2 years ago
June 19, 2023
एजेन्सी – जिम्बावेका अनुभवी ब्याटर सन विलियम्सले आइसिसी एकदिवसीय विश्वकप छनोटमा नेपालविरुद्ध शतक हान्दै नयाँ इतिहास रचेका छन् । उनले आइतबार राती नेपालविरुद्ध जिम्बावे ओडिआई इतिहासकै सर्वाधिक छिटो शतकको कीर्तिमान कायम गरेका हुन् ।
जितको लागि २ सय ९१ रनको विजयी लक्ष्य पछ्याएको जिम्बावेले ४४.१ ओभरमा २ विकेट गुमाउँदै पूरा गर्यो । विलियम्स ७० बलमा १३ चौका र १ छक्कासहित १ सय २ रनमा नट आउट रहे । उनले ४४ औं ओभरको अन्तिम बलमा गुलशन झालाई चौका प्रहार गर्दै ७० बलमा शतक पूरा गरेका थिए ।
उनी जिम्बावेबाट ओडिआईमा सर्वाधिक छिटो बलमा शतक पूरा गर्ने ब्याटर बनेका हुन् । उनीअघि विकेटकिपर रेजिस चकाब्वाले गतवर्ष बंगलोदशविरुद्ध दोस्रो ओडिआई खेलमा हरारेमै ७३ बलमा शतक हानेका थिए । विलियम्स अघि त्यो नै जिम्बावेबाट सर्वाधिक छिटो ओडिआई शतक थियो ।
उनले कप्तान क्रेग इर्विनसँग तेस्रो विकेटका लागि १ सय ६४ रनको नटआउट साझेदारी गरेका थिए । इर्विन १ सय २८ बलमा १५ चौका र १ छक्कासहित १ सय २१ रनमा नट आउट रहे ।
जिम्बावेले दोस्रो खेल नेदरल्यान्ड्ससँग मंगलबार खेल्नेछ । नेपालले मंगलबार नै अमेरिकासँग खेल्दैछ । त्यस्तै आज समूह बी का दुई खेल हुँदैछन् । पहिलो खेलमा युएई र श्रीलंकाबीच प्रतिस्पर्धा हुँदैछ । अर्को खेलमा आयरल्यान्डले ओमानसँग खेल्नेछ । दुबै खेल नेपाली समय अनुसार दिउँसो १२ः ४५ मा सुरु हुनेछ ।
November 10, 2025
काठमाडौं (हाम्रो खेलकुद) – नेपाल प्रिमियर लिग (एनपिएल) को फ्रेन्चाइज टोली काठमान्डु गोर्खाजले शैक्षीक परामर्श संस्था केआइइसीसंग प्रायोजन सम्झौता गरेको छ । काठमान्डु गोर्खाजले मंसिर १ गते देखि सुरु हुने दोस्रो एनपिएलमा प्रतिस्पर्धा गर्दैछ । केआइइसीले विदेशमा अध्ययन गर्न चाहने र सफल अन्तर्राष्ट्रिय करियर निर्माण गर्न उत्सुक विधार्थीका लागि २० वर्ष देखि शैक्षिक परामर्श दिदै […]
November 10, 2025
काठमाडौं (हाम्रो खेलकुद)- नेपाली क्रिकेट समर्थक बीच परिचित प्रशिक्षक पुबुदु दासानायकेले नेपाल प्रिमियर लिग (एनपिएल) दोस्रो संस्करणमा विराटनगर किङ्सको कमान सम्हाल्ने भएका छन्। पुबुदुकै प्रशिक्षणमा जनकपुर बोल्ट्सले एनपिएलको पहिलो संस्करण जितेको थियो। नेपाली राष्ट्रिय क्रिकेट टोलीका पूर्व मुख्य प्रशिक्षक पुबुदुसँग अनुबन्ध भएको विराटनगर किङ्सले जनाएको छ। एसोसिएट क्रिकेटका लागि परिचित पुबुदु अमेरिकी क्रिकेट टोलीको प्रशिक्षक […]
November 9, 2025
धनगढी (हाम्रो खेलकुद)- नेपाली राष्ट्रिय क्रिकेट टोलीका पूर्व सदस्य तथा सुदूरपश्चिम रोयल्सका ब्याटर विनोद भण्डारीलाई ब्रेड बक्सले आफ्नो ब्रान्ड एम्बासडर नियुक्त गरेको छ। धनगढी स्थित क्याफेमा आज आयोजित कार्यक्रममा सो घोषणा गरिएको हो। क्याफेले विनोदको लोकप्रियता, खेलकुदमा समर्पण र सुदूरपश्चिमका युवामाझ उनको सकारात्मक प्रभावलाई ब्रान्डको पहिचानसँग जोड्ने उद्देश्य राखेको जनाएको छ। ब्रेड बक्सले आफै स्थानीय […]
