default_image

11 months ago

June 24, 2023

रोहित ५० औं ओडिआई खेल्ने पहिलो नेपाली खेलाडी

363 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका कप्तान रोहित पौडेल ओडिआईमा ५० औं खेल खेल्ने पहिलो नेपालको खेलाडी बनेका छन् । आइसिसी विश्वकप छनोटमा नेदरल्यान्ड्सविरुद्ध रोहितको ५० औं खेल पूरा भएको हो ।

रोहित ओडिआईमा नेपालबाट ५० औं ओडिआई खेल्ने पहिलो खेलाडी बनेका हुन् । रोहितपछि नेपालबाट सर्वाधिक धेरै दीपेन्द्रसिंह ऐरीको यो ४८ औं र सन्दीप लामिछानेको ४७ औं ओडिआई खेल हो ।

सोमपाल कामीले नेपालबाट ४७ ओडिआई खेल खेलेका छन् । जिम्बावेविरुद्ध घाइते नभएको भए उनले रोहितसँगै ५० औं ओडिआई खेल पूरा गर्ने थिए ।

२० वर्षीय रोहितले नेपालबाट ४९ ओडिआई खेलमा १ शतक र ८ अर्धशतकसहित १४ सय ३ रन बनाएका छन् । उनी नेपालबाट ओडिआईमा एक हजार रन पूरा गर्ने पहिलो खेलाडी हुन् । उनी नेपालबाट कुनैपनि अन्तर्राष्ट्रिय खेलमा एकै इनिङमा सर्वाधिक रन बनाउने खेलाडी हुन् । उनले २०२२ मा पपुवा न्युगिनीविरुद्ध १ सय २६ रनको कीर्तिमानी इनिङ खेलेका थिए ।

रोहित गतवर्ष नेपालको कप्तान बनेका थिए । उनले २०१८ अगष्ट ३ मा नेदरल्यान्ड्सविरुद्ध नै ओडिआईमा डेब्यू गरेका थिए । नेपालले नेदरल्यान्ड्ससँग टस हारेर पहिला ब्याटिङ गर्दैछ । शीर्ष तीनमा रहँदै सुपर सिक्समा स्थान बनाउन नेपालले यस खेल जित्नै पर्ने हुन्छ ।

May 19, 2024

नेपाली टोली तेस्रो अभ्यास खेलमा पराजित

एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको‌ तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]

May 19, 2024

चेन्नाईलाई हराउँदै आरसीबी प्लेअफमा

एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]

May 18, 2024

तेस्रो अभ्यास खेलमा नेपाल टस हारेर फिल्डिङ गर्दै

काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]

Success

Thank you for your time.