default_image

8 months ago

June 20, 2023

राजाको विष्फोटक ब्याटिङमा जिम्बावेको सानदार जित

एजेन्सी – अलराउन्डर सिकन्दर राजाले छक्काको वर्षा गराउँदै कीर्तिमानी शतक प्रहार गरेपछि जिम्बावेले आइसिसी विश्वकप छनोटमा नेदरल्यान्ड्समाथि ६ विकेटको सानदार जित हात पारेको छ । लगातार दोस्रो जितका साथ जिम्बावे समूह ए को शीर्ष स्थानमा रहँदै सुपर सिक्स सम्भावना बलियो बनाएको छ । जितको लागि ३ सय १६ रनको विशाल विजयी लक्ष्य पछ्याएको जिम्बावेले ४०.५ […]

127 views

0 Bookmark

एजेन्सी – अलराउन्डर सिकन्दर राजाले छक्काको वर्षा गराउँदै कीर्तिमानी शतक प्रहार गरेपछि जिम्बावेले आइसिसी विश्वकप छनोटमा नेदरल्यान्ड्समाथि ६ विकेटको सानदार जित हात पारेको छ । लगातार दोस्रो जितका साथ जिम्बावे समूह ए को शीर्ष स्थानमा रहँदै सुपर सिक्स सम्भावना बलियो बनाएको छ ।

जितको लागि ३ सय १६ रनको विशाल विजयी लक्ष्य पछ्याएको जिम्बावेले ४०.५ ओभरमा ४ विकेट गुमाउँदै पूरा गर्यो । जिम्बावेको जितमा सिकन्दर राजा ५४ बलमा ६ चौका र ८ छक्कासहित १ सय २ रनमा अविजित रहे । उनी जिम्बावेबाट ओडिआईमा सर्वाधिक छिटो शतक हान्ने खेलाडी बनेका छन् ।

आइतबार सन विलियम्सले नेपालविरुद्ध प्रहार गरेको ७० बलको कीर्तिमान राजाले तोडेका हुन् । उनको यो ओडिआई करिअरको छैटौं शतक हो । पाँचौं विकेटका लागि राजा र रायन बर्लले ४० बलमा ७३ रनको अविजित साझेदारी गरेका थिए । बर्ल १६ रनमा नट आउट रहे ।

जिम्बावेका अनुभवी ब्याटर सन विलियम्सन ५८ बलमा १० चौका र २ छक्कासहित ९१ रनमा आउट भए । बास डि लिडेको बलमा तेजा निडामानुरुबाट क्याच भएपछि लगातार दोस्रो शतक बनाउन चुकेका थिए । ओपनर तथा कप्तान क्रेग विलियम्स ४८ बलमा ९ चौकासहित ५० रनमा आउट भए । जोयलोर्ड गुम्बी ५५ बलमा ५ चौकासहित ४० रनमा आउट भए ।

नेदरल्यान्ड्सका शरिज अहमदले ६ ओभरमा ६२ रन खर्चेर २ विकेट लिए । बास डि लिडे र विक्रमजित सिंहले एक एक विकेट लिए ।

त्यसअघि हरारे स्पोर्ट्स क्लबमा टस हारेर पहिला ब्याटिङको निम्तो पाएको नेदरल्यान्ड्सले निर्धारित ५० ओभरमा ६ विकेट गुमाउँदै ३ सय १५ रन बनाएको थियो ।

तर बलिङ नचल्ला विशाल योगफल बनाएपनि सहजै पराजित हुन पुगेको थियो । नेदरल्यान्ड्सका ओपनर विक्रमजित सिंहले १ सय ११ बलमा ९ चौकासहित सर्वाधिक सर्वाधिक ८८ बनाउँदै आउट भए । त्यस्तै कप्तान स्कट एड्वार्ड्सले ७२ बलमा ८ चौकासहित ८३ रन बनाएका थिए ।

नेदरल्यान्ड्सलाई ओपनर म्याक्स ओडाउड र विक्रमजित सिंहले २०।२ ओभरमा १ सय २० रनको शतकीय साझेदारी गर्दै राम्रो सुरुवात दिलाएका थिए । म्याक्स ओडाउड ६७ बलमा १० चौकासहित ५९ रनमा आउट भए । सकिब जुल्फिकर ३१ बलमा २ चौका र १ छक्कासहित ३४ रनमा नट आउट रहे । जिम्बावेका सिकन्दर राजाले १० ओभरमा ५५ रन खर्चेर सर्वाधिक ४ विकेट लिएका थए ।

जिम्बावेले पहिलो खेलमा नेपाललाई ८ विकेटले हराएको थियो । जिम्बाबे २ खेलमा ४ अंकका साथ शीर्ष स्थानमा छ । जिम्बावे बाँकी दुई खेल मध्य एकमा विजयी हुँदा सुपर सिक्समा पुग्नेछ । जिम्बावेले शनिबार वेस्टइन्डिज र सोमबार अमेरिकासँग खेल्नेछ । वेस्टइन्डिज १ खेलमा २ अंकका साथ दोस्रो स्थानमाछ । नेपाल २ खेलमा १ मा जित र १ मा हारका साथ २ अंकका साथ तेस्रो स्थानमा छ ।

February 23, 2024

अष्ट्रेलियाद्वारा न्यूजिल्याण्डविरुद्ध टि-२० सिरिज कब्जा

एजेन्सी – न्यूजिल्याण्डमा जारी अष्ट्रेलिया र घरेलु टोलीको बीचको तीन खेलको टि-२० शृंखला पाहुना टोलीले कब्जा गरेको छ । अष्ट्रेलियाले एक खेलमा बाँकी रहँदै शृंखला २-० ले कब्जा गरेको हो । पहिलो खेलमा ६ विकेटको रोमाञ्चक जित निकालेको अष्ट्रेलियाले दोस्रो खेलमा आज ७२ रनको फराकिलो जित दर्ता गर्दै शृंखला जितेको हो । १७५ रनको लक्ष्य […]

February 23, 2024

भारतविरुद्धको चौथो टेस्टमा रुटको शतक

एजेन्सी – भारतविरुद्धको चौथो टेस्टमा पहिलो दिन इङ्ल्यान्ड जो रुटले शतक पूरा गरेका छन् । टस जितेर पहिले ब्याटिङ रोजेको इङ्ल्यान्डले ७ विरुटले नटआउट १ सय ६ रन बनाएका छन् । ३१ रनमा नटआउट रहँदै ओली रविन्सनले रुटलाई साथ दिइरहेका छन् । टेस्ट क्रिकेटमा रुटको ३१ औं शतक हो । बेन फोक्सले ४७, जोनी ब्रेन्सकेटको […]

February 23, 2024

नामिबियाले नेदरल्यान्ड्सलाई हरायो

काठमाडौं (हाम्रो खेलकुद) – आइसीसी क्रिकेट विश्वका लिग-२ अन्तर्गत त्रिकोणात्मक सिरिज अन्तर्गतको खेलमा नामिबियाले नेदरल्यान्ड्सलाई २४ रनले पराजित गरेको छ । टियु क्रिकेट मैदानमा मैदान भिजेको कारण ४५ ओभरमा घटाइएको खेलमा नेदरल्यान्ड्सले जितको लागि २ सय ४ रन पछ्याएपनि लक्ष्य पूरा गर्न सकेन । नेदरल्यान्ड्स ४३.५ ओभरमा १ सय ७९ रनमा अलआउट भएको थियो । […]

Success

Thank you for your time.