1 year ago
June 27, 2023
काठमाडौं (हाम्रो खेलकुद) – नेपालले जिम्बावेमा जारी आइसिसी विश्वकप छनोटको प्लेअफमा खेलमा युएईसँग खेल्ने भएको छ । युएई समूह चरणको अन्तिम खेलमा आयरल्यान्डसँग १ सय ३८ रनले पराजित भएपछि प्लेअफमा नेपालसँग खेल्ने भएको छ ।
नेपाल समूह ए को चौथो र युएई समूह बी को पुछारमा रहँदै प्लेअफमा भिड्नेछन् । खेल २ जुलाईमा हुनेछ । नेपाल ४ खेलमा ३ मा हार र १ मा जितसहित २ अंकका साथ समूह ए मा चौथो स्थानमा थियो । युएई समूह बी मा चारै खेलका साथ पुछारमा थियो ।
पहिलो प्लेअफमा समूह ए को पुछारमा रहेको अमेरिका र समूह बी मा को चौथो स्थानमा रहेको आयरल्यान्डबीच प्रतिस्पर्धा हुनेछ । आयरल्यान्ड र अमेरिकाबीचको खेल ३० जुनमा हुनेछ । अमेरिका समूह ए मा सबै खेलमा हारका साथ पुछारमा थियो । आयरल्यान्ड ४ खेलमा ३ मा हार र १ मा जितकासाथ २ अंक जोड्दै चौथो स्थानमा थियो ।
यी दुई प्लेअफका विजेता टोलीले सातौं स्थानको लागि ४ जुलाईमा प्रतिस्पर्धा गर्नेछन् । प्लेअफमा पराजित हुने दुई टोलीले नवौं स्थानको लागि ६ जुलाईमा प्रतिस्पर्धा गर्नेछन् ।
जितको लागि ३ सय ५० रनको विशाल विजयी लक्ष्य पछ्याएको युएई ३९ ओभरमा २ सय ११ रनमा अल आउट भयो । युएईका कप्तान मोहम्मद वासिमले ३२ बलमा ६ चौका र २ छक्कासहित सर्वाधिक ४५ रनको योगदान दिए । उनी दुर्भाग्यपूर्ण रन आउट भएका थिए ।
सन्चित शर्मा ५४ बलमा १ चौका र घ छक्कासहित ४४ रनमा आउट भए । बासिल हामिद ५२ बलमा ३ छक्कासहित ३९ रनमा आउट भए । आयरल्यान्डका जोश लिटिल, एन्डी म्याकब्रिनी, जर्ज डोकरेल र कर्टिक क्याम्फरले समान दुई विकेट लिए ।
त्यसअघि बुलावायोमा टस हारेर पहिला ब्याटिङको निम्तो पाएको आयरल्यान्डले निर्धारित ५० ओभरमा ४ विकेट गुमाउँदै ३ सय ४९ रन बनाएको थियो ।
आयरल्यान्डको जितमा ओपनर पल स्टर्लिङले १ सय ३४ बलमा १५ चौका र ८ छक्कासहित १ सय ६२ रनको सानदार शतकीय इनिङ खेले । उनको यो ओडिआई करिअरको १४ औं शतक हो ।
कप्तान एन्डी बालबर्नी ८८ बलमा ५ चौका र १ छक्कासहित ६६ रनमा आउट भए । दोस्रो विकेटका लागि पल स्टर्लिङ र बालबर्नीले १ सय ८४ रनको शतकीय साझेदारी गरेका थिए । ह्यारी टेक्टर ३३ बलमा ४ चौका र २ छक्कासहित ५७ रनमा आउट भए । लोर्कान टकर १९ र जर्ज डोकरेल १५ रनमा नट आउछ रहे । युएईका तीव्र गतिका बलर सन्चित शर्माले ७ ओभरमा ४६ रन खर्चेर सर्वाधिक तीन विकेट लिए ।
समूह ए बाट जिम्बावे शीर्ष, नेदरल्यान्ड्स दोस्रो र वेस्टइन्डिज तेस्रो स्थानमा रहँदै सुपर सिक्समा पुगेका छन् । समुह बी बाट श्रीलंका शीर्ष, स्कटल्यान्ड दोस्रो र ओमान तेस्रो स्थानमा रहँदै सुपर सिक्समा पुगेका छन् । सुपर सिक्सका शीर्ष दुई टोलीले विश्वकप खेल्न पाउनेछन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]