काठमाडौं (हाम्रो खेलकुद) – नेपाली क्रिकेट टोलीका स्पिनर सन्दीप लामिछानेको ओडिआई क्रिकेटमा लगातार ३३ इनिङ पछि विकेट विहीन बनेका छन् । आइसिसी एकदिवसीय विश्वकप छनोट अन्तर्गत जिम्बावेविरुद्ध विकेट विहीन बनेसँगै उक्त यात्रा समाप्त भएको हो ।

जिम्बावेविरुद्ध सन्दीपले १० ओभरमा ७७ रन खर्चेर विकेट लिन सकेनन् । यसअघि सन्दीप पछिल्लो पटक २०२० फेब्रुअरी ९ मा ओमानविरुद्ध टियु मैदानमा विकेट विहीन बनेका थिए । उक्त खेलमा सन्दीपले १० ओभरमा ६५ रन खर्चिदा विकेट लिन सकेका थिएनन् ।

त्यसै सिरिजमा ओमानविरुद्ध १० ओभरमा १ मेडनसहित ४५ रन खर्चेर विकेट लिन सकेका थिएनन् । सन्दीपले बलिङ गरेका यी दुई बाहेक अन्य सबै खेलमा विकेट लिएका छन् । सन्दीपको यो ओडिआई करिअरको दोस्रो खराब प्रदर्शन हो ।

यसअघि आइसिसी विश्वकप लिग२ को अन्तिम खेलमा केहि महिना अघि टियु मैदानमा युएईविरुद्ध १० ओभरमा ८० रन खर्चेर १ विकेट लिएका थिए । उक्त प्रदर्शन नै सन्दीपको ओडिआईमा सवैभन्दा खराब प्रदर्शन हो ।

सन्दीपले ४३ ओडिआई इनिङमा १ सय ४ विकेट लिएका छन् । सन्दीपले खेलेका ४४ खेल मध्य एक इनिङमा मात्रै बलिङ गरेका छैनन् । आइसिसी विश्वकप लिग २ मा ओमानविरुद्ध नै सन्दीपले पेटमा समस्याको कारण २०२१ मा बलिङ गरेका थिएनन् ।

सन्दीप ओडिआईमा सर्वाधिक धेरै ३३ इनिङमा लगातार विकेट लिने पहिलो खेलाडी हुन् । सन्दीपपछि ओडिआईमा लगातार २६ पटक अष्ट्रेलियाका पूर्व तीव्र गतिका बलर ब्रेटले लिएका थिए ।