default_image

8 months ago

June 16, 2023

विश्वकप छनोट खेल्ने पाँच सुपरस्टार

एजेन्सी – आइसिसी एकदिवसीय विश्वकप छनोट आइतबारदेखी जिम्बावेमा सुरु हुँदैछ । १० टोली सहभागी प्रतियोगिताबाट सुपर सिक्स हुँदै शीर्ष दुई टोलीले आगमी अक्टोबर नोभेम्बरमा भारतमा हुने एकदिवसीय विश्वकप खेल्न पाउनेछन् । समूह ए मा वेस्टइन्डिज, जिम्बावे, नेपाल, नेदरल्यान्ड्स र अमेरिका छन् । समूह बी मा श्रीलंका, आयरल्यान्ड, स्कटल्यान्ड, ओमान र युएई छन् । यस पटक […]

140 views

0 Bookmark

एजेन्सी – आइसिसी एकदिवसीय विश्वकप छनोट आइतबारदेखी जिम्बावेमा सुरु हुँदैछ । १० टोली सहभागी प्रतियोगिताबाट सुपर सिक्स हुँदै शीर्ष दुई टोलीले आगमी अक्टोबर नोभेम्बरमा भारतमा हुने एकदिवसीय विश्वकप खेल्न पाउनेछन् । समूह ए मा वेस्टइन्डिज, जिम्बावे, नेपाल, नेदरल्यान्ड्स र अमेरिका छन् । समूह बी मा श्रीलंका, आयरल्यान्ड, स्कटल्यान्ड, ओमान र युएई छन् ।

यस पटक विश्वकप विजेता श्रीलंका र वेस्टइन्डिजले पनि विश्वकप छनोट खेल्दैछन् । आइसिसी सुपर लिगमा शीर्ष आठमा पर्न नसकेपछि यी दुई देशले छनोट खेल्नु परेको हो । विश्वकप छनोटमा एसोसिएट र टेस्ट गरि केहि सुपर स्टारले खेल्दैछन् । केहि सुपर स्टार यस्ता छन्, जसलाई इन्डियन प्रिमियर लिग(आइपिएल) मा किन्न फ्रेन्चाइज टोलीले २५ करोड रुपैयाँ खर्चिएका छन् ।

हरेक टोली आफ्नो सुपरस्टारबाट खेलमा सधैं उत्कृष्ट प्रदर्शन चाहन्छन् । उनीहरुको प्रदर्शनले टोलीको नतिजामा प्रत्यक्ष र अप्रत्यक्ष रुपमा असर पारेको हुन्छ । उक्त सुपरस्टारबाट एसोसिएट खेलाडी सिक्न समेत खोज्नेछन् । विश्वकप छनोट खेल्ने विश्व क्रिकेटका पाँच सुपरस्टार खेलाडी यस प्रकार छन् ।

५.सन्दीप लामिछाने– नेपाल

नेपालका स्पिनर सन्दीप लामिछाने विश्वकप छनोट खेल्ने एसोसिएट क्रिकेटका चर्चित नाम हुन् । २२ वर्षीय सन्दीपले ४३ ओडिआईमा १ सय ४ विकेट लिई सकेका छन् । सन्दीप ओडिआईमा सर्वाधिक छिटो १ सय विकेट पूरा गर्ने बलर हुन् । सन्दीपले यस सफलता ४२ खेलमा हात पारेका थिए । उनले अफगानिस्तानका लेगस्पिनर राशिद खानको ४४ खेलको कीर्तिमान तोड्दै नयाँ इतिहास लेखेका थिए ।

सन्दीपले इन्डियन प्रिमियर लिग (आइपिएल) देखी विश्वका लगभग सबै फ्रेन्चाइज लिग खेलेका छन् । लेगस्पिन र गुगली सन्दीपको हतियार हो । पछिल्लो समय उनले तल्लोक्रममा ब्याटिङमा पनि राम्रो गर्दै आएका छन् ।

सन्दीपले एसोसिएट क्रिकेटमा लगातार सानदार प्रदर्शन गर्दै आएका छन् । नेपालको समूहमा जिम्बावे र वेस्टइन्डिज जस्ता टेस्ट टोली छन् । यी दुई टेस्ट टोलीविरुद्ध सन्दीपको प्रदर्शन धेरैको प्रतीक्षाको रुपमा छ । नेपाललाई सुपर सिक्समा पुग्न सन्दीपको प्रदर्शन धेरै महत्वपूर्ण हुनेछ । टेस्ट टोलीविरुद्ध सन्दीपको परिक्षा समेत हुने देखिन्छ ।

४. जेसन होल्डर– वेस्टइन्डिज

वेस्टइन्डिजका स्टार अलराउन्डर जेसन होल्डर पनि विश्वकप छनोट टोलीमा छन् । विश्वका सबै ठूला फ्रेन्चाइज लिग खेलेका होल्डर तीव्र गतिसँगै तल्लोक्रममा राम्रो ब्याटिङ गर्ने गर्दछन् । उनी विश्वका एक स्टार अलराउन्डर हुन् । ३१ वर्षीय होल्डरले वेस्टइन्डिज र फ्रेन्चाइज विदेशी लिगमा लगातार राम्रो प्रदर्शन गर्दै आएका छन् ।

भरपर्दा होल्डरले वेस्टइन्डिजबाट ६२ टेस्ट, १ सय ३३ ओडिआई र ५१ टि२० आई खेल खेलेका छन् । होल्डरलाई २०२२ को अक्सनमा लखनऊले ८ करोड ७५ लाख भारुमा किनेको थियो । होल्डर आइपिएल लगायत संसारका सबै विदेशी लिगहरुमा पहिलो रोजाईमा खेल्दै आएका छन् । वेस्टइन्डिजलाई विश्वकपमा पुर्याउन होल्डरको प्रदर्शन निकै महत्वपूर्ण हुनेछ ।

३.सिकन्दर राजा – जिम्बावे

जिम्बावेका स्टार अलराउन्डर सिकन्दर राजा विश्वकप छनोट खेल्ने अर्का स्टार क्रिकेटर हुन् । राजाले जिम्बावेबाट लगातार राम्रो प्रदर्शन गर्दै आएका छन् । राजाले स्पिन बलिङ गर्नुको साथै मध्यक्रममा राम्रो ब्याटिङ गर्ने गर्दछन् ।

राजाले जिम्बावेबाट १७ टेस्ट, १ सय २९ ओडिआई र ६६ टि२० आई खेल खेलेका छन् । ओडिआईमा उनले ६ शतक र २० अर्धशतकसहित कुल ३ हजार ७ सय ६४ रन बनाएका छन् ।

गतवर्ष टि२० विश्वकपमा जिम्बावेलाई सुपर १२ मा पुर्याउन राजाले सानदार प्रदर्शन गरेका थिए । पाकिस्तानलाई एक रनले स्तब्ध पार्न राजा प्लेयर अफ द म्याच चुनिएका थिए । उनी आइपिएलमा यसै सिजन पन्जाब किंग्सबाट समेत खेलेका थिए ।

जिम्बावे घरेलु मैदान र कन्डिसनको फाइदा उठाउँदै विश्वकप खेल्न चाहन्छ । २०१८ को विश्वकप छनोटमा सर्वोत्कृष्ट खेलाडी चुनिएका राजा यस पटक पनि नायक बन्नसक्छन् । उनी पनि आफ्नो सानदार अलराउन्ड प्रदर्शनमा वेस्टइन्डिज र श्रीलंका मध्य एक ठूला टोलीलाई पछिपार्दै जिम्बावेलाई विश्वकप खेलाउन चाहन्छन् ।

२. वानिन्दु हसरंगा– श्रीलंका

श्रीलंकाका स्पिनर वानिन्दु हसरंगा वर्तमान समयका एक उत्कृष्ट स्पिनर हुन् । उनले अन्तर्राष्ट्रिय क्रिकेटमा लगातार राम्रो प्रदर्शन गर्दै आएका छन् । हसरंगा तल्लोक्रममा त्यतिनै राम्रो ब्याटिङको क्षमता राख्ने गर्दछन् । उनले श्रीलंकाबाट ४ टेस्ट, ४१ ओडिआई र ५८ टि२० आई खेल खेलेका छन् ।

हसरंगा म्याच विनर अलराउन्डर हुन् । उनले आफ्नो उत्कृष्ट प्रदर्शनमा श्रीलंकालाई लगातार अन्तर्राष्ट्रिय क्रिकेटमा राम्रो प्रदर्शन गर्दै आएका छन् । उनीसँग स्पिनमा धेरै शैलीहरु छ । त्यहिँ उत्कृष्ट प्रदर्शनको कारण विश्व फ्रेन्चाइज लिगमा उनको माग उच्च छ ।

२०२२ को आइपिएलको अक्सनमा रोयल च्यालेन्जर्स बेंगलोरले उनलाई १० करोड ७५ लाख (१७ करोड नेपाली रुपैयाँ) मा किनेको थियो । यस विश्वकप छनोटमा सर्वाधिक विकेट लिनसक्ने बलरको दाबेदारको रुपमा उनी रहेका छन् । श्रीलंका विश्वकपमा पुग्न उनको प्रदर्शन निकै महत्वपूर्ण हुनेछ ।

१.निकोलस पुरन – वेस्टइन्डिज

वेस्टइन्डिजका विकेटकिपर निकोलस पुरन विश्वकप छनोट खेल्ने स्टार खेलाडी हुन् । वेस्टइन्डिजका पूर्वकप्तान समेत रहेका पुरन विश्व क्रिकेटमै विष्फोटक ब्याटिङ खेल्न बढी मन पराउँछन् । उनले वेस्टइन्डिज र फ्रेन्चाइज लिग दुबैबाट लगातार विष्फोटक ब्याटिङ गर्दै आएका छन् ।

उनको ब्याटिङले धेरै समर्थक मज्जा लिने गर्दछन् । २७ वर्षीय बायाँ हाते ब्याटर पूरन यस प्रतियोगितामा पनि हाबी बन्न सक्ने खेलाडी हुन् । उनको उत्कृष्ट प्रदर्शन बिना वेस्टइन्डिजलाई विश्वकप खेल्न कठिन पर्ने देखिन्छ ।

उनले ५४ टि२० आई र ७५ ओडिआई खेल खेलेका छन् । पुरनलाई यस सिजनको आइपिएलमा लखनऊ सुपर जायन्ट्सले १६ करोड भारु (२५ करोड नेपाली रुपैयाँ) खर्चिएर किनेको थियो ।

यसैले पनि उनको महत्व बुझ्न सकिन्छ । पुरन विश्वकप छनोटमा चौका र छक्काको वर्षा गराउन सक्ने खुबी भएका खेलाडी हुन् । विश्वका सबै स्टार बलरविरुद्ध पूरन हाबी बन्दै आएका छन् । त्यसैले उनले सहज रुपमा रन जोड्न सक्छन् ।

February 22, 2024

नेपाल ‘ए’ लाई हराउँदै क्यानडा-११ ले जित्यो सिरिज

काठमाडौं (हाम्रो खेलकुद) – क्यानडा-११ ले नेपाल ‘ए’ विरुद्ध जारी एकदिवसीय सिरिज जितेको छ । तेस्रो खेलमा ४ विकेटको जितका साथ क्यानडा-११ ले सिरिज आफ्नो पक्षमा पारेको हो । मुलपानी क्रिकेट मैदानमा नेपालले प्रस्तुत गरेको १ सय ८२ रनको लक्ष्य क्यानडाले ३९ औं ओभरमा ६ विकेट गुमाएर पूरा गर्यो । क्यानडाका लागि निकोलस किर्तनले अर्धशतक […]

February 22, 2024

क्यानडा-११ लाई नेपाल ए को सामान्य लक्ष्य

काठमाडौं (हाम्रो खेलकुद) – एकदिवसीय सिरिजको तेस्रो तथा निर्णायक खेलमा नेपाल ए ले क्यानडा-११ लाई जितका लागि १ सय ८२ रनको सामान्य योगफल खडा गरेको छ । मुलपानी क्रिकेट मैदानमा पहिलो ब्याटिङको निम्तो पाएको नेपालले ४७ औं ओभरमा अलआउट हुँदै १ सय ८१ रन जोड्यो । नेपालका ७ ब्याटरले १९ रनभन्दा माथि जोडेपनि कसैले ३० […]

February 22, 2024

आशुतोष र सुजनसहित नेपाल ‘ए’ को ४ परिवर्तन

काठमाडौं (हाम्रो खेलकुद) – नेपाल ‘ए’ ले क्यानडा-११ विरुद्ध जारी एकदिवसीय सिरिजको तेस्रो तथा निर्णायक खेलमा ४ परिवर्तन गरेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिँदा नेपाल पहिलो ब्याटिङ गर्दैछ । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी […]

Success

Thank you for your time.