default_image

11 months ago

June 21, 2023

वेस्ट इन्डिजलाई हराउन नेपालले फाइदा उठाउनु पर्ने पाँच कमजोरी

143 views

0 Bookmark

काठमाडौं (हाम्रो खेलकुद) – नेपालले आइसिसी विश्वकप छनोट २०२३ को आफ्नो तेस्रो खेलमा बिहीबार वेस्टइन्डिजसँग खेल्दैछ । खेल नेपाली समय अनुसार दिउँसो १२: ४५ मा हरारे स्पोर्ट्स क्लबमा सुरु हुनेछ ।

नेपालले आफ्नो क्रिकेट इतिहासमा पहिलो पटक विश्वकप विजेता टोलीसँग खेल्दैछ । विष्फोटक ब्याटरको बाहुल्यता भएको वेस्टइन्डिजविरुद्ध एसोसिएट क्रिकेटमा सानदार प्रर्दशन गर्दै आएको नेपालको प्रदर्शन प्रतीक्षामा छ । ओडिआई वरियतामा नेपाल १४ औं र वेस्टइन्डिज १० औं स्थानमा छन् ।

नेपालले आफ्नो क्रिकेट इतिहासमा सबैभन्दा माथिल्लो स्तरको टोलीसँग प्रतिस्पर्धा गर्दैछ । क्रिकेटमा कुनैपनि भर हुँदैन । कागजी रुपमा वेस्टइन्डिज नेपाल भन्दा धेरै बलियो टोली हो । तर बलियो भएर मात्रै हुँदैन । जति सुकै बलियो टोली र स्टार खेलाडीले जितको लागि मैदानमा राम्रो प्रदर्शन गर्नुपर्छ ।

उच्च मनोबलमा रहेको नेपाल आफ्नो उत्कृष्ट क्रिकेट खेल्ने सोचमा हुनेछ । जिम्बावेविरुद्ध पहिलो खेलको प्रदर्शनले नेपालको मनोबल झनै उच्च छ । चार पटकको विश्वकप विजेता वेस्टइन्डिजलाई हराउन नेपालले त्यसको कमजोरीको भरपूर्ण फाइदा उठाउन सक्नुपर्छ ।

विश्वकप खेल्ने सम्भावना बलियो नेपालले वेस्टइन्डिजलाई हराउँनै पर्ने हुन्छ । अन्यथा सुपर सिक्समा पुगेपनि विश्वकप यात्रा कठिन बन्नेछ । नेपालले विश्वकप विजेता वेस्टइन्डिजलाई हराउन यी पाँच कमजोरीको फाइदा उठाउनुपर्ने हुन्छ ।

५.नेपाललाई भन्दा वेस्टइन्डिजलाई बढी मानसिक दबाब हुनु

नेपाल वेस्टइन्डिजविरुद्ध कुनैपनि मानसिक दबाब बिना मैदान उत्रर्नेछ । नेपालको हार स्तर अनुसार स्वभाविक हो । तर वेस्टइन्डिज हारको कल्पना गर्न चाहदैन । नेपाल नतिजा भन्दा आफ्नो उत्कृष्ट खेल विश्व क्रिकेटलाई देखाउने सोचमा हुनेछ ।

तर समान दुई पटकको एकदिवसीय र टि२० विश्वकप विजेता वेस्टइन्डिजलाई भने मानसिक दबाब त्यतिनै हुनेछ । ठूलो योगफलको धुनमा कम योगफलमै समेटिन सक्छ । सुपर सिक्समा आफ्नो समूहबाट जाने टालीको नतिजा समूह चरणको गणना हुनेछ । त्यसैले वेस्टइन्डिज सकेसम्म अपराजित यात्राका साथ ४ अंक सुपर सिक्समा लैजान चाहन्छ ।

त्यो मानसिक दबाबले प्रदर्शनमा असर पर्नसक्छ । अर्कोतर्फ वेस्टइन्डिजको फिल्डिङ कमजोरीको रुपमा छ । निकोलस पुरन र अकिल हुसैन बाहेक अन्य फिल्डरमा यो समस्याको रुपमा छ । कमजोर फिल्डिङ वेस्टइन्डिजलाई भारी पर्नसक्छ ।

४. कमजोर बलिङ र अलराउन्डरमा निर्भर

बलिङ आक्रामण वेस्टइन्डिजको अर्को समस्या हो । भारत, पाकिस्तान, दक्षिण अफ्रिका, अष्ट्रेलिया र इंग्ल्यान्डमा जस्तो उत्कृष्ट बलिङ आक्रामण वेस्टइन्डिजमा छैन । त्यसैले ठूला टोलीविरुद्ध लगातार कमजोर प्रदर्शन गर्दै आएको छ ।

अल्जारी जोशेफ वेस्टइन्डिजका प्रमुख बलर हुन् । जोशेफले राम्रो बलिङ नगर्दा उनलाई साथ दिने अर्को बलर छैनन् । जोशेफलाई प्रमुख बलरको रुपमा किमो पल वा रोमारियो शेफर्ड मध्य एकले साथ दिनेछन् ।

वेस्टइन्डिजको बलिङ आक्रामण अलराउन्डर कायल मेयर्स, जेसन होलडर र रोश्टन चेशले साथ दिनेछन् । स्पिनरमा अकिल हुसैन र यानिक कारिहा हुनेछन् । तुलनात्मक रुपमा वेस्टइन्डिजको बलिङ कमजोर छ । डेथ ओभरमा जोशेफ र जेसन होल्डरमा निर्भर छ । त्यसैले नेपालले त्यसको फाइदा उठाउन सक्नुपर्छ ।

३. जोशेफलाई साथ दिने अर्को राम्रो बलर नहुनु

सधैं एकै बलरले राम्रो प्रदर्शन गर्छ भन्ने हुँदैन । कहिले काहीँ स्टार खेलाडीको दिन नहुन सक्छ । खराब प्रदर्शन गर्नसक्छ । त्यो अवस्थामा अर्को खेलाडीले टोलीलाई योगदान दिनुपर्छ । जोशेफ वर्तमान वेस्टइन्डिज टोलीका प्रमुख बलर हुन् ।

उनी योर्कर र बाउन्सरको लागि चिनिन्छन् । जोशेफको मुख्य हतियार गति हो । उनले १ सय ५१ प्रतिघण्टा किलोमिटरको गतिमा बलिङ गर्ने क्षमता राख्छन् । आइपिएलमा २०१९ मा मुम्बईबाट हैदराबादविरुद्ध डेब्यूमै ६ विकेट लिएका जोशेफ नेपाली ब्याटरलाई निरिह पार्न सक्छन् ।

१ सय ४० माथिको गतिमा नखेलेको नेपाली ब्याटरलाई केहि समस्या पर्न सक्छ । तर जोशेफ नचलेको खण्डमा उनलाई साथ दिने अर्को विश्वस्तरिय बलर छैनन् । अन्य सबै औसत बलर छन् । नेपालले जोशेफको बलमा संयमित हुँदै अन्यको रन जोड्न सके वेस्टइन्डिजलाई हराउन सक्छ ।

२. टि२० शैलीका खेलाडीको बाहुल्यता

वेस्टइन्डिजको टोलीमा टि२० विशेष खेलाडीको बाहुल्यता छ । कप्तान शाई होपलाई छाड्ने हो भने अन्य सबै टि२० विशेष ब्याटर हुन् । होप वेस्टइन्डिजका ओडिआईका भरपर्दा ब्याटर हुन् । उनले होपले १ सय ९ ओडिआई खेलमा १४ शतक र २२ अर्धशतकसहित कुल ४ हजार ५ सय ४२ रन बनाएका छन् । तर होप बाहेक अन्य खेलाडी सबै टि२० विशेष छन् ।

सबै आक्रामक रुपमा खेल्न खोज्छन् । आक्रामक ब्याटिङ गर्दा विकेट जाने जोखिम पनि त्यतिनै बढी हुन्छ । निकोलस पुरन, कायल मेयर्स, ब्रेन्डन किंग, जोनसन चाल्र्स र रोभम्यान पावेल जस्ता टि२० विश्व चर्चित ब्याटर छन् ।

यी सबै ब्याटर ठूला सट खेल्न रुचाउँछन् । कुनैपनि खेलाडीको शक्ति नै कमजोरी बन्नसक्छ । त्यसैले नेपाली बलरले सकभर उनीहरुलाई खुलेर खेल्ने अवसर दिनु हुँदैन । त्यो दबाबमा विकेट आउन सक्छ । अन्यथा भने वेस्टइन्डिजले खेलमा रनको पहाड बनाउन सक्छ ।

१.जिम्मेवारीको कमी

वर्तमान वेस्टइन्डिज टोलीको सबैभन्दा ठूलो समस्या नै जिम्मेवारीको कमी हो । ओडिआईमा शाई होपलाई छाड्ने हो भने अन्य खेलाडीले जिम्मेवारी रुपमा ठूलो इनिङ खेल्न सकेका छैनन् ।

टोलीमा स्टार खेलाडी भएपनि जिम्मेवारी नहुँदा टि२० आईमा वेस्टइन्डिजले खराब प्रदर्शन गर्दै आएको छ । खेलाडीको क्षमतामा कुनै कमी छैन ।

यदि वेस्टइन्डिजले आफ्नो क्षमता अनुसार खेल्ने हो भने एसोसिएट टोलीविरुद्ध सजिलै रनको वर्षा गराउन सक्छ । तर विश्वभर टि२० फ्रेन्चाइज लिग खेल्दै आएका स्टार खेलाडीमा जिम्मेवारी नहुँदा खराब प्रदर्शन गर्दै आएको छ ।

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.