काठमाडौं (हाम्रो खेलकुद) – नेपालले मलेसियामा जारी एसिसी इस्ट जोन कपमा समूह चरणको अन्तिम खेलमा शुक्रबार मलेसियासँग खेल्दैछ । खेल नेपाली समय अनुसार बिहान ७ : १५ मा सुरु हुनेछ । पहिलो खेलमा नेपालले थाईल्यान्डलाई २ सय २५ रनको फराकिलो अन्तरले हराएको थियो ।

नेपाल मलेसियामाथि सहज जितका साथ समूह विजेता बन्दै सेमिफाइनल खेल्न चाहन्छ । नेपालले थाइल्यान्डलाई ४४ रनमै अल आउट गरेको थियो । थाईल्यान्डका ८ खेलाडी शून्यमा आउट भएका थिए । थाइल्यान्डविरुद्ध नेपालले ३५ ओभरमा ८ विकेट गुमाउँदै २ सय ६९ रन बनाएको थियो ।

नेपालका निरज कुमार यादवले ४३ बलमा ७ चौका र ६ छक्कासहित ७४, सूर्यांशु कोइराला ४०, सन्तोष यादव ४२ र नरेन भट्ट ५५ रन बनाएका थिए । नेपाल निरज र सूर्यांशुबाट उत्कृष्ट सुरुवात चाहन्छ । यी दुई ओपनरले पहिलो खेलमा १ सय १० रनको शतकीय साझेदारी गरेका थिए ।

बलिङमा ह्याट्रिकसहित पाँच विकेट लिएका थिए । अशोक धामीले तीन र कप्तान अभिषेक तिवारीले दुई विकेट लिएका थिए । उता मलेसियाले पहिलो खेलमा थाईल्यान्डलाई १ सय १८ रनले पराजित गरेको थियो । २ सय ८ रनको विजयी लक्ष्य पछ्याएको थाईल्यान्ड ९० रनमा अल आउट भएको थियो ।

समूह बी मा हङकङ र सिंगापुर दुबै खेलमा जितका साथ ४–४ अंक जोडेका छन् । हङकङ नेटरनरेटको कारण शीर्ष र सिंगापुर दोस्रो स्थानमा छन् ।

यी दुबै टोली सेमिफाइनलमा पुगेका छन् । समूह विजेता यी दुई देशबीच शुक्रबार हुने खेलले निर्धारण गर्नेछ । उता इन्डानएसिया ३ खेलमा २ मा हार र १ मा जितसहित तेस्रो स्थानमा रहेर बाहिरियो । माल्दिभ्स तीनै खेलमा हारका साथ बाहिरियो ।