11 months ago
June 15, 2023
काठमाडौं (हाम्रो खेलकुद) – नेपालले आइसिसी एकदिवसीय विश्वकप छनोटअघि अन्तिम वार्मअप खेलमा ओमानविरुद्ध टस हारेर पहिला फिल्डिङ गर्ने भएको छ । जिम्बावेको हरारे स्पोर्ट्स क्लबमा ओमानका कप्तान जिशान मकसुदले टस जितेर पहिला ब्याटिङ गर्ने निर्णय लिएका हुन् । यो अभ्यास खेल हुँदा प्लेइङ ११ भन्ने हुँदैन । नेपालले टिममा भएका १६ मध्य कुनैपनि खेलाडीलाई ब्याटिङ […]
काठमाडौं (हाम्रो खेलकुद) – नेपालले आइसिसी एकदिवसीय विश्वकप छनोटअघि अन्तिम वार्मअप खेलमा ओमानविरुद्ध टस हारेर पहिला फिल्डिङ गर्ने भएको छ । जिम्बावेको हरारे स्पोर्ट्स क्लबमा ओमानका कप्तान जिशान मकसुदले टस जितेर पहिला ब्याटिङ गर्ने निर्णय लिएका हुन् ।
यो अभ्यास खेल हुँदा प्लेइङ ११ भन्ने हुँदैन । नेपालले टिममा भएका १६ मध्य कुनैपनि खेलाडीलाई ब्याटिङ र बलिङ गराउन सक्छ ।
नेपाल यसअघिका तीन अभ्यास खेलमा लगातार पराजित भएको छ । नेपाल विश्वकप छनोटअघि अन्तिम खेलमा जितको खोजीमा हुनेछ । नेपाल युएईसँग पहिलो वार्मअप खेलमा तीन विकेटले पराजित भएको थियो ।
त्यसअघि दक्षिण अफ्रिकामा नेपाल स्कटल्यान्ड र नेदरल्यान्ड्ससँग पराजित हुन पुगेको थियो । युएईविरुद्ध नेपालले २ सय ७५ रन बनाएपनि पराजित हुन पुगेको थियो । नेपालले तीनै खेलमा स्पिनर सन्दीप लामिछानेलाई मैदान उतारेको छैन । नेपालले आज मैदान उतार्न सक्छ । आज पनि मैदान नउतारेले सिधैं विश्वकप छनोटमा प्रयोग गर्ने रणनीति हुनसक्छ ।
नेपालले अघिल्लो महिना एसिसी प्रिमियर कपमा ओमानविरुद्ध निर्धारित ५० ओभरमा ८ विकेट गुमाउँदै ३ सय १० रन बनाएको थियो । जुन नेपालले ओडिआईमा बनाएको सर्वाधिक ठूलो योगफल थियो । उक्त खेलमा नेपालका कुशल मल्लले ५९ बलमै शतक हानेका थिए । करण केसी र सन्दीपले समान तीन विकेट लिएका थिए । ओमानका मोहम्मद नदिमले सर्वाधिक ६५ रन बनाएका थिए ।
उता वार्मअप खेलमा ओमान जिम्बावेसँग २८ रनले पराजित भएको थियो । ३ सय ६८ रनको विशाल विजयी लक्ष्य पछ्याउनेक्रममा ३ सय ३९ रनमा अल आउट भएको थियो । उक्त खेलमा ओमानका अकिब इलियासले १ सय १५ र आयन खानले ९१ रन बनाएका थिए । अकिब नेपाललाई घातक बन्नसक्छन् । बिलाल खान ओमानका प्रमुख हतियार हुन् ।
नेपाल र ओमान विश्वकप छनोटमा भने फरक समूहमा छन् । नेपाल, वेस्टइन्डिज, जिम्बावे, अमेरिका र नेदरल्यान्ड्स समूह ए मा छन् । समूह बी मा श्रीलंका, आयरल्यान्ड, स्कटल्यान्ड, ओमान र युएई छन् ।
नेपालको टोली ः
कुशल भुर्तेल, आसिफ शेख (विकेटकिपर), ज्ञानेन्द्र मल्ल, रोहित पौडेल (कप्तान), कुशल मल्ल, आरिफ शेख, दीपेन्द्रसिंह ऐरी, गुलशन झा, सोमपाल कामी, करण केसी, सन्दीप लामिछाने, भीम सार्की, प्रतिश जि।सी, ललित राजवंशी, अर्जुन साउद र किशोर महतो ।
ओमानको टोली ः
जिशान मकसुद (कप्तान), अकिब इलियास (उपकप्तान), जतिन्दरसिंह, कश्याप प्रजापति, शोएब खान, मोहम्मद नदिम, सन्दीप गौड, आयन खान, सुरज कुमार, अदिल शफिक, नसिम खुशी, बिलाल खान, कलिमुल्लाह, फयाज बट, जय ओडेरा, स्यामी श्रीभात्सव र रफिउल्लाह ।
May 2, 2024
काठमाडौं (हाम्रो खेलकुद) – नेपाली राष्ट्रिय क्रिकेट टोलीले अर्को महिना सुरु हुने आइसीसी टि२० विश्वकप २०२४ का लागि घोषणा गरेको अन्तिम टोलीमा परेसँगै सोमपाल कामी नेपालबाट दुई विश्वकप खेल्ने एक्लो खेलाडी बन्ने भएका छन् । सन् २०१४ मा बंगलादेशमा सम्पन्न टि२० विश्वकपमा सोमपालले नेपालको प्रतिनिधित्व गरेका थिए । त्यसबेला टोलीको सबैभन्दा कान्छो सदस्य रहेका उनी […]
May 2, 2024
काठमाडौं (हाम्रो खेलकुद) – नेपाली राष्ट्रिय क्रिकेट टोलीले वेस्ट इन्डिज ‘ए’ विरुद्ध जारी टि२० सिरिजको चौथो खेल आज खेल्दैछ । खेल टियु अन्तर्राष्ट्रिय क्रिकेट मैदानमा मध्यान्ह १२:१५ बजे सुरु हुनेछ । नेपालले पहिलो खेल ४ विकेटले जितेपछि पाहुना टोलीले दोस्रो खेल १० रनले जित्दै सिरिज बराबर गरेको थियो । बुधबार भएको तेस्रो खेलमा जोन्सन चार्ल्सको […]
May 1, 2024
एजेन्सी – पञ्जाब किंग्सले बुधवार भएको इंडियन प्रिमियर लिग (आईपिएल) अन्तर्गतको एकमात्र खेलमा सहज जित दर्ता गरेको छ । पञ्जाबले चेन्नाई सुपर किंग्स माथि ७ विकेटको जित निकालेको हो । चेन्नाईले दिएको १६३ रनको लक्ष्य पञ्जाबले १३ बल बाँकी छँदै ३ विकेट गुमाएर भेटायो । पञ्जाबका लागि जोन्नी बेयर्सटोले ३० बलमा सर्वाधिक ४६ रन बनाए […]