default_image

2 years ago

June 22, 2023

नेपालले जीवनदान दिएपछि वेस्ट इन्डिज खेलमा फर्कियो

264 views

0 Bookmark

काठमाडौं (हाम्रो खेलकुद) – आइसिसी एकदिवसीय विश्वकप छनोटमा वेस्ट इन्डिज नेपालविरुद्ध खेलमा फर्किएको छ । हरारे स्पोर्ट्स क्लबमा टस हारेर पहिला ब्याटिङको निम्तो पाएको वेस्ट इन्डिज ३२ ओभरमा ३ विकेट गुमाउँदै १ सय ६२ रन बनाएको छ ।

वेस्टइन्डिजका कप्तान शाई होप ९० बलमा ७ चौका र १ छक्कासहित ७७ रनमा नट आउट छन् । उनलाई निकोलस पुरनले ५० बलमा ३ चौका र २ छक्कासहित ४९ रनमा साथ दिएका छन् । चौथो विकेटका लागि पुरन र होपले १ सय ७ रनको शतकीय साझेदारी गरि सकेका छन् ।

नेपालले वेस्ट इन्डिजका प्रमुख ब्याटर निकोलस पुरनलाई ब्यक्तिगत तीन रनमै जीवनदान दिएको थियो । त्यसपछि वेस्ट इन्डिजले खेलमा राम्रो पूनरागमन गरेको छ । स्पिनर ललित नारायण राजवंशीको १७ औं ओभरको अन्तिम बलमा पुरनको एज लागेको बल विकेटकिपर आसिफ शेखले छाड्न पुगेका थिए ।

नेपालले सुरुवात भने सानदार गरेको थियो । तीव्र गतिका बलर करण केसीको दोस्रो ओभरको तेस्रो बलमा बायाँ हाते ओपनर कायल मेयर्सको क्याच कुशल भुर्तेलले लिएका हुन् । उनले लामो दौडका साथ मिडविकेटमा डाइभ हान्दै उत्कृष्ट क्याच लिएपछि मेयर्स एक रनमा पेभेलिएन फर्किएका थिए ।

युवा तीव्र गतिका बलर गुलशन झाले पाँचौं ओभरको पहिलो बलमा जोनसन चाल्र्सलाई शून्यमा पेभेलिएन फर्काएका थिए । गुलशनको योर्कर बलमा जोनसन एज लागेर विकेटकिपर आसिफ शेखबाट क्याच आउट भएका हुन् । त्यो समय वेस्ट इन्डिज ९–२ को अवस्थामा पुगेको थियो ।

तेस्रो विकेटका लागि शाई होप र किंगले ४६ रनको साझेदारी गर्दै खेलमा फर्काउने प्रयास गरेका थिए । नेपाली स्पिन सामु रन बनाउन संघर्ष गरेको वेस्ट इन्डिजको तेस्रो विकेट सन्दीपले लिएका थिए ।

सन्दीपले ब्रेन्डन किंगलाई ३२ रनमा बोल्ड आउट गरेका थिए । उनले ४२ बलमा २ चौका र २ छक्का प्रहार गरेका थिए । त्यो समय वेस्ट इन्डिज १५.३ ओभरमा ५५–३ को अवस्थामा पुगेको थियो । त्यसपछि भने पूरन र होपले खेलमा फर्काएका हुन् ।

July 17, 2025

तिरहुतलाई सप्तरी प्राइड लिगको उपाधि

काठमाडौं (हाम्रो खेलकुद) – तिरहुत टाइगर्सले लगातार दोश्रो पटक सप्तरी प्राइड लिगको उपाधि जितेको छ। बिहिबार सम्पन्न प्रतियोगिताको फाइनलमा टाइगर्सले राजविराज राजदेवी रोयल्स लाई ९ विकेटले पराजित गर्दै उपाधि आफ्नो पोल्टामा पार्न सफल भयो। सप्तरीको राजविराज स्थित पब्लिक विन्देश्वरी स्कुल मैदानमा ९३ रनको सामान्य लक्ष्य तिरहुतले १५.३ ओभरमा मात्र १ विकेट गुमाएर पूरा गर्यो। टाइगर्सका […]

July 16, 2025

न्युजिल्याण्डले दक्षिण अफ्रिकालाई हरायो

एजेन्सी – जिम्बाब्वेमा जारी त्रिकोणात्मक टि ट्वान्टी आई सिरिजको दोस्रो खेलमा न्युजिल्याण्डले दक्षिण अफ्रिकामाथि जित हासिल गरेको छ । हरारे स्पोर्टस क्लबमा बुधवार न्युजिल्याण्डले दक्षिण अफ्रिकालाई २१ रनले पराजित गरेको हो । १ सय ७४ रनको लक्ष्य पछ्याएको दक्षिण अफ्रिका १८.२ ओभरमा १ सय ५२ रनमा समेटियो । दक्षिण अफ्रिकाका डिवाल्ड ब्रेभिस १८ बलमा १ […]

July 16, 2025

एसपिए र सुदूरपश्चिमबीचको सहकार्य निरन्तर

काठमाडौं (हाम्रो खेलकुद) – नेपाल प्रिमियर लिग (एनपीएल) को टोली सुदूरपश्चिम रोयल्सले धनगढीस्थित एसपिए कलेजसँगको सम्झौता नवीकरण गरेको छ । एसपिएका प्रबन्ध निर्देशक सुवास शाही र सुदूरपश्चिमका प्रमुख कार्यकारी अधिकृत (सिइओ) प्रकाश खड्काले बिहिवार सम्झौतामा हस्ताक्षर गरे । एसपिएले नेपालमा क्यान निलम्बनमा रहँदा फ्रेन्चाइज लिगको अवधारणामा धनगढी प्रिमियर लिग (डिपिएल) आयोजना गरेको थियो । यसबाहेक […]

Success

Thank you for your time.