default_image

2 years ago

June 26, 2023

बीकले हाने वेस्टइन्डिजलाई सुपर ओभरमै ३० रन

348 views

0 Bookmark

एजेन्सी – नेदरल्याान्ड्सका अलराउन्डर लोगन भान बीकले आइसिसी विश्वकप छनोटमा वेस्टइन्डिजविरुद्ध सुपर ओभरमा ३० रन प्रहार गर्दै टोलीलाई ऐतिहासिक जित दिलाएका छन् । जितको लागि ३ सय ७५ रनको विजयी लक्ष्य पछ्याएको नेदरल्यान्ड्सले निर्धारित ५० ओभरमा ९ विकेट गुमाउँदै ३ सय ७४ रन बनाएको थियो ।

नेदरल्यान्ड्सले शतक प्रहार गरेका तेजा निडामानिरुलाई छाडेर बीक र कप्तान स्कर्ट एड्वार्ड्सलाई सुपर ओभरमा पठाएको थियो । खेल टाई गराउन बीकले १४ बलमा ३ चौका र १ छक्कासहिन अन्तिममा महत्वपूर्ण २८ रन जोडेका थिए । सुपर ओभरको पहिलो बलमा भान बीकले जेसन होल्डरलाई चौका प्रहार गरे ।

दोस्रो बलमा बीकले होल्डरलाई छक्का हाने । तेस्रो बलमा उनले चौका प्रहार गरे । चौथो बलमा उनले छक्का प्रहार गरेका थिए । सुरुवाती चार बलमै २० रन जोडेको थियो । पाँचौं बलमा छक्का हानेपछि जित पक्का जस्तै गराएको थियो । अन्तिम बलमा चौका हान्दै ३० रनमा पुर्याएका थिए ।

तीव्र गतिका बलर बीकले सुपर ओभरमा सुरुवाती पाँच बलमा ८ रन खर्चेर २ विकेट लिँदै जित पक्का गराएका थिए । सुपर ओभरमा वेस्टइन्डिजलाई जितको लागि ३१ रन चाहिँएको थियो । भान बिक लोगनलाई पहिलो बलमै जोनसन चाल्र्सले छक्का प्रहार गरे । दोस्रो बलमा उनले एक रन दिए । तेस्रो बलमा कप्तान शाई होपले एक रन बटुलेपछि जितको सम्भावना समाप्त भएको थियो । उनले चौथो बलमा जोनसन र पाँचौं बलमा शेफर्डलाई क्याच गराउँदै रोमान्चक जित दिलाए ।

अन्तिम १२ बलमा नेदरल्यान्ड्सलाई जितको लागि ३० रन चाहिँएको थियो । स्पिनर रोश्टन चेशलाई ४९ औं ओभरमा लोगन भान बिकले दुई चौका र एक छक्का तथा आर्यन दत्तले एक चौका प्रहार गरेपछि कुल २१ रन जोडेको थियो ।

नेदरल्यान्ड्सलाई जितको लागि ६ बलमा ९ रन चाहिँएको थियो । पहिलो बलनै बीकले अल्जारी जोशेफलाई चौका प्रहार गरे । दोस्रो बलमा एक रन लिदा तेस्रो बलमा दत्त १६ रनमा क्याच आउट भए ।

अन्तिम बलमा जितको लागि एक रन चाहिँदा बीक जेसन होल्डरबाट मिडअनमा क्याच आउट भएपछि खेल टाई हुँदै सुपर ओभरमा पुगेको थियो । बीकले तल्लोक्रममा १४ बलमा ३ चौका र १ छक्कासहित २८ रन बनाएका थिए । उनी नै खेलको प्लेयर अफ द म्याच चुनिए ।

नेदरल्यान्ड्सको जितमा तेजा निडामानुरुले ७६ बलमा ११ चौका र ३ छक्कासहित सर्वाधिक १ सय ११ रनको सानदार शतकीय इनिङ खेले । उनी आउट हुँदा नेदरल्यान्ड्सलाई जितको लागि २४ बलमा ४८ रन चाहिँएको थियो ।

त्यहाँबाट अर्यान दत्त र बीकले जितको आधार तय पारेका थिए । योसँगै नेदरल्यान्ड्स सुपर सिक्समा दुई अंकका साथ जाने भएको छ । वेस्टइन्डिज अंक विहीन र जिम्बावे ४ अंकका साथ सुपर सिक्स खेल्नेछ । नेदरल्यान्ड्सले वेस्टइन्डिजलाई पहिलो पटक पराजित गरेको हो ।

February 16, 2025

आइपिएलको खेल तालिका सार्वजनिक

एजेन्सी – इन्डियन प्रिमियर लिग (आइपिएल) २०२५ को खेल तालिका आइतवार सार्वजनिक भएको छ । साविक विजेता कोलकाता नाइट राइडर्सको घरेलु मैदानमा सिजनको पहिलो खेल हुँदैछ । मार्च २२ मा इडन गार्डेनमा कोलकाता र रोयल च्यालेन्जर्स बेंगलुरुका बीचमा पहिलो खेल हुनेछ । यसपटकको फाइनल साविक विजेता कोलकाताको घरेलु मैदानमा हुनेछ । फाइनल मे २५ मा […]

February 16, 2025

लिग टु – नामिबिया फेरि पराजित

एजेन्सी – विश्व कप लिग टु अन्तर्गतको खेलमा ओमानले नामिबियालाई पराजित गरेको छ । ओमानले आइतवार नामिबियामाथि २ विकेटको जित हासिल गरेको छ । नामिबियाको विश्व कप लिग टुमा १६ खेलमा १०औं हार हो । लिग टुको सुरुवाती ५ मध्ये ४ खेल जितेको थियो । नामिबियाले पछिल्लो ५ खेलमा २ मा मात्र जित हासिल गरेको […]

February 15, 2025

क्यानद्वारा मुख्य प्रशिक्षकको आवेदन खुला

काठमाडौं(हाम्रो खेलकुद) – रिक्त रहेको नेपाली क्रिकेट टोलीको मुख्य प्रशिक्षकका लागि आवेदन खुला भएको छ । नेपाल क्रिकेट संघ(क्यान) ले शनिवार मुख्य प्रशिक्षकका लागि आवेदन खुला गरेको हो । क्यानका अनुसार आगामी १६ गतेसम्म मुख्य प्रशिक्षकका लागि आवेदन दिन सकिनेछ । क्यानले जनाए अनुसार मुख्य प्रशिक्षकका लागि कम्तिमा पनि ईसिबी वा सिए बाट लेभल ३ […]

Success

Thank you for your time.