default_image

1 year ago

June 21, 2023

लिस्क हिरो बन्दा स्कटल्यान्डको रोमान्चक जित

106 views

0 Bookmark

एजेन्सी – तल्लोक्रमका ब्याटर माइकल लिस्क हिरो बनेपछि स्कटल्यान्डले आइसिसी एकदिवसीय विश्वकप छनोटमा आयरल्यान्डमाथि एक विकेटको रोमान्चक जित हात पारेको छ ।

जितको लागि २ सय ८७ रनको विजयी लक्ष्य पछ्याएको स्कटल्यान्डले निर्धारित ५० ओभरमा ९ विकेट गुमाउँदै पूरा गर्यो । स्कटल्यान्डको जितमा माइकल लिस्क ६१ बलमा ८ चौका र ४ छक्कासहित ८९ रनमा नट आउट रहे ।

स्कटल्यान्डलाई अन्तिम ६ बलमा जितको लागि ८ रन चाहिँएको थियो । मार्क आदिरको बलमा लिस्कले प्रहार गरेको सट लङअनमा ह्यारी टेक्टरले सहज क्याच छाड्दै चौका गराएका थिए । दोस्रो बलमा लिस्कले एक रन दिए । तेस्रो बलमा शफ्यान शरिफ एज लागेर ६ रनमा क्याच आउट भए ।

चौथो बलमा क्रिस सोलेलाई डट राखेपछि अन्तिम दुई बलमा तीन रन चाहिँएको थियो । सोलेले पाँचौं बलमा बाउन्सर बलमा लेग वाइको रुपमा स्ट्राइक दिएका थिए । अन्तिम बलमा एज लागेर चौका गएपछि पराजित भएको थियो ।

स्कटल्यान्डलाई जितको लागि अन्तिम २४ बलमा ४४ रन चाहिँदा लिस्कले ४७ औं ओभरमा जोश लिटिललाई समान लगातार दुई छक्का र चौकासहित कुल २२ रन जोडेपछि आयरल्यान्डको जितको सम्भावना टाढिएको थियो ।

स्कटल्यान्डलाई जिताउन लिस्कले आठौं विकेटका लागि मार्क वाटसँग ८२ रनको साझेदारी गरेका थिए । मार्क वाट ४३ बलमा ७ चौकासहित ४७ रनमा आउट भए । नवौं विकेटका लागि उनले शरिफसँग ५० रनको साझेदारी गरेका थिए ।

ओपनर क्रिस म्याकब्रीड ६० बलमा ६ चौका र १ छक्कासहित ५६, जर्ज मुन्शे १५ र रिची बेरिंग्टनले १० रनमा आउट भए ।
आयरल्यान्डका तीव्र गतिका बलर मार्क आदिरले १० ओभरमा १ मेडनसहित ५७ रन खर्चेर ३ विकेट लिए ।

जोश लिटिलले १० ओभरमा ७३ रन खर्चेर २ विकेट लिए । जर्ज डोकरेल दुई, कर्टिस क्याम्फर र बेन ह्वाइटले समान एक एक विकेट लिए ।

त्यसअघि क्विन्स स्पोर्ट्स क्लबमा टस हारेर पहिला ब्याटिङको निम्तो पाएको आयरल्यान्डले निर्धारित ५० ओभरमा ८ विकेट गुमाउँदै २ सय ८६ रन बनाएको थियो । आयरल्यान्डका कर्टिस क्याम्फरले १ सय ८ बलमा ९ चौका र ४ छक्कासहित १ सय २० रनको एक यादगार शतकीय इनिङ खेलेपनि जिताउन सकेनन् । उनी बाहेक अन्य कुनैपनि खेलाडीले राम्रो गर्न सकेनन् ।

टेस्ट टोली आयरल्यान्डको सुरुवात भने सम्झन लायक थिएन । तीव्र गतिका बलर ब्रेन्डन म्याकमुलेनको इनिङको दोस्रो बलमै पल स्टर्लिङ एज लागेर स्लिपमा मार्क वाटबाट क्याच आउट भएका थिए । लगत्तै अर्को बलमा कप्तान एन्डी बालबर्नी डक आउट भएपछि आयरल्यान्ड दबाबमा परेको थियो ।

म्याकमुलेनले ह्यारी टेक्टरलाई ६ रनरमा जर्ज मुन्शेबाट क्याच गराए । स्पिनर मार्क वाटले लोर्कान टकरलाई ६ रनमा मुन्शेबाट क्याच गराएपछि आयरल्यान्ड ८.२ ओभरमा ३३-४ को दयनीय अवस्थामा पुगेको थियो । पाँचौं विकेटका लागि क्याम्फर र एन्डी म्याकबर्नी ३७रनको साझेदारी गरेका थिए । म्याकबर्नी ५४ बलमा ४ चौकासहित ३२ रनमा आउट भए ।

त्यो समय आयरल्यान्ड १८.२ ओभरमा ७०९५ को अवस्थामा थियो । तर छैटौं विकेटका लागि क्याम्फर र जर्ज डोकरेलले १ सय ३६ रनको शतकीय साझेदारी गरेपछि आयरल्यान्ड खेलमा फर्किएको थियो ।

डोकरेल ९३ बलमा ४ चौका र १ छक्कासहित ६९ रनमा म्याकमुलेनको बलमै बोल्ड आउट भए । ग्यारेथ डेलानी १४ बलमा १ छक्कासहित १९ रनमा आउट भए । स्कटल्यान्डको जितमा ब्रेन्डन म्याकमुलेनले ७ ओभरमा १ मेडनसहित ३४ रन खर्चेर ५ विकेट लिए । क्रिस सोले, मार्क वाट र क्रिस म्याकब्रीडेले एक एक विकेट लिए ।

स्कटल्यान्डले शुक्रबार युएई, आइतबार ओमान र मंगलबार श्रीलंकासँग खेल्नेछ । आयरल्यान्ड पहिलो खेलमा ओमानसँग ५ विकेटले पराजित भएको थियो । आयरल्यान्डले अव आइतबार श्रीलंका र मंगलबार युएईसँग खेल्नेछ । आयरल्यान्डले बाँकी दुबै खेल जित्नु पर्नेहुन्छ । ओमानले कम्तिमा एक खेल हार्नुपर्ने हुन्छ ।

समूह बी मा ओमान २ खेलमा ४ अंकका साथ शीर्ष स्थानमा छ । श्रीलंका र स्कटल्यान्ड समान २ अंकका साथ दोस्रो स्थान र तेस्रो स्थानमा छ । आयरल्यान्ड चौथो र युएई पुछारमा छन् ।

June 21, 2024

अष्ट्रेलियाको बंगलादेशविरुद्ध जित

एजेन्सी – आइसिसी टि-२० विश्वकप अन्तर्गत सुपर एट को आफ्नो पहिलो खेलमा अष्ट्रेलियाले बंगलादेश माथि जित हात पारेको छ । एन्टिग्वामा वर्षाले प्रभावित खेलमा अष्ट्रेलियाले डकवर्थ-लुइस पद्धति अनुसार २८ रनको जित हार पारेको थियो । बंगलादेशले दिएको १४० रनको लक्ष्य पछ्याउने क्रममा अष्ट्रेलिया ११.२ ओभरमा २ विकेटको क्षतिमा १०० रनको अवस्थामा हुँदा खेल वर्षाका कारण […]

June 21, 2024

भारतद्वारा अफगानिस्तान सहजै पराजित

एजेन्सी – आइसिसी टि-२० विश्वकप २०२४ अन्तर्गत सुपर एट चरणको आफ्नो पहिलो खेलमा भारतले अफगानिस्तान विरुद्ध सहज जित दर्ता गरेको छ । बार्बाडोसमा भएको खेलमा भारतले ४७ रनको फराकिलो अन्तरले जित हात पारेको हो । भारतले दिएको १ सय ८२ रनको लक्ष्य पछ्याउने क्रममा अफगानिस्तान अन्तिम ओभरमा अलआउट हुदै १ सय ३० रनमै रोकियो । […]

June 20, 2024

इङ्ल्यान्डको सुपर एटमा सानदार सुरुवात

एजेन्सी – इङ्ल्यान्डले आइसिसी टि-२० विश्वकपको सुपर एट चरणमा सानदार सुरुवात गरेको छ । इङ्ल्यान्डले बिहीबार बिहान भएको खेलमा घरेलु टोली वेस्ट इन्डिज माथि ८ विकेटको फराकिलो जित दर्ता गरेको हो । एक समय समूह चरणबाट बाहिरिने अवस्थामा रहेको इङ्ल्यान्डले वेस्ट इन्डिजले दिएको १८१ रनको विशाल लक्ष्य १५ बल बाँकी छँदै २ विकेट मात्र गुमाएर […]

Success

Thank you for your time.