default_image

2 years ago

June 26, 2023

‘यो क्षण बयान गर्न सक्दिन’ – प्लेयर अफ द म्याच भान बिक

282 views

0 Bookmark

काठमाडौं (हाम्रो खेलकुद) – आइसीसी विश्वकप छनोटमा वेस्टइन्डिजविरुद्ध सुपर ओभरमा जित हासिल गर्दा खेलको नायक बनेका लोगन भान बिकले जितको क्षण बयान गर्न नसकेको बताएका छन् ।

समूह ए को अन्तिम लिग खेलमा नेदरल्यान्ड्सले वेस्टइन्डिजलाई सुपर ओभरमा पराजित गर्दै महत्त्वपूर्ण २ अंक जोडेको हो । वेस्टइन्डिजले प्रस्तुत गरेको ३ सय ७५ रनको विशाल लक्ष्य पछ्याउने क्रममा भान बिकले अन्त्यमा १४ बलमा २८ रन जोडेका थिए । उनले अन्तिम दुई ओभरमा ३ चौका र १ छक्का प्रहार गर्दा खेल सुपर ओभरमा लम्बिने आधार बनेको थियो ।

सुपर ओभरमा भान बिकले वेस्टइन्डिजका कप्तान जेसन होल्डरलाई ३० रन प्रहार गरेपछि नेदरल्यान्ड्स बलियो स्थितिमा पुगेको थियो । त्यसपछि उनले सुपर ओभरमा लगातार दुई विकेट लिँदै डच टोलीलाई यादगार जित दिलाए ।

खेलपछि बोल्दै भावुक देखिएका भान बिकले आफ्नो भनाइ यसरी राखे :

‘म यो क्षण बयान गर्न सक्दिन । हामीलाई थाहा थियो, आज जितका लागि केहि विशेष प्रदर्शन गर्नु आवश्यक थियो । स्कट र तेजाले जति ब्याटिङ लम्ब्याउँदै गए, हाम्रो विश्वास पनि बढ्दै गएको थियो । अन्त्यमा त्यो अवस्थामा पुगेपछि जसरी पनि जिताउनुपर्छ भन्ने थियो । र १३ वर्षे करिअरमा पहिलोपटक सफल भएको छु ।’

‘आजको जित सबै हालसम्म सिकेको परिणाम हो । आफ्नो कौशलमा विश्वास राखें । उनीहरुले मिस गरे भने आफ्नो सट लाग्छ भन्ने थियो । म एकदम संयम थिएँ र योजना अनुसार अघि बढ्न सकें ।’

‘नियमित ओभरको अन्तिम बलमा निकै निराश थिएँ । मैले सिधै मिड अनमा क्याच दिन पुगें । तर अन्त्यमा जे हुनु थियो त्यो नै भयो । सुपर ओभरको प्रदर्शनले बदला पूरा भएको महसुस गरेको छु ।’

‘रोस्टन चेजले राम्रो बलिङ गरिरहेको अवस्थामा मैले जोखिम उठाउनुपर्ने थियो । र भाग्यमानी भन्नुपर्छ त्यो ओभरमा पनि रन आयो ।’

‘हाम्रो टोलीको लागि यो ठूलो ठूलो जित हो । पछिल्लो १८ महिनामा हामीले जुन यात्रा तय गर्यौं, त्यसको प्रतिफल यो खेल हो । सुपर लिगको खेलमा हामीले धेरै हार बेहोरेका थियौं । लगातारको हारमा हामीले धेरै कुरा सिक्न पायौं । आज निर्णायक मोडमा आएर जित हासिल गर्दा निकै खुसी लागेको छ ।’

‘अब आशा छ आउने तीन खेलमा पनि यो लय कायम रहनेछ । र हामीसँग भारतमा हुने विश्वकपमा छनोट हुने अवसर पनि छ । आज हामी यो जितमा रमाउनेछौं । भोलीबाट नजर अर्को खेलमा रहनेछ ।’

February 6, 2025

थाइल्याण्डलाई हराएपछि नेदरल्याण्ड्सको उपाधि सम्भावना कायमै

काठमाडौं(हाम्रो खेलकुद) – थाइल्याण्डलाई हराउँदै नेदरल्याण्ड्सले जारी त्रिकोणात्मक टि ट्वान्टी आई सिरिजको उपाधि सम्भावना कायमै राखेको छ । नेदरल्याण्ड्सले बिहीवार थाइल्याण्डलाई रोमान्चक खेलमा १ विकेटले हराएको छ । १ सय १० रनको लक्ष्य नेदरल्याण्ड्सले निर्धारित २० ओभरको अन्तिम बलमा ९ विकेट गुमाएर पूरा गर्यो । नेदरल्याण्ड्सको जितमा फेबे मोल्केबरले सर्वाधिक ३२ रन जोडिन् । उनले […]

February 6, 2025

स्टोइनिसकाे ओडिआई क्रिकेटबाट सन्यास घोषणा

काठमाडौं(हाम्रो खेलकुद) – अस्ट्रेलियाका अलराउन्डर मार्कस स्टोइनिसले ओडिआई क्रिकेटबाट सन्यासको घोषणा गरेका छन् । ३५ वर्षीय स्टोइनिसले टि ट्वान्टी भन्ने खेल्ने छन् । टि ट्वान्टीमा ध्यान केन्द्रित गर्न ओडिआईबाट सन्यास लिएको बताएका छन् । उनले ७१ ओडिआई खेलमा २६.६९ को औसतमा १ हजार ४ सय ९५ रन बनाएका छन् । उनले ओडिआई क्रिकेटमा ४८ विकेट […]

February 6, 2025

अर्जुन ट्रफी – सलाउद्दिनको ५ विकेटमा दशरथको जित

काठमाडौं(हाम्रो खेलकुद) – सलाउद्दिन खानको ५ विकेट सहयोगमा दशरथ चन्द क्रिकेट एकेडेमीले धनगढीमा जारी अर्जुन ट्रफी राष्ट्रिय क्रिकेट च्याम्पियनसिपमा जित हासिल गरेको छ । बिहीवारको पहिलो खेलमा दशरथले क्रिकेट एक्सिलेन्स सेन्टर(सिइसी) काठमाडौंलाई १६ रनले पराजित गरेको छ । दशरथले दिएको १ सय ६१ रनको लक्ष्य पछ्याएको सिइसी १९.४ ओभरमा १ सय ४४ रनमा समेटियो । […]

Success

Thank you for your time.