default_image

1 year ago

June 22, 2023

वेस्ट इन्डिजविरुद्ध नेपालको सम्भावित प्लेइङ-११

119 views

0 Bookmark

काठमाडौं (हाम्रो खेलकुद) – नेपालले जिम्बावेमा जारी आइसिसी एकदिवसीय विश्वकप छनोटमा आज चार पटकको विश्वकप विजेता वेस्ट इन्डिजसँग खेल्दैछ । खेल नेपाली समय अनुसार १२ : १५ मा हरारे स्पोर्ट्स क्लबमा सुरु हुनेछ ।

नेपालले वेस्ट इन्डिजसँग कुनैपनि खेलमा पहिलो पटक खेल्न लागेको हो । नेपालको रोहित पौडेल र वेस्ट इन्डिजको शाई होपले कप्तानी गर्नेछन् । नेपाल पहिलो खेलमा जिम्बावेसँग ८ विकेटले पराजित भएको थियो । अमेरिकालाई नेपालले ६ विकेटले हराएको थियो ।

नेपालले पछिल्लो पटक अमेरिकालाई हराएको हुँदा टोलीमा परिवर्तनको सम्भावना कम छ । परिवर्तनको सम्भावना भएका खेलाडीहरुले अमेरिकाविरुद्ध राम्रो प्रदर्शन गरेपछि नेपालले त्यसलाई नै निरन्तरता दिने देखिन्छ । दीपेन्द्रसिंह ऐरी परिवर्तन गर्न सक्ने एक नाम थियो । तर दीपेन्द्रले अमेरिकाविरुद्ध दुई विकेट लिनुको साथै ३९ रन बनाएका थिए । त्यसैले उनलाई नेपालले परिवर्तन गर्ने सम्भावना छैन ।

नेपालले परिवर्तन गर्न सक्ने अर्को नाम गुलशन झा थियो । तर गुलशनले अमेरिकाविरुद्ध ३ विकेट लिएका थिए । नियमित प्रमुख बलर सोमपाल कामी घाइते हुँदा गुलशनलाई निरन्तरता दिनेछ । स्पिनर ललित नारायण राजवंशीले अमेरिकाविरुद्ध १० ओभरमा २० रन खर्चेर १ विकेट लिएका थिए । अन्य खेलाडी भने परिवर्तन गर्ने कुनै सम्भावना छैन ।

सन्दीप लामिछाने पछिल्ला दुबै खेलमा विकेट विहीन बनेका छन् । उनले जिम्बावेसँग ७७ रन र अमेरिकासँग ५८ रन खर्चिदा विकेट लिन सकेका थिएनन् । सन्दीप नेपालका प्रमुख हतियार हुन् । त्यसैले उनलाई एक दुई खेलमा नराम्रो गर्दैमा बाहिर राख्दैन ।

नेपालको ओपनिङमा आसिफ र कुशल भुर्तेल हुनेछन् । यी दुई ओपनरबाट नेपाल राम्रो सुरुवात चाहन्छ । कुशल भुर्तेल राम्रो लयमा छन् । यी दुई ओपनरले जिम्बावेविरुद्ध १ सय ७१ रनको साझेदारी गरेका थिए । तेस्रो नम्बरमा भीम सार्की छन् । भीमले नेपाली टोलीबाट लगातार भरपर्दो ब्याटिङ गर्दै आएका छन् ।

कप्तान रोहित पौडेल चौथो र कुशल मल्ल पाँचौं नम्बरमा खेल्नेछन् । रोहितबाट नेपाल कप्तानी इनिङ चाहन्छ । कुशल मल्ल भने विष्फोटक ब्याटिङ गर्न रुचाउँछन् । आरिफ शेख छैटौं, दीपेन्द्रसिंह ऐरी सातौं र गुलशन झा आठौं नम्बरमा खेल्नेछन् ।
नेपालको ब्याटिङक्रम टोलीको अवस्थामा भरपर्ने हुन्छ ।

टोलीले टिमको अवस्था अनुसार रणनीति तयार पार्न सक्छ । करण केसी, सन्दीप लामिछाने र ललित नारायण राजवंशी नवौं, दशौं र ११ औं स्थानमा हुनेछन् ।

तीव्र गतिका बलरमा करण र गुलशन हुनेछन् । पार्ट टाइममा आरिफले साथ दिनेछन् । स्पिनरमा सन्दीप र ललित हुनेछन् । पार्ट टाइममा दीपेन्द्र, कुशल मल्ल र रोहित पौडेल हुनेछन् । सोमपाल कामी भने आजको खेलमा पनि उपलब्ध हुनेछैनन् । उनी जिम्बावेसँगको खेलमा घाइते भएका थिए ।

नेपालको सम्भावित प्लेइङ ११ :

आसिफ शेख (विकेटकिपर), कुशल भुर्तेल, भीम सार्की, रोहित पौडेल (कप्तान), कुशल मल्ल, आरिफ शेख, दीपन्द्रसिंह ऐरी, गुलशन झा, करण केसी, सन्दीप लामिछाने र ललित नारायण राजवंशी ।

June 21, 2024

अष्ट्रेलियाको बंगलादेशविरुद्ध जित

एजेन्सी – आइसिसी टि-२० विश्वकप अन्तर्गत सुपर एट को आफ्नो पहिलो खेलमा अष्ट्रेलियाले बंगलादेश माथि जित हात पारेको छ । एन्टिग्वामा वर्षाले प्रभावित खेलमा अष्ट्रेलियाले डकवर्थ-लुइस पद्धति अनुसार २८ रनको जित हार पारेको थियो । बंगलादेशले दिएको १४० रनको लक्ष्य पछ्याउने क्रममा अष्ट्रेलिया ११.२ ओभरमा २ विकेटको क्षतिमा १०० रनको अवस्थामा हुँदा खेल वर्षाका कारण […]

June 21, 2024

भारतद्वारा अफगानिस्तान सहजै पराजित

एजेन्सी – आइसिसी टि-२० विश्वकप २०२४ अन्तर्गत सुपर एट चरणको आफ्नो पहिलो खेलमा भारतले अफगानिस्तान विरुद्ध सहज जित दर्ता गरेको छ । बार्बाडोसमा भएको खेलमा भारतले ४७ रनको फराकिलो अन्तरले जित हात पारेको हो । भारतले दिएको १ सय ८२ रनको लक्ष्य पछ्याउने क्रममा अफगानिस्तान अन्तिम ओभरमा अलआउट हुदै १ सय ३० रनमै रोकियो । […]

June 20, 2024

इङ्ल्यान्डको सुपर एटमा सानदार सुरुवात

एजेन्सी – इङ्ल्यान्डले आइसिसी टि-२० विश्वकपको सुपर एट चरणमा सानदार सुरुवात गरेको छ । इङ्ल्यान्डले बिहीबार बिहान भएको खेलमा घरेलु टोली वेस्ट इन्डिज माथि ८ विकेटको फराकिलो जित दर्ता गरेको हो । एक समय समूह चरणबाट बाहिरिने अवस्थामा रहेको इङ्ल्यान्डले वेस्ट इन्डिजले दिएको १८१ रनको विशाल लक्ष्य १५ बल बाँकी छँदै २ विकेट मात्र गुमाएर […]

Success

Thank you for your time.