काठमाडौं (हाम्रो खेलकुद) – वेस्ट इन्डिजका कप्तान शाई होप र निकोलस पुरनले आइसिसी एकदिवसीय विश्वकप छनोटमा नेपालविरुद्ध शतक हानेका छन् । हरारे स्पोर्ट्स क्लबमा टस हारेर पहिला ब्याटिङको निम्तो पाएको वेस्ट इन्डिज ४० ओभरमा ३ विकेट गुमाउँदै २ सय ४१ रन बनाएको छ ।

निकोलस पुरन ८१ बलमा ९ चौका र ४ छक्कासहित १ सय रनमा नट आउट छन् । हाई होप १ सय ८ बलमा ७ चौका र २ छक्कासहित १ सय २ रनमा खेलेका छन् ।

पुरनको यो ओडिआई करिअरको दोस्रो शतक हो । उनले सन् २०१९ को एकदिवसीय विश्वकपमा श्रीलंकाविरुद्ध १ सय १८ रनको शतकीय इनिङ खेलेपछि पहिलो पटक शतक हानेका हुन् ।

होपको यो ओडिआई करिअको १५ औं शतक हो । होपले १ सय ७ र पूरनले ८१ बलमा शतक पूरा गरेका थिए । चौथो विकेटका लागि पुरन र होपले १ सय ८६ रनको शतकीय साझेदारी गर्दै विशाल योगफल तर्फ अघि बढाएका छन् ।

नेपालले वेस्ट इन्डिजका प्रमुख ब्याटर निकोलस पुरनलाई ब्यक्तिगत तीन र ५४ रनमा जीवनदान दिँदै ठूलो गल्ती गरेको थियो । रनमै जीवनदान दिएको थियो । त्यसपछि वेस्ट इन्डिजले खेलमा राम्रो पूनरागमन गरेको छ ।

स्पिनर ललित नारायण राजवंशीको १७ औं ओभरको अन्तिम बलमा पुरनको एज लागेको बल विकेटकिपर आसिफ शेखले छाड्न पुगेका थिए ।

पुरनले ब्यक्तिगत ५४ रनमा जीवनदान पाएका थिए । करणको ३४ औं ओभरको चौथो बलमा एज लागेको बल आसिफ शेखले पुन छाड्न पुगेका थिए ।