1 year ago
June 22, 2023
एजेन्सी – अमेरिका आइसिसी विश्वकप छनोटमा नेदरल्यान्ड्ससँग ५ विकेटले पराजित हुँदै समूह चरणबाटै बाहिरिने पहिलो टोली बनेको छ । समूह ए मा लगातार तेस्रो हारका साथ अमेरिकाको सुपर सिक्स हुँदै विश्वकप खेल्ने सम्भावना समाप्त भएको हो ।
जितको लागि २ सय १२ रनको मध्यम विजयी लक्ष्य पछ्याएको नेदरल्यान्ड्सले ४३.२ ओभरमा ५ विकेट गुमाउँदै पूरा गर्यो । नेदरल्यान्ड्सको जितमा कप्तान स्कट एड्वार्ड्स ६० बलमा ६ चौकासहित सर्वाधिक ६७ रनमा नट आउट रहे ।
तेजा निडामानुरुले ६८ बलमा ५ चौकासहित ५८ रनको योगदान दिए । पाँचौं विकेटका लागि तेजा र स्कटले ७२ रनको साझेदारी गर्दै जितको आधार तय गरेका थिए । अमेरिकाका जेसी सिंहले सर्वाधिक दुई विकेट लिए । अली खान, सौरभ नेत्रवालकर र नोष्तुश केन्जिगेले समान एक विकेट लिए ।
त्यसअघि टस हारेर पहिला ब्याटिङको निम्तो पाएको अमेरिकाले निर्धारित ५० ओभरमा ८ विकेट गुमाउँदै २ सय ११ रन बनाएको थियो । अमेरिकाका शायन जहांगिरले ८६ बलमा ५ चौका र २ चौकासहित सर्वाधिक ७१ रनको योगदान दिए ।
उनले नेपालविरुद्ध शतक हानेका थिए । उनी बाहेक अन्य कुनैपनि ब्याटरको प्रदर्शन सम्झन लायक रहेन । जेसी सिंह ५३ बलमा ३ छक्कासहित ३८ रनमा आउट भए । गजानन्द सिंह ३३, स्टिभ टेलर र साइतेजा मुक्कामल्ला समान १० रनमा आउट भए ।
नेदरल्यान्ड्सका रायन केलीन र बास डि लिडेले समान दुई विकेट लिए । लोगन भान बिक, अर्यान दत्त, विक्रमजित सिंह र फ्लोडले समान एक विकेट लिए ।
अमेरिका सुरुवाती तीन खेलमा हारका साथ समूह ए बाट बाहिरिएको हो । अमेरिका पहिलो खेलमा वेस्ट इन्डिजसँग ३९ र नेपालसँग ६ विकेटले पराजित भएको थियो । अमेरिकाले अन्तिम खेल सोमबार जिम्बावेसँग खेल्नेछ ।
यता नेदरल्यान्ड्स पहिलो खेलमा जिम्बावेसँग ६ विकेटले पराजित भएको थियो । नेदरल्यान्ड्सले अव शनिबार नेपाल र सोमबार वेस्ट इन्डिजसँग खेल्नेछ । नेपाललाई पराजित गरेको खण्डमा नेदरल्यान्ड्स सुपर सिक्समा पुग्नेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]