default_image

11 months ago

June 23, 2023

ओमानलाई १० विकेटले हराउँदै श्रीलंका सुपर सिक्स नजिक

215 views

0 Bookmark

एजेन्सी – उपाधिको प्रमुख दाबेदार श्रीलंकाले आइसिसी विश्वकप छनोटमा ओमानलाई १० विकेटले हराउँदै सुपर सिक्समा नजिक पुगेको छ । समूह बी मा रहेको श्रीलंकाले लगातार दोस्रो जितका साथ सुपर सिक्स यात्रा सहज बनाएको हो ।

जितको लागि ९९ रनको सामान्य लक्ष्य श्रीलंकाले १५ ओभरमा कुनैविकेट नगुमाई पूरा गर्यो । श्रीलंकाको जितमा दिमुथ करुणारत्ने ५१ बलमा ८ चौकासहित ६१ रनमा नट आउट रहे । पाथमु निसांका ३९ बलमा ५ चौकासहित ३७ रनमा नट आउट रहे ।

त्यसअघि क्विन्स स्पोर्ट्स क्लबमा टस हारेर पहिला ब्याटिङको निम्तो पाएको ओमान ३२.२ ओभरमा ९८ रनमा अल आउट भयो । ओमानका आयन खानले ६० बलमा ४ चौकासहित सर्वाधिक ४१ रन बनाए । जतिन्दर सिंह २१ र फैयाज बटले १३ रन बनाए । अन्य कुनैपनि ओमानी ब्याटरले दोहोरो अंकमा रन बनाउन सकेनन् ।

श्रीलंकाका स्पिनर वानिन्दु हसरंगाले ७.२ ओभरमा २ मेडनसहित १३ रन खर्चेर सर्वाधिक ५ विकेट लिए । लाहिरु कुमाराले ८ ओभरमा २ मेडनसहित २२ रन खर्चेर ३ विकेट लिए ।

श्रीलंका समूह बी मा २ खेलमा ४ अंकका साथ शीर्ष स्थानमा छ । श्रीलंकाले आइतबार आयरल्यान्ड र मंगलबार स्कटल्यान्डसँग खेल्नेछ । एक खेल जितेको खण्डमा सुपर सिक्समा स्थान बनाउने छ । बाँबी दुबै खेल जितेमा विश्वकपमा पुग्न सहज हुनेछ । पहिलो खेलमा श्रीलंकाले युएईलाई १ सय ७५ रनले हराएको थियो । उक्त खेलमा हसरंगाले ६ विकेट लिएका थिए ।

ओमान ३ खेलमा ४ अंकका साथ दोस्रो स्थानमा छ । ओमान सुपर सिक्समा पुग्न आइतबार स्कटल्यान्डलाई हराउनु पर्ने हुन्छ । अन्यथा नेटरनरेट र अन्य टोलीको नतिजामा भरपर्नेछ ।

May 19, 2024

नेपाली टोली तेस्रो अभ्यास खेलमा पराजित

एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको‌ तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]

May 19, 2024

चेन्नाईलाई हराउँदै आरसीबी प्लेअफमा

एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]

May 18, 2024

तेस्रो अभ्यास खेलमा नेपाल टस हारेर फिल्डिङ गर्दै

काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]

Success

Thank you for your time.