1 year ago
June 27, 2023
एजेन्सी – श्रीलंकाले आइसिसी विश्वकप छनोटमा समूह चरणको अन्तिम खेलमा स्कटल्यान्डलाई ८२ रनले पराजित गरेको छ । सुपर सिक्समा ४ अंकका साथ जाने भएपछि श्रीलंकाको विश्वकप सम्भावना मजबुत बनेको छ ।
जितको लागि २ सय ४६ रनको मध्यम विजयी लक्ष्य पछ्याएको स्कटल्यान्ड २९ ओभरमा १ सय ६३ रनमा अल आउट भयो । स्कटल्यान्डका क्रिस ग्रेभ्स ४१ बलमा ७ चौका र २ छक्कासहित सर्वाधिक ५६ रनमा नटआउट रहे ।
एक समय १००–८ को अवस्थामा पुगेको स्कटल्यान्डलाई ग्रेभ्स र क्रिस सोलले ५५ रनको साझेदारी गर्दै झिनो आशा देखाएका थिए । सोल २१ बलमा २ चौकासहित १७ रनमा रन आउट भए । इभान्स एक रन लिनेक्रममा रन आउट भएपछि स्कटल्यान्ड अल आउट भएको थियो ।
त्यस्तै क्रिस म्याकब्राइड ३८ बलमा २ चौका र १ छक्कासहित २९, म्याथ्यु क्रस ७, ब्रेन्डन म्याकमुलेन ५, रिची बेरिंग्टन १० र माइकल लिस्क ५ रनमा आउट भए ।
श्रीलंकाका स्पिनर महेश थिक्सेनाले १० ओभरमा ४१ रन खर्चेर सर्वाधिक तीन विकेट लिए । वानिन्दु हसरंगाले ६ ओभरमा ४२ रन खर्चेर २ विकेट लिए । कसुन रजिथा, लाहिरु कुमारा र दासुन शानकाले समान एक विकेट लिए ।
त्यसअघि क्विन्स स्पोर्ट्स पार्क बुलावायोमा टस हारेर पहिला ब्याटिङको निम्तो पाएको श्रीलंका ४९.३ ओभरमा २ सय ४५ रनमा अल आउट भएको थियो । श्रीलंकाको जितमा ओपनर पाथुम निसांकाले ८५ बलमा १० चौकासहित सर्वाधिक ७५ रनको योगदान दिए । चरिथ असलंका ६५ बलमा ४ चौका र २ छक्कासहित ६३ रनमा आउट भए ।
ओपनर दिमुथ करुणारत्ने क्रिस सोलको बलमा ७ रनमा बोल्ड आउट भए । सोलको बलमा कुशल मेन्डिस एक रनमा माइकल लिस्कबाट उत्कृष्ट क्याच आउटको शिकार बने । सदिरा समाराविक्रमा ३५ बलमा ४ चौकासहित २६, धनन्जय डि सिल्भा २३ र दासुन शानका शून्यमा डक आउट भए । वानिन्दु हसरंगा १५ र महेश थिक्सेनाले १६ रन बनाए ।
स्कटल्यान्डका स्पिनर क्रिस ग्रेभ्सले ६.३ ओभरमा ३२ रन खर्चेर ४ विकेट लिए । मार्क वाटले १० ओभरमा ५२ रन खर्चेर ३ विकेट लिए । क्रिस सोलले १० ओभरमा १ मेडनसहित ४६ रन खर्चेर २ विकेट लिए ।
श्रीलंका समूह बी बाट अपराजित रहँदै सुपर सिक्समा पुगेको छ । सुपर सिक्समा पुगेका ओमान र स्कटल्यान्ड दुबैलाई हराएको हुँदा श्रीलंका ४ अंक गणना गरिनेछ ।
सुपर सिक्समा श्रीलंकाले समूह ए बाट आएका शीर्ष तीन टोली वेस्टइन्डिज, जिम्बावे र नेदरल्यान्ड्ससँग खेल्नेछ । समूह बी बाट स्कटल्यान्ड दुई अंक र ओमान अंक विहीन हुँदै सुपर सिक्समा आएका छन् ।
यता समूह ए बाट जिम्बावेले ४, नेदरल्यान्ड्सले दुई र वेस्टइन्डिज विना अंक सुपर सिक्समा आएका छन् । सुपर सिक्सपछि शीर्ष दुई टोलीले आगमी अक्टोबर नोभेम्बरमा भारतमा हुने एकदिवसीय विश्वकप खेल्न पाउनेछन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]