default_image

8 months ago

June 27, 2023

वेस्टइन्डिज पहिलो पटक विश्वकप नखेल्ने उच्च सम्भावना

काठमाडौं (हाम्रो खेलकुद) – दुई पटकको विश्वकप विजेता वेस्टइन्डिज आफ्नो क्रिकेट इतिहासमा पहिलो पटक विश्वकपमा नपुग्ने उच्च सम्भावना छ । समूह चरणको अन्तिम खेलमा वेस्टइन्डिज सुपर ओभरमा नेदरल्यान्ड्ससँग पराजित भएपछि विश्वकप यात्रा निकै कठिन बनेको हो । वेस्टइन्डिज समूह ए बाट सुपर सिक्समा अंक विहीन हुँदै पुगेपछि विश्वकप यात्रा निकै कठिन बनेको हो । वेस्टइन्डिज […]

135 views

0 Bookmark

काठमाडौं (हाम्रो खेलकुद) – दुई पटकको विश्वकप विजेता वेस्टइन्डिज आफ्नो क्रिकेट इतिहासमा पहिलो पटक विश्वकपमा नपुग्ने उच्च सम्भावना छ । समूह चरणको अन्तिम खेलमा वेस्टइन्डिज सुपर ओभरमा नेदरल्यान्ड्ससँग पराजित भएपछि विश्वकप यात्रा निकै कठिन बनेको हो ।

वेस्टइन्डिज समूह ए बाट सुपर सिक्समा अंक विहीन हुँदै पुगेपछि विश्वकप यात्रा निकै कठिन बनेको हो । वेस्टइन्डिज समूह चरणमा ४ खेलमा २ मा जित र २ मा हारका साथ ४ अंकका साथ तेस्रो स्थानमा रहेर सुपर सिक्स खेलेको छ ।

वेस्टइन्डिजले समूह चरणमा नेपाललाई १ सय १ र अमेरिकालाई ३९ रनले पराजित गरेको थियो । जिम्बावेसँग ३५ रन र नेदरल्यान्ड्ससँग सुपर ओभरमा पराजित भएको हो । सुपर सिक्समा समूह ए बाट जिम्बावे ४ अंक, नेदरल्यान्ड्स २ र वेस्टइन्डिज अंक विहीन हुँदै जाने भएका छन् ।

वेस्टइन्डिजले हराएका दुबै टोली सुपर सिक्समा नपुगेपछि अंक विहीन हुँदै जानु परेको हो । सुपर सिक्समा वेस्टइन्डिजले समूह चरणबाट आउने श्रीलंका, स्कटल्यान्ड र ओमान तीनै टोलीलाई हराएपनि जम्मा ६ अंक हुन्छ । तर आफ्नो समूह चरणबाट ४ अंक लगेर जाने टोलीले सुपर सिक्समा तीन मध्य दुई खेल जितेको खण्डमा पनि ८ अंक हुन्छ । त्यसैको कारण वेस्ट इन्डिज पहिलो पटक विश्वकपमा पुग्न नसक्ने सम्भावना उच्च छ ।

समूह बी मा श्रीलंका र स्कटल्यान्ड तीनै खेलमा ६–६ अंकका साथ शीर्ष र दोस्रो स्थानमा छन् । मंगलबार यी दुई टोलीबीच प्रतिस्पर्धा हुनेछ । उक्त खेलको विजेता ४ अंक र पराजित हुने टोली २ अंकका साथ सुपर सिक्समा आउनेछन् । ओमान भने अंक विहीन हुँदै सुपर सिक्समा आउनेछ । समूह बी बाट स्कटल्यान्ड र श्रीलंका मध्य एक टोली ४ अंकका साथ आउने पक्का छ ।
सन् १९७५ देखी सुरु भएको विश्वकपमा वेस्टइन्डिज सबै प्रतियोगिता खेल्दै आएको छ । १९७५ र १९७९ को सुरुवाती दुई संस्करणको वेस्टइन्डिज च्याम्पियन समेत हो । १९८३ को संस्करणमा उपविजेता बनेको थियो । त्यसपछि भने वेस्टइडिजले विश्वकपको फाइनल खेल्न सकेको छैन । तर सबै संस्करण खेल्दै आएको छ ।

वेस्टइन्डिजले २०१२ र २०१६ मा टि२० विश्वकप जितेको थियो । २०१८ को विश्वकप छनोटमा शीर्ष स्थानमा रहँदै इंग्ल्यान्डमा २०१९ मा विश्वकप खेलेको थियो । तर यस पटक भने सुपर सिक्समा अंक विहीन हुँदै जानु परेपछि निकै कठिन बनेको छ ।

अन्तिम खेलमा वेस्टइन्डिजले निकोलस पुरनको १ सय ४ रनको शतकीय इनिङमा निर्धारित ५० ओभरमा ६ विकेट गुमाउँदै ३ सय ७४ रन बनाएको थियो । नेदरल्यान्ड्सका तेजा निडामानिरु १ सय ११ र अन्तिममा हिरो बनेका लोगन भान बिकले २८ रन जोडेपछि निर्धारित ५० ओभरमा ९ विकेट गुमाउँदै ३ सय ७४ रन बनाएको थियो ।

सुपर ओभरमा जेसन होल्डरलाई बीकले तीन चौका र तीन छक्कासहित कुल ३० रन जोड्दै विश्वकप यात्रा कठिन बनाएका थिए । सुपर ओभरमा जितको लागि ३१ रन चाहिँदा बिकले ५ बलमा ८ रन खर्चेर २ विकेट लिँदै जिताएका थिए ।

February 22, 2024

आशुतोष र सुजनसहित नेपाल ‘ए’ को ४ परिवर्तन

काठमाडौं (हाम्रो खेलकुद) – नेपाल ‘ए’ ले क्यानडा-११ विरुद्ध जारी एकदिवसीय सिरिजको तेस्रो तथा निर्णायक खेलमा ४ परिवर्तन गरेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिँदा नेपाल पहिलो ब्याटिङ गर्दैछ । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी […]

February 22, 2024

क्यानडा-११ ले टस जित्यो

काठमाडौं (हाम्रो खेलकुद) – नेपाल ‘ए’ र क्यानडा-११ बीच जारी एकदिवसीय सिरिजको निर्णायक खेलमा क्यानडा-११ ले टस जितेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिएका छन् । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी भएका कारण उपस्थित नहुँदा […]

February 21, 2024

कचनकवल अन्तरपालिका क्रिकेटको फाइनलमा

हिमाल खरेल, बिर्तामोड कचनकवल गाउँपालिका प्रथम झापा जिल्ला अन्तरपालिका टि–२० पुरुष क्रिकेट प्रतियोगिताको फाइनल प्रवेश गरेको छ । बर्खा स्मृति प्रतिष्ठान बुद्धशान्तिको आयोजनामा बुधबार भएको प्रतियोगिताको पहिलो सेमिफाइनलमा मेचीनगर नगरपालिकालाई ५ विकेटले हराउँदै कचनकवल अन्तिम दुईमा पुगेको हो । पहिले ब्याटिङ राजेको मेचीनगर निर्धारित २० ओभरमा १३.२ ओभरमा अलआउट हुँदै ८९ रन बनाएको थियो । […]

Success

Thank you for your time.