एजेन्सी – अन्तर्राष्ट्रिय खेलकुद परिष्द (आइसिसी) ले विश्वकप २०२३ को खेल तालिका सार्वजनिक गरेको छ । प्रतियोगिता ५ अक्टोबर देखी १९ नोभेम्बरसम्म भारतका १० स्थानमा हुनेछ । १० टोली सहभागी प्रतियोगितामा लिगमा एक अर्काले खेलेपछि शीर्ष चार टोलीले सेमिफाइनलमा स्थान बनाउने छन् ।

विश्वकपको पहिलो खेलमा ५ अक्टोबरमा अहमदाबादमा इंग्ल्यान्ड र न्युजिल्यान्डबीच प्रतिस्पर्धा हुनेछ । २०१९ को विश्वकपमा इंग्ल्यान्डले न्युजिल्यान्डलाई सुपर ओभर पनि टाई भएपछि बाउन्ड्री बढी प्रहार गरेको आधारमा उपाधि जितेको थियो । ६ अक्टोबरमा पाकिस्तान र छनोटबाट आउने पहिलो टोलीसँग हैदराबादमा खेल्नेछ ।

भारतले पहिलो खेल ८ अक्टोबरमा अष्ट्रेलियासँग चेन्नईमा खेल्दै सुरुवात गर्नेछ । विश्व क्रिकेटमा सवैभन्दा बढी प्रतीक्षा गरिएको भारत र पाकिस्तानबीचको खेल १५ अक्टोबरमा अहमदाबादमा हुनेछ ।

लिगको अन्तिम खेलमा १२ नोभेम्बरमा अष्ट्रेलिया र बंगलादेशबीच प्रतिस्पर्धा हुनेछ । पहिलो सेमिफाइनल १५ नोभेम्बर र दोस्रो १६ नोभेम्बरमा हुनेछ ।

फाइनल १९ नोभेम्बरमा हुनेछ । वर्षा वा कुनै कारण हुन नसके फाइनलको लागि एक दिन रिजर्भ दिन राखिएको छ । फाइनल अहमदाबादमा हुनेछ । विश्वकप भारतको हैदराबाद, अहमदाबाद, धर्मशाला, दिल्ली, चेन्नई, लखनऊ, पुणे, बंगलोर, मुम्बई र कोलकातामा हुनेछ । प्रतियोगिता ४६ दिन सम्म चल्नेछ ।

विश्वकप २०२३ को पूर्ण खेल तालिका