काठमाडौं (हाम्रो खेलकुद) – नेपालका तीव्र गतिका बलर गुलशन झाले आइसिसी एकदिवसीय विश्वकप छनोटको पहिलो खेलमा जिम्बावेविरुद्ध दोस्रो विकेट लिएका छन् । जितको लागी २ सय ९१ रनको बलियो विजयी लक्ष्य पछ्याएको जिम्बावेले २४ ओभरमा २ विकेट गुमाउँदै १ सय २८ रन बनाएको छ ।

कप्तान क्रेग इर्विन ७६ बलमा ७ चौका र १ छक्कासहित ६१ रनमा क्रिजमा छन् । उनलाई सेन विलियम्सले १ रनमा साथ दिएका छन् । सोमपाल कामीले आठौं ओभरको अन्तिम बलमा जोयलोर्ड गुम्बीलाई २५ रनमा एलबीडब्लू आउट गरे । उनले २९ बलमा ५ चौका प्रहार गरे ।

कप्तान ब्रेग इर्विन २९ बलमा ४ चौकासहित २२ रनमा अविजित छन् । उनलाई युवा ब्याटर वेस्ली मधेभेरेले साथ दिनेछन् । गुलशन झाको १७ औं ओभरको पहिलो बलमा करण केसीले वेस्लीको २० रनमा क्याच छाड्न पुगेका थिए ।

गुलशनको २४ औं ओभरको दोस्रो बलमा वेस्ली ३२ रनमा क्याच आउट भए । ठूलो सट खेलका उनी दीपेन्द्रसिंह ऐरीबाट क्याच आउट भए । दोस्रो विकेटका लागि वेस्ली र क्रेग इर्विनले ९२ बलमा ८२ रनको साझेदारी गरेका थिए ।

त्यसअघि हरारे स्पोर्ट्स क्लबमा टस हारेर पहिला ब्याटिङको निम्तो पाएको नेपालले निर्धारित ५० ओभरमा ८ विकेट गुमाउँदै २ सय ९० रन बनाएको थियो । नेपालका ओपनर कुशल भुर्तेलले ९५ बलमा १३ चौका र २ छक्कासहित सर्वाधिक ९९ रनको योगदान दिए ।

अर्का ओपनर आसिफ शेख १ सय बलमा ७ चौकासहित ६६ रनमा आउट भए । मसाकाड्जाको बलमा ठूलो सट खेल्ने धुनमा रायन बर्लबाट क्याच आउट हुन पुगे । नेपाललाई पहिलो विकेटका लागि कुशल र आसिफ शेखले ३१।५ ओभरमा १ सय ७१ रनको कीर्तिमानी साझेदारी गरेका थिए ।