एजेन्सी – अमेरिकी तीव्र गतिका बलर अली खानलाई अन्तर्राष्ट्रिय क्रिकेट परिषद् (आइसिसी) ले लगाएको प्रतिबन्ध सकिएको छ । मंगलबार नेपालसँगको खेलपछि उनको प्रतिबन्ध सकिएको हो ।

दुई महिना महिना नामिबियामा सम्पन्न आइसिसी विश्वकप क्वालिफायर प्लेअफमा जर्सीविरुद्ध ७ विकेट लिएका अली खानको खेल भावना विपरित कार्य गरेपछि दुई अन्तर्राष्ट्रिय खेलमा प्रतिबन्ध लागेको थियो ।

खेलमा अनुशासन उलंघन गर्दै जर्सीका खेलाडीसँग झगडा गरेपछि उनलाई कारबाही स्वरुप एक डीमेरिट प्वाइन्ट पाएका थिए । त्योसँगै उनीसँग २४ महिना भित्रमा ४ डीमेरिट प्वाइन्ट भएपछि दुई खेलमा प्रतिबन्ध लागेको थियो ।

उक्त प्रतिबन्धपछि अली खानले विश्वकप छनोटमा नेपाल र वेस्टइन्डिजसँगको दुई खेल गुमाउनु परेको थियो । अमेरिका वेस्टइन्डिजसँग ३९ र नेपालसँग ६ विकेटले पराजित भएको थियो ।

उता अमेरिकाको समूह ए बाट शीर्ष दुईमा रहँदै सुपर सिक्समा पुग्ने सम्भावना पनि न्यून बाँकी छ । सुरुवाती दुई खेलमा हारपछि बाँकी दुबै खेलमा जित निकाल्नुपर्ने हुन्छ । अमेरिकाले बिहीबार नेदरल्यान्ड्स र सोमबार जिम्बावेसँग खेल्नुपर्ने हुन्छ । त्यतिले मात्रै अमेरिका सुपर सिक्समा पुग्न सक्दैन । नेपाल र नेदरल्यान्ड्सको नतिजामा पनि पर्नुपर्ने हुन्छ । नेपाल बाँकी दुई मध्य एक खेल जितेको खण्डमा पनि ४ अंकमा पुग्नेछ ।

नेपालले विहीबार वेस्टइन्डिज र शनिबार नेदरल्यान्ड्ससँग खेल्नेछ । नेपाल बाँकी दुबै खेलमा पराजित भएमा मात्रै अमेरिका ४ अंकका साथ सुपर सिक्समा पुग्न सक्छ । तर अमेरिकाले टेस्ट टोली जिम्बावेसँग खेल्न नै बाँकी छ । नेदरल्यान्ड्सलाई हराउन सहज हुनेछैन । त्यसैको कारण सुरुवाती दुई हारले सुपर सिक्स अमेरिकाको निकै कठिन बनेको छ।