11 months ago
June 14, 2023
एजेन्सी – विश्व क्रिकेटका एक उत्कृष्ट विष्फोटक ब्याटर आन्द्रे रसेल र नेपालका अलराउन्डर दीपेन्द्रसिंह ऐरीले एकै टोलीबाट ग्लोबल टि२० क्यानडा खेल्ने भएका छन् । मंगलबार राती दीपेन्द्रलाई मोन्ट्रियल टाइगर्सले ड्राफ्टबाट किनेको हो ।
दीपेन्द्रले पहिलो पटक विदेशी लिग खेल्नेछन् । जसमा वेस्टइन्डिजलाई दुई पटक टि२० विश्वकप उपाधि जिताउन सानदार प्रदर्शन गरेका रसेलसँगै खेल्नेछन् ।
रसेल विश्व क्रिकेटका विष्फोटक ब्याटिङ र तीव्र गतिको बलिङको लागि चिनिन्छन् । यता दीपेन्द्र भने मध्यक्रममा ब्याटिङ गर्नुको साथै स्पिन बलिङ गर्ने गर्दछन् । दीपेन्द्र नेपाली क्रिकेटका वर्तमान समयका एक उत्कृष्ट फिल्डर र अलराउन्डर समेत हुन् ।
आइपिएल कोलकाता नाइट राइडर्सबाट खेल्ने रसेल विश्वका चर्चित सबै विदेशी लिग खेलेका छन् । रसेल २०२१ को टि२० विश्वकप देखी वेस्टइन्डिजको टोलीमा छैनन् । यसअघिका मुख्य प्रशिक्षक फिल सिमन्ससँग राम्रो सम्बन्ध नहुँदा उनी टोली बाहिर थिए । तर वेस्टइन्डिजलाई दुई पटक विश्वकप उपाधि जिताएका कप्तान ड्यारेन स्यामी मुख्य प्रशिक्षकमा नियुक्त भएसँगै रसेल टोलीमा फर्किने सम्भावना उच्चछ । रसेल, सुनिल नारायण र शिम्रन हेटमायर टोलीमा फर्किन सक्ने स्यामीले बताएका छन् ।
दीपेन्द्रको टोलीमा बंगलादेशका स्टार अलराउन्डर सकिब अल हसन पनि छन् । हसन विश्व किकेटकै एक उत्कृष्ट अलराउन्डर हुन् । अष्ट्रेलियाका ओपनर क्रिस लिन, शेर्फान रदरफोर्ड र कार्लोस ब्रेथवेट छन् । वेस्टइन्डिजलाई २०१६ को टि२० विश्वकप उपाधि जिताउन इंग्ल्यान्डलाई अन्तिम ओभरमा ब्रेथवेटले बेन स्टोक्सलाई लगातार चार छक्का प्रहार गरेका थिए ।
पोखरा प्रिमियर लिग २०१९ मा दीपेन्द्रको कप्तानीमा एक्स्पर्ट धनगढी ब्लुजबाट खेलेका क्यानडाका विजयरत्ने श्रीमन्था पनिसँगै टोलीमा हुनेछन् । ग्लोबल टि२० क्यानडा आगमी जुलाई २० देखी ६ अगष्ट सम्म हुनेछ । नेपालका सन्दीप लामिछानेलाई सन्दीप लामिछानेलाई सर्रे जगुआरले किनेको छ।
मोन्ट्रियल टाइगर्सको टोली :
सकिब अल हसन, आन्द्रे रसेल, क्रिस लिन, शेर्फान रदरफोर्ड, कार्लोस ब्रेथवेट, मोहम्मद अब्बास अफ्रिदी, जाहिर खान, मोहम्मद वासिम, अकिफ राजा, आयन खान, दीपेन्द्रसिंह ऐरी, कलिम साना, श्रीमन्था विजयरत्ने, म्याथ्यु स्पोर्स, विज्पेन्द्र सिंह, दीलप्रीत सिंह, अनुप चिमा ।
May 7, 2024
काठमाडौं (हाम्रो खेलकुद)– एन्जल्स हार्ट स्कुलले जयकुमारनाथ शाह स्मृति यु १६ अन्तर स्कुल क्रिकेट प्रतियोगितामा मंगलबार केएमसीलाई हराएको छ । एन्जल्स हार्टले केएमसीलाई ६ विकेटले हराएको हो । १ सय ६३ लक्ष्य पछ्याएको एन्जल्स हार्टसले १९.३ ओभरमा ४ विकेटको क्षेतिमा जित हासिल गरेको थियो । टोलीका लागि युवराज खत्रीले ३६ बलमा ४९, जोय थापा २९ […]
May 7, 2024
एजेन्सी – सूर्यकुमार यादवको शतकको मद्दतमा मुम्बई इण्डियन्सले इन्डियन प्रिमियर लिग (आइपिएल) मा सोमबार सनराइजर्स हैदराबाद माथि सहज जित दर्ता गरेको छ । मुम्बईले हैदराबादलाई ७ विकेटले हराएको हो । हैदराबादले दिएको १ सय ७४ रनको लक्ष्य मुम्बईले १७.२ ओभरमै ३ विकेट मात्र गुमाएर भेट्टायो । मुम्बईका सूर्यकुमारले ५१ बलमा १२ चौका र ६ छक्का […]
May 6, 2024
काठमाडौं (हाम्रो खेलकुद)- राष्ट्रिय गौरवको आयोजनामा परेको मुलपानी क्रिकेट मैदानको डिजाइन आज युवा तथा खेलकुद मन्त्रालयमा प्रस्तुत गरिएको छ। युवा तथा खेलकुद मन्त्री बिराजभक्त श्रेष्ठ, राष्ट्रिय खेलकुद परिषदका सदस्य सचिव टंक लाल घिसिङ, मन्त्रालयका सचिव सुमनराज अर्याल लगायतको उपस्थितिमा मुलपानी मैदानको डिजाइन र संरचनाको बारेमा पुल्चोक इन्जिनियरिङ कलेजले डिजाइन प्रस्तुत गरेको हो। डिजाइन अनुसार हालको […]