default_image

1 year ago

June 20, 2023

सोमपालले अमेरिकाविरुद्ध खेल गुमाउने!

171 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका प्रमुख तीव्र गतिका बलर सोमपाल कामीले आइसिसी विश्वकप एकदिवसीय विश्वकप छनोट अन्तर्गत अमेरिकाविरुद्ध खेल गुमाउने भएका छन् ।

आइतबार जिम्बावेसँगको खेलको क्रममा घाइते भएका सोमपाल अमेरिकासँगको खेलमा फिट नभएको बुझिएको छ । नेपाली क्रिकेट टोलीको स्रोतले हाम्रो खेलकुदलाई दिएको जानकारी अनुसार सोमपालले आजको खेल गुमाउने पक्का भएको छ ।

३४ औं ओभरको तेस्रो बलमा जिम्बावेका ब्याटर सन विलियम्सले प्रहार गरेको शट रोक्नेक्रममा उनको दायाँ हातको बुढी औंलामा लाग्न पुगेको थियो । कप्तान रोहितसँग केहि कुरा गरेपछि सोमपालले मैदान छाडेका थिए । सोमपालले बाँकी तीन बल गर्न नसकेपछि आरिफ शेखले उक्त ओभर पूरा गरेका थिए ।

उनको स्थानमा मैदानमा फिल्डिङ गर्न ज्ञानेन्द्र मल्ल आएका थिए । सोमपाल खेल्न नसक्दा नेपालको बलिङ आक्रामण झनै कमजोर बन्नसक्छ । उनी नहुँदा बलिङमात्रै होईन नेपालको तल्लोक्रम ब्याटिङ कमजोर हुनेछ । सोमपालले पछिल्लो समय फिनिसिङमा राम्रो भूमिका निर्वाह गर्दै आएका थिए । उनको स्थानमा नेपालले ललितनारायण राजवंशी र प्रतिश जि.सी मध्य एकलाई खेलाउन सक्छ ।

किशोर महतो नेपालको अन्तिम १५ सदस्य टोलीमा छैनन् । यदि २४ घण्टा अघि आइसिसी र प्रतियोगिता टेक्निकल कमिटीलाई जानकारी दिएको खण्डमा भने किशोर पनि खेल्न सक्छन् । पछिल्लो समय लगातार राम्रो प्रदर्शन गरेको हुँदा ललित खेल्ने सम्भावना छ । तर सोमपाल नहुँदा करण केसी र गुलशन झा नेपालको प्रमुख तीव्र गतिका बलर हुनेछन् ।

जसले गर्दा बलिङ आक्रामण झनै कमजोर हुनसक्छ । तीव्र गतिका बलर सहयोगी पिच भएमा प्रतिश र किशोर मध्य एकलाई मैदान उतार्नेछ । नेपाल र अमेरिकाबीच खेल दिउँसो १२ः ४५ मा ताकशिंगा स्पोर्ट्स क्लबमा सुरु हुनेछ । नेपाल पहिलो खेलमा जिम्बावेसँग ८ विकेटले पराजित भएको थियो ।

अमेरिका वेस्टइन्डिजसँग ३९ रनले पराजित भएको थियो । नेपालले पहिला ब्याटिङ गर्दै कुशल भुर्तेलको ९९ र आसिफ शेखको ६६ रनको सहयोगमा २ सय ९० रन बनाएपनि पराजित हुन पुगेको थियो । अन्तिम तीनमा रहेर समूह ए बाट सुपर सिक्समा पुग्न नेपाललाई यस खेल जित्नै पर्ने हुन्छ ।

July 16, 2024

अभ्यास खेलमा नेपाली टोलीको जित

काठमाडौं (हाम्रो खेलकुद) – श्रीलंकामा हुने वुमन्स एसिया कपको तयारीमा रहेको नेपाली महिला टोलीले मंगलबार अभ्यास खेल जितेको छ । तेस्रो अभ्यास खेलमा नेपाली टोलीले श्रीलंका वुमन्स डेभलप्मेन्टलाई २ रनले हराएको छ । यसअघिका सोही टोलीसँगको दुवै अभ्यास खेलमा नेपाल पराजित भएको थियो । १ सय १३ रनको लक्ष्य पछ्याएको श्रीलंका वुमन्स १९.५ ओभरमा सबै […]

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

Success

Thank you for your time.