default_image

11 months ago

June 23, 2023

नेपालको नेदरल्यान्ड्सविरुद्ध सम्भावित प्लेइङ-११

198 views

0 Bookmark

काठमाडौं (हाम्रो खेलकुद) – नेपालले आइसिसी विश्वकप छनोट अन्तर्गत आफ्नो समूह चरणको अन्तिम खेल शनिबार नेदरल्यान्ड्सविरुद्ध खेल्दैछ। खेल नेपाली समय अनुसार दिउँसो १२ः ४५ मा जिम्बावेको ताकाशिंगा क्रिकेट स्पोर्ट्स क्लबमा सुरु हुनेछ ।

सुपर सिक्समा पुग्न नेपालले नेदरल्यान्ड्सलाई हराउन बाहेक अन्य कुनै विकल्प छैन । यदि नेपाल पराजित भएको खण्डमा समूह चरणबाटै बाहिरिने पक्का हुनेछ । तर विजयी भएमा सुपर सिक्समा पुग्ने उच्च सम्भावना हुनेछ । अन्तिम खेलमा नेदरल्यान्ड्सले सोमबार वेस्ट इन्डिजसँग पनि हार्नुपर्ने हुन्छ ।

नेपाल पहिलो खेलमा जिम्बावेसँग ८ विकेटले पराजित भएको थियो । दोस्रो खेलमा अमेरिकालाई ६ विकेटले हराएको थियो । नेपालले तेस्रो खेलमा वेस्टइन्डिजसँग १ सय १ रनको फराकिलो हार व्येहोर्न पुगेको थियो । उता नेदरल्यान्ड्स जिम्बावेसँग ६ विकेटले पराजित भएको थियो । नेदरल्यान्ड्सले अमेरिकालाई ५ विकेटले पराजित गरेको थियो । नेपाललाई हराउँदा नेदरल्यान्ड्स औपचारिक रुपमा सुपर सिक्समा पुग्नेछ ।

इंग्ल्यान्डको घरेलु क्रिकेट काउन्टीले नछोड्दा नेदरल्यान्ड्सका प्रमुख पहिलो रोजाईका बलर टोलीमा छैनन् । तर पनि डच टोलीको कुनै भर हुँदैन । दक्षिण अफ्रिकामा अभ्यास खेलमा नेदरल्यान्ड्ससँग नेपाल पराजित भएको थियो । पछिल्लो समय नेदरल्यान्ड्सले नेपालले भन्दा माथिल्लो स्तरको १२ टेस्ट टोली सहभागी सुपर लिग खेलेको थियो । प्रमुख खेलाडी नभएपनि नेदरल्यान्ड्स नेपाललाई स्तब्ध पार्न सक्छ । त्यसैले नेपाल सचेतका साथ उत्कृष्ट क्रिकेट खेल्नुपर्ने हुन्छ ।

नेपालले वेस्टइन्डिजको खेलबाट टोलीमा परिवर्तन गर्ने कुनै सम्भावना छैन । तीव्र गतिका बलरमा करण केसी र गुलशन झा हुनेछन् । यी दुई तीव्र गतिका बलरले राम्रो प्रदर्शन गर्दै आएका छन् । सोमपाल कामी भने अझै फिट भएका छैनन् । तेस्रो तीव्र गतिका बलरमा आरिफ शेख हुनेछन् ।

स्पिनरमा सन्दीप लामिछाने र ललित नारायण राजवंशी हुनेछन् । ललितले विश्वकप छनोटमा सानदार प्रदर्शन गरेका छन् । तर सन्दीपको प्रदर्शन अपेक्षा अनुसार छैन । सन्दीपले जिम्बावेसँग १० मा ७७, अमेरिकासँग १० ओभरमा ५८ र वेस्ट इन्डिजसँग १० ओभरमा ५१ रन खर्चिदा १ विकेट लिएका थिए । तीन खेलमा सन्दीपले एक विकेट मात्रै लिएका थिए । त्यसैले प्रमुख बलर सन्दीपबाट नेपाल उत्कृष्ट प्रदर्शन चाहन्छ । दीपेन्द्रसिंह ऐरी र कुशल मल्ल पार्ट टाइम स्पिनर हुन् ।

नेपालको ब्याटिङक्रम पनि परिवर्तन गर्ने छैन । तर खेलको अवस्थामा भर पर्नेछ । सामान्य अवस्थामा ओपनिङ आसिफ र कुशल भुर्तेलले गर्नेछन् । तेस्रो नम्बरमा भीम सार्की, चौथो नम्बरमा रोहित पौडेल र पाँचौं नम्बरमा कुशल मल्ल हुनेछन् । छैटौंमा आरिफ, सातौंमा दीपेन्द्र र आठौंमा गुलशन झा हुनेछन् ।

करण केसी नवौं, सन्दीप दशौं र ललित-११ औं नम्बरमा हुनेछन् । नेपालको ब्याटिङ करण केसी सम्म राम्रो छ । अर्थात नेपालको ब्याटिङ नवौं नम्बर सम्म छ । यो अवस्थामा नेपालले खराब सुरुवात गर्दा पनि राम्रो योगफलमा पुग्न सक्छ ।

नेपाली टोलीमा परिवर्तनको कुनै आवश्यकता देखिदैन । नेपालले डेथ ओभर, मध्यक्रम बलिङ र फिल्डिङमा सुधार गर्न आवश्यक देखिन्छ ।

नेपालको सम्भावित प्लेइङ ११ :

आसिफ शेख (विकेटकिपर) कुशल भुर्तेल, भीम सार्की, रोहित पौडेल (कप्तान), कुशल मल्ल, आरिफ शेख, दीपन्द्रसिंह ऐरी, गुलशन झा, करण केसी, सन्दीप लामिछाने र ललित नारायण राजवंशी ।

May 24, 2024

बंगलादेशविरुद्ध अमेरिकाको लगातार दोस्रो जित

ह्युस्टन (हाम्रो खेलकुद) – बंगलादेशलाई लगातार दोस्रो खेलमा स्तब्ध पार्दै अमेरिकाले ३ खेलको टि ट्वान्टी शृंखला एक खेल अगावै जितेको छ । प्रेरी भ्यू क्रिकेट कम्प्लेक्समा बिहीबार भएको दोस्रो खेलमा अमेरिकाले बंगलादेशमाथि ६ रनको जित दर्ता गर्दै शृंखला कब्जा गरेको हो । अमेरिकाले दिएको १ सय ४५ रनको लक्ष्य पछ्याएको बंगलादेश ३ बल बाँकी छँदै […]

May 23, 2024

महिला क्रिकेटको प्रारम्भिक टोलीमा २८ खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि प्रारम्भिक टोली घोषणा गरेको छ । क्यानले इन्दु वर्माको कप्तानीमा २८ जनालाई समेट्दै बुधबार नेपाली टोली घोषणा गरेको हो । ललितपुर मेयर्स कप खेलेका कोशी प्रदेशका बलर एलिसा खडिया, बागमती प्रदेशकी हेलिसा गुरुङ, सुदूरपश्चिमकी सावित्री धामी, एपीएफकी राजमती ऐरी पहिलो पटक राष्ट्रिय […]

May 23, 2024

सन्दीपलाई अमेरिकाको भिसा दिलाउन पहल सुरु

काठमाडौं (हाम्रो खेलकुद)- क्रिकेटर सन्दीप लामिछानेलाई‌ टि ट्वान्टी विश्वकपको लागि अमेरिकाको भिसा दिलाउन कुटनीतिक पहल हुने भएको छ।युवा तथा खेलकुद मन्त्रालयले परराष्ट्र मन्त्रालयमार्फत प्रक्रिया अघि बढाउने भएको हो । सन्दीपलाई बुधबार अन्तर्वार्तामा बोलाएर अमेरिकी दूतावासले भिसा अस्वीकार गरेको थियो । भिसा नदिइनुको स्पष्ट कारण खुलाइएको छैन । सन्दीपले सामाजिक सन्जालमा स्ट्याटस लेखेर आफूलाई भिसा दिन […]

Success

Thank you for your time.