default_image

8 months ago

July 1, 2023

भारतको दादागिरीले नेपाललाई दुःख!

एजेन्सी – भारतीय क्रिकेट बोर्ड (बिसिसीआई) विश्वको सर्वाधिक धनी क्रिकेट बोर्ड हो । त्यसैको कारण अन्तर्राष्ट्रिय क्रिकेट परिषद् (आइसिसी) लाई पनि बिसिसीआईले आफ्नो दबाबमा राख्ने गर्दछ । इन्डियन प्रिमियर लिग (आइपिएल) को कारण बिसिसिआई विश्वकै धनी क्रिकेट बोर्ड बनेको छ । त्यसैको दम्भ भारतले विश्व क्रिकेटमा देखाउन खोज्छ । भारतको दम्भकै कारण एसीसी एसिया कपमा […]

457 views

0 Bookmark

एजेन्सी – भारतीय क्रिकेट बोर्ड (बिसिसीआई) विश्वको सर्वाधिक धनी क्रिकेट बोर्ड हो । त्यसैको कारण अन्तर्राष्ट्रिय क्रिकेट परिषद् (आइसिसी) लाई पनि बिसिसीआईले आफ्नो दबाबमा राख्ने गर्दछ ।

इन्डियन प्रिमियर लिग (आइपिएल) को कारण बिसिसिआई विश्वकै धनी क्रिकेट बोर्ड बनेको छ । त्यसैको दम्भ भारतले विश्व क्रिकेटमा देखाउन खोज्छ । भारतको दम्भकै कारण एसीसी एसिया कपमा भारतले पाकिस्तानलाई दबाउन खोजेको छ । यी दुई देशले आन्तरिक राजनीतिक समस्याले पछिल्लो एक दशकमा कुनैपनि सिरिज खेलेका छैनन् ।

आइसिसी र एसियन क्रिकेट काउन्सिल एसिसीको प्रतियोगिता मात्रै खेल्दै आएका छन् । पाकिस्तानले भारतमा गएर आइसिसीको प्रतियोगिता खेलेको छ । भारत भने पाकिस्तान जान अस्वीकार गर्दै आफ्नो लागि खेल्न भिन्दै ठाउँ खोज्दै आएको छ । यसकारण पनि पाकिस्तान आफैंले ठूलो प्रतियोगिता आयोजना गर्न पाएको छैन ।

भारत र पाकिस्तानको खिचातानीले गर्दा एकदिवसीय एसिया कपमा पुन: अन्यौलता छाएको छ । सेप्टेम्बर १ देखि १७ सम्म हुने एसिया कप आयोजनाको अधिकार पाकिस्तानसँग छ । तर भारतले पाकिस्तान नजाने अडान लिएसँगै भारतले खेल्ने सबै खेल श्रीलंकामा हुनेछन् । योसँगै एसिया कपका ४ खेल पाकिस्तान र बाँकी ९ खेल श्रीलंकामा हुने एसीसीले जनाएको छ । तर पाकिस्तानमा यो निर्णयका कारण बोर्डमा नै परिवर्तन भएको छ ।

एसीसीको निर्णयसँगै पिसिबीका अध्यक्ष रहेका नाजिम सेठी बाहिरिएका छन् । कार्यवाहक रहेका उनले आफ्नो पदमा निरन्तर रहन नचाहेपछि अहिले कार्यवाहक निर्वाचन आयुक्त अहमद सहजाद फारुक राना कार्यवाहक अध्यक्ष रहेका छन् । अब पाकिस्तानका नयाँ अध्यक्ष को बन्नेछन् भन्ने निर्णयले पनि एसिया कपको भविष्य निर्धारण हुन सक्छ ।

अहिलेको तालिका अनुसार नेपाल, भारत र पाकिस्तान समूह ए मा छन् । नेपाल प्रिमियर कप विजेताको हैसियतले एसिया कपमा छनोट भएको हो । छनोट हुनुअघि समूह विभाजन भएको अवस्था थियो । त्यसकारण अब समूह चरणकै खेल खेल्न नेपाल पाकिस्तान र श्रीलंका दुवै देश जानु पर्ने भएको छ ।

नेपालले भारतसँगको खेल श्रीलंकामा खेल्नेछ । पाकिस्तानसँगको खेल पाकिस्तानैमै खेल्नेछ । नेपालले भारत र पाकिस्तान मध्य कुन टोलीसँग पहिलो खेल्ने तालिका सार्वजनिक भएको छैन । तर भारतको कारण नेपाली क्रिकेट टोलीले दुःख भने पाउनेछ ।

पूरा प्रतियोगिता नै १३ दिनमा सकिनेछ । त्यसैले नेपालले श्रीलंका वा पाकिस्तानमा गएर धेरै समय अभ्यास गर्न पाउने छैन । एउटा टोलीसँग खेले लगत्तै अर्को देश जानुपर्ने हुन्छ । भारतको कारण नेपाली खेलाडीलाई हवाई यात्रामा दुःख पाउन सक्छन् । नेपालले राम्रोसँग तयारी पनि गर्न पाउने छैन ।

नेपालले दुवै देशको कन्डिसन राम्रोसँग बुझ्न पाउने छैन । यदि नेपालले पहिला पाकिस्तानसँग खेलेमा त्यहाँ खेले लगत्तै श्रीलंका जानुपर्ने हुन्छ । समय थोरै हुँदा खेलेकै दिन नेपाल श्रीलंका जार्नुपर्ने अवस्था आउन सक्छ । नेपालले एउटा खेल खेलेपछि बढीमा दुई दिन विश्राम पाउने देखिन्छ ।

एसिया कपमा पाकिस्तानले भारतसँगको खेल युएईमा खेल्ने प्रस्ताव गरेको थियो । तर उच्च गर्मीको कारण त्यहाँ खेल्न बंगलादेशले पनि अस्वीकार गरेको थियो । समूह बी मा बंगलादेश, श्रीलंका र अफगानिस्तान छन् । हरेक समूहबाट शीर्ष दुई टोली सुपर फोरमा पुग्नेछन् । सुपर फोरमा हरेक टोलीले एक अर्कासँग खेल्नेछन् । जसबाट शीर्ष दुई टोलीले फाइनलमा स्थान बनाउनेछन् । भारतको नतिजामा फाइनल कहाँ हुने निर्धारण हुनेछ ।

किन पाकिस्तान जाँदैन भारत ?

भारत र पाकिस्तानबीच राजनीतिक रुपमा सम्बन्ध राम्रो छैन । त्यसैको कारण यी दुईदेशले आन्तरिक रुपमा पछिल्लो एक दशकमा कुनैपनि सिरिज खेल्दैनन् । अन्तिम पटक पाकिस्तान भारतमा सिरिज खेल्न २०१२/१३ मा आएको थियो । भारत पाकिस्तानमा अन्तिम पटक २००६ मा गएको थियो ।

पहिलो संस्करणको आइपिएलमा पाकिस्तानी खेलाडी सहभागी थिए । तर २००८ मा मुम्बईमा भएको आतंककारी हमलापछि पाकिस्तानी खेलाडीलाई आइपिएल खेल्न भारतले प्रतिबन्धनै लगाएको थियो । २००९ मा पाकिस्तानको लाहोरमा श्रीलंका क्रिकेट टोली चडेको बसमा आतंककारी हमला भएपछि अन्तर्राष्ट्रिय क्रिकेट प्रतियोगिता केहि वर्ष शून्य भएको थियो । त्यसैले पाकिस्तानले युएईलाई घरेलु मैदान बनाउनु परेको थियो ।

पछिल्लो पाँच वर्षमा पाकिस्तानमा भारत बाहेक विश्वका अन्य सबै ठूला देश गएका छन् । राजनीतिक सम्बन्ध राम्रो नभएपनि पाकिस्तान भने भारत क्रिकेट खेल्न आएको छ । २०१६ को टि२० विश्वकप खेल्न पाकिस्तान भारत गएको थियो ।

आगमी अक्टोबर नोभेम्बरमा २०२३ को एकदिवसीय विश्वकप खेल्न पाकिस्तान भारत आउनेछ । २०२५ मा पाकिस्तानले च्याम्पियन्स ट्रफीको आयोजना गर्नेछ । अन्तिम पटक भएको च्याम्पियनसिप ट्रफीको फाइनलमा पाकिस्तानले भारतलाई १ सय ८० रनको फराकिलो अन्तरले हराउँदै उपाधि जितेको थियो ।

२०२१ को टि२० विश्वकपमा भारत पाकिस्तानसँग १० विकेटले पराजित हुँदै बाहिरिएको थियो । २०२२ को टि२० विश्वकपमा भारतले पाकिस्तानलाई ४ विकेटले हराएको थियो । २०२२ को एसिया कपको समूह चरणमा पाकिस्तान भारतसँग ५ विकेटले पराजित भएको थियो । तर सुपर फोरमा भारतलाई ५ विकेटले हराउँदै फाइनलमा पुगेको थियो ।

February 27, 2024

पुछारका दुवै ब्याटरको सानदार शतक

एजेन्सी – भारतको शीर्ष श्रेणी क्रिकेट प्रतियोगिता रणजी ट्रफी अन्तर्गत मुम्बईबाट पुछारका दुई ब्याटरले शतक बनाएका छन् । नेपालले अर्को महिना मैत्रीपूर्ण सिरिज खेल्न लागेको बरोडाविरुद्ध दुर्लभ उपलब्धि हासिल गरेका हुन् । मंगलबार सम्पन्न दोस्रो क्वाटरफाइनल अन्तर्गत बरोडाविरुद्ध खेलको पाँचौ दिन दशौं नम्बरमा ब्याटिङ गरेका तनुश कोटिया र एघारौं नम्बरमा आएका तुषार देशपाण्डेले शतक प्रहार […]

February 27, 2024

दुर्गेशको शतकमा भोटेचौरको लगातार जित

काठमाडौं (हाम्रो खेलकुद) – ओपनर दुर्गेश थापाको नटआउट शतकमा भोटेचौर स्पोर्ट्स क्लबले पाँचपोखरी जिल्लास्तरीय टि२० क्रिकेट प्रतियोगितामा लगातार दोस्रो जित हासिल गरेको छ । यस्तै दिनको अर्को खेलमा इन्द्रावती गाउँपालिकाले पनि पहिलो जित दर्ता गर्यो । मुलपानी क्रिकेट मैदानमा भोटेचौरले टस जितेर पाँचपोखरी हिमालयन क्रिकेट क्लबलाई ब्याटिङको निम्तो दिएको थियो । हिमालयनले निर्धारित २० ओभर […]

February 27, 2024

नेपाल नामिबियासँग टि२०आईमा पनि पराजित

काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीले त्रिकोणात्मक टि२०आई सिरिजको पहिलो खेलमा नामिबियासँग २० रनको हार बेहोरेको छ । यसअघि लिग-२ अन्तर्गत दुवै ओडीआईमा हार बेहोरेको नेपाल नामिबियासँग लगातार तेस्रो खेलमा पराजित भएको हो । नामिबियाले प्रस्तुत गरेको २ सय ७ रनको विशाल लक्ष्य पछ्याउने क्रममा नेपालले १८.५ ओभरमा अलआउट हुँदै १ सय […]

Success

Thank you for your time.