ।

नेपालको टोली :

कुशल भुर्तेल, आसिफ शेख (विकेटकिपर), ज्ञानेन्द्र मल्ल, रोहित पौडेल ९कप्तान०, कुशल मल्ल, आरिफ शेख, दीपेन्द्रसिंह ऐरी, गुलशन झा, सोमपाल कामी, करण केसी, सन्दीप लामिछाने, भीम सार्की, प्रतिश जि.सी, ललित राजवंशी, अर्जुन साउद र किशोर महतो ।

February 22, 2024

नेपाल ‘ए’ लाई हराउँदै क्यानडा-११ ले जित्यो सिरिज

काठमाडौं (हाम्रो खेलकुद) – क्यानडा-११ ले नेपाल ‘ए’ विरुद्ध जारी एकदिवसीय सिरिज जितेको छ । तेस्रो खेलमा ४ विकेटको जितका साथ क्यानडा-११ ले सिरिज आफ्नो पक्षमा पारेको हो । मुलपानी क्रिकेट मैदानमा नेपालले प्रस्तुत गरेको १ सय ८२ रनको लक्ष्य क्यानडाले ३९ औं ओभरमा ६ विकेट गुमाएर पूरा गर्यो । क्यानडाका लागि निकोलस किर्तनले अर्धशतक […]

February 22, 2024

क्यानडा-११ लाई नेपाल ए को सामान्य लक्ष्य

काठमाडौं (हाम्रो खेलकुद) – एकदिवसीय सिरिजको तेस्रो तथा निर्णायक खेलमा नेपाल ए ले क्यानडा-११ लाई जितका लागि १ सय ८२ रनको सामान्य योगफल खडा गरेको छ । मुलपानी क्रिकेट मैदानमा पहिलो ब्याटिङको निम्तो पाएको नेपालले ४७ औं ओभरमा अलआउट हुँदै १ सय ८१ रन जोड्यो । नेपालका ७ ब्याटरले १९ रनभन्दा माथि जोडेपनि कसैले ३० […]

February 22, 2024

आशुतोष र सुजनसहित नेपाल ‘ए’ को ४ परिवर्तन

काठमाडौं (हाम्रो खेलकुद) – नेपाल ‘ए’ ले क्यानडा-११ विरुद्ध जारी एकदिवसीय सिरिजको तेस्रो तथा निर्णायक खेलमा ४ परिवर्तन गरेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिँदा नेपाल पहिलो ब्याटिङ गर्दैछ । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी […]

Success

Thank you for your time.