default_image

11 months ago

June 22, 2023

नेपालको सुपर सिक्स सम्भावना उच्च

185 views

0 Bookmark

काठमाडौं (हाम्रो खेलकुद) – जिम्बावेमा जारी आइसिसी विश्वकप छनोटमा नेपालको सुपर सिक्स सम्भावना उच्च बनेको छ । नेपालले मंगलबार अमेरिकालाई ६ विकेटले पराजित गरेसँगै सुपर सिक्समा पुग्ने सम्भावना उच्च बनेको हो ।

समूह ए मा जिम्बावे, वेस्टइन्डिज, अमेरिका, नेपाल र नेदरल्यान्ड्स छन् । जिम्बावे सुरुवाती दुई खेलमा जितका साथ सुपरसिक्स लगभग पक्कापक्की गरेको छ । वेस्टइन्डिज पहिलो खेलमा जितका साथ दोस्रो स्थानमा छ । नेपाल दुई खेलमा समान एक खेलमा हार र एक खेलमा जितका साथ तेस्रो स्थानमा छ । अमेरिका र नेदरल्यान्ड्स भने जित विहीन छन् ।

नेपालले विहीबार वेस्टइन्डिज र शनिबार नेदरल्यान्ड्ससँग खेल्नेछ । नेपालले नेदरल्यान्ड्सलाई हराउँदा सुपर सिक्समा पुग्ने उच्च सम्भावना देखिन्छ । नेपालले नेदरल्यान्ड्सलाई हराउँदा ४ अंक हुनेछ । अमेरिकाले बिहीबार नेदरल्यान्ड्स र सोमबार घरेलु टोली जिम्बावेसँग खेल्नेछ ।

नेदरल्यान्ड्सले बिहीबार अमेरिका, शनिबार नेपाल र सोमबार वेस्टइन्डिजसँग खेल्नेछ । नेदरल्यान्ड्सले वेस्टइन्डिज र अमेरिकाले जिम्बावेसँग खेल्न बाँकी हुँदा ४ अंकमा पुग्ने सम्भावना निकै कम देखिन्छ । त्यसैको कारण नेपालको सुपर सिक्स सम्भावना उच्च देखिन्छ ।

यदि समान ४ अंक भएको खण्डमा पनि नेपाल नेटरनरेटमामाथि रहने देखिन्छ । नेपालको नेटरनरेट प्लस ०.०९९ छ । अमेरिकाको माइनस ०.८१२ र नेदरल्यान्ड्सको माइनस १.५१२ छ । उक्त नेटरनरेट पूरा गर्न विशाल जित हात पार्नुपर्छ । जसले गर्दा पनि नेपालको सम्भावना उच्च देखिन्छ ।

यदि नेपाल वेस्टइन्डिजसँग पराजित हुदै सुपर सिक्समा पुगेको खण्डमा विश्वकप खेल्ने सपना भने लगभग समाप्त जस्तै हुनेछ । आफ्नो समूहबाट गएका दुई टोलीको नतिजा सुपर सिक्समा गणना गरिनेछ । नेपालले जिम्बावे र वेस्टइन्डिज दुबैसँग हार्दा सुपर सिक्समा कुनै अंक हुनेछैन । समूह ए र बी मा शीर्ष स्थानमा रहने टोली सुपर सिक्समा चार चार अंकका साथ जाने सम्भावना छ । चार चार अंक हुने टोलीको नै विश्वकप खेल्ने सम्भावना उच्च हुनेछ ।

समूह बी मा सुरुवाती दुबै खेलमा जितका साथ ओमान शीर्ष स्थानमा छ । श्रीलंका २ अंकका साथ दोस्रो स्थानमा छन् । स्कटल्यान्ड तेस्रो स्थानमा छ । सुरुवातै दुबै खेल हारेका आयरल्यान्ड र युएईको भने सुपर सिक्स सम्भावना न्यून देखिन्छ । सुपर सिक्समा अर्को समूहबाट आउने टोलीबाट प्रतिस्पर्धा गरेपछि शीर्ष दुई टोलीले आगमी अक्टोबर नोभेम्बरमा भारतमा हुने एकदिवसीय विश्वकप खेल्न पाउनेछन् ।

May 28, 2024

नेपाल क्यानाडासँग पराजित

ड्यालस (हाम्रो खेलकुद) – आइसिसी टि-२० विश्वकपको वार्म अप अन्तर्गत पहिलो खेलमा नेपाल क्यानाडासँग पराजित भएको छ । ड्यालस स्थित ग्रान्ड प्रेरी क्रिकेट मैदानमा सोमबार भएको खेलमा नेपाल ६३ रनको फराकिलो अन्तरले पराजित भएको हो । क्यानाडाले दिएको १ सय ८४ रनको बलियो लक्ष्य पछ्याएको नेपाल १९.३ ओभरमा १ सय २० रनमा समेटिन पुग्यो । […]

May 27, 2024

नेपाललाई क्यानाडाविरुद्ध बलियो लक्ष्य

ड्यालास (हाम्रो खेलकुद) – आइसिसी टि-२० विश्वकप अन्तर्गत आफ्नो पहिलो वार्म अप खेलमा नेपालले क्यानाडाविरुद्ध बलियो लक्ष्य पाएको छ । ग्रान्ड प्रेरि मैदानमा टस हारेर पहिला ब्याटिङ गरेको क्यानाडाले निर्धारित २० ओभरमा ७ विकेटको क्षतिमा १ सय ८३ रन बनाएको छ । अन्तिम केही ओभरमा नेपाली बलर महंगो सावित हुँदा क्यानाडाले बलियो योगफल खडा गरेको […]

May 27, 2024

दीपेन्द्रसहित ग्रेसको विश्वकप गीत सार्वजनिक

काठमाडौं (हाम्रो खेलकुद) – अलराउन्डर दीपेन्द्र सिंह ऐरी ब्राण्ड एम्बेसडर रहेको ग्रेस इन्टरनेसनलले यसै साता सुरु हुने आइसीसी मेन्स टि२० विश्वकपको लागि विश्वकप विशेष गीत सार्वजनिक गरेको छ । एक दशकपछि टि२० विश्वकप खेल्न लागेको नेपाली टोलीको हौसला बढाउन तथा समर्थकहरुमा उत्साह थप्न गित सार्वजनिक गरिएको हो । विश्वभरका क्रिकेट प्रेमीहरुको ध्यान विश्वकपमा गइरहँदा नेपालका […]

Success

Thank you for your time.