2 years ago
June 25, 2023
एजेन्सी – आइसिसी विश्वकप छनोटमा स्कटल्यान्डसँगको खेल जारी रहँदा ओमान भने सुपर सिक्समा पुग्ने पक्का भएको छ । ओमान र स्कटल्यान्डबीचको खेल जारी छ । तर अर्को खेलमा श्रीलंकाले आयरल्यान्डलाई १ सय ३३ रनको फराकिलो अन्तरले पराजित गरेपछि ओमान र स्कटल्यान्डले सुपर सिक्स खेल्ने पक्का भएको छ ।

समूह बी मा श्रीलंका ३ खेलमा ६ अंकका साथ शीर्ष स्थानमा रहँदै सुपर सिक्समा पुगेको हो । स्कटल्यान्ड २ खेलमा ४ अंकका साथ दोस्रो स्थानमा छ । ओमान ३ खेलमा ४ अंकका साथ तेस्रो स्थानमा छ । यी दुई टोलीले सुपर सिक्स खेल्ने पक्का भएको छ ।
आयरल्यान्ड लगातार तीन खेलका साथ समूह चरणबाटै बारिएको छ । त्यस्तै युएई पनि लगातार तीन हारको साथ समूह चरणबाटै बाहिरिएको थियो । आयरल्यान्ड र युएईले समूह चरणको अन्तिम खेल मंगलबार हुनेछ । उक्त नतिजापछि कुन टोलीले चौथो र पुछारमा रहँदै प्लेअफ खेल्ने निर्धारण हुनेछ ।
समूह ए बाट जिम्बावे, वेस्टइन्डिज र नेदरल्यान्ड्स सुपर सिक्समा पुगेका छन् । नेपाल ४ खेलमा २ अंकका साथ चौथो स्थानमा रहँदै बाहिरिएको छ । अमेरिका सुरुवाती तीन खेलमा हारका साथ बाहिरिएको छ ।
सोमबार अमेरिका र वेस्टइन्डिजबीचको खेलले चौथो र पुछारमा रहने टोली थाहा हुनेछ । प्लेअफमा समूह ए को चौथो स्थानमा रहने टोलीले समूह बी को पुछारको टोलीसँग खेल्नेछ । समूह ए को पुछारको टोलीले समूह बी को चौथो स्थानमा रहने टोलीसँग खेल्नेछ । प्लेअफ ३० जुन देखी ६ जुलाई सम्म हुनेछ । यी दुई खेलको विजेता टोलीले ७ औं स्थानको लागि प्रतिस्पर्धा गर्नेछन् । पराजित हुने टोलीले नवौं स्थानका लागि खेल्नेछन् ।
जितको लागि ३ सय २१ रनको विजयी लक्ष्य पछ्याएको ओमान यो समाचार तयार पार्न सम्म ४१.१ ओभरमा ६ विकेट गुमाउँदै १ सय ८३ रन बनाएको छ ।
त्यसअघि युवा ब्याटर ब्रेन्डन म्याकमुलेनको सानदार शतकमा स्कटल्यान्डले आइसिसी विश्वकप छनोटमा ओमानलाई ३ सय २१ रनको विशाल लक्ष्य दिएको छ । बुलावायो क्लबमा टस हारेर पहिला ब्याटिङको निम्तो पाएको स्कटल्यान्ड निर्धारित ५० ओभरमा ३ सय २० रनमा अल आउट भएको थियो ।
स्कटल्यान्डका २३ वर्षीय युवा खेलाडी ब्रेन्डन म्याकमुलेनले १ सय २१ बलमा १४ चौका र ३ छक्कासहित १ सय ३६ रनको सानदार शतकीय इनिङ खेले । उनको यो करिअरको पहिलो शतक हो । ओमानका तीव्र गतिका बलर बिलाल खानले १० ओभरमा २ मेडनसहित ५५ रन खर्चेर ५ विकेट लिएका थिए ।
November 10, 2025
काठमाडौं (हाम्रो खेलकुद) – नेपाल प्रिमियर लिग (एनपिएल) को फ्रेन्चाइज टोली काठमान्डु गोर्खाजले शैक्षीक परामर्श संस्था केआइइसीसंग प्रायोजन सम्झौता गरेको छ । काठमान्डु गोर्खाजले मंसिर १ गते देखि सुरु हुने दोस्रो एनपिएलमा प्रतिस्पर्धा गर्दैछ । केआइइसीले विदेशमा अध्ययन गर्न चाहने र सफल अन्तर्राष्ट्रिय करियर निर्माण गर्न उत्सुक विधार्थीका लागि २० वर्ष देखि शैक्षिक परामर्श दिदै […]
November 10, 2025
काठमाडौं (हाम्रो खेलकुद)- नेपाली क्रिकेट समर्थक बीच परिचित प्रशिक्षक पुबुदु दासानायकेले नेपाल प्रिमियर लिग (एनपिएल) दोस्रो संस्करणमा विराटनगर किङ्सको कमान सम्हाल्ने भएका छन्। पुबुदुकै प्रशिक्षणमा जनकपुर बोल्ट्सले एनपिएलको पहिलो संस्करण जितेको थियो। नेपाली राष्ट्रिय क्रिकेट टोलीका पूर्व मुख्य प्रशिक्षक पुबुदुसँग अनुबन्ध भएको विराटनगर किङ्सले जनाएको छ। एसोसिएट क्रिकेटका लागि परिचित पुबुदु अमेरिकी क्रिकेट टोलीको प्रशिक्षक […]
November 9, 2025
धनगढी (हाम्रो खेलकुद)- नेपाली राष्ट्रिय क्रिकेट टोलीका पूर्व सदस्य तथा सुदूरपश्चिम रोयल्सका ब्याटर विनोद भण्डारीलाई ब्रेड बक्सले आफ्नो ब्रान्ड एम्बासडर नियुक्त गरेको छ। धनगढी स्थित क्याफेमा आज आयोजित कार्यक्रममा सो घोषणा गरिएको हो। क्याफेले विनोदको लोकप्रियता, खेलकुदमा समर्पण र सुदूरपश्चिमका युवामाझ उनको सकारात्मक प्रभावलाई ब्रान्डको पहिचानसँग जोड्ने उद्देश्य राखेको जनाएको छ। ब्रेड बक्सले आफै स्थानीय […]