1 year ago
July 2, 2023
काठमाडौं (हाम्रो खेलकुद) – नेपालले आइसिसी विश्वकप छनोट अन्तर्गत प्लेअफ खेलमा आज युएईविरुद्ध टस जितेको छ । ४५ मा हरारेमा रहेको ताकाशिंगा स्पोर्ट्स क्लबमा नेपालका कप्तान रोहित पौडेलले टस जितेर पहिला फिल्डिङ गर्ने निर्णय लिएका छन् ।
नेपालले आज टोलीमा तीन परिवर्तन गरेको छ । लामो समयपछि ज्ञानेन्द्र मल्ल टोलीमा फर्किएका छन् । ज्ञानेन्द्र आइसिसी विश्वकप लिग २ मा मार्चमा पपुवा न्युगिनीपछि पहिलो पटक टोलीमा फर्किएका हुन् । नेपालले ज्ञानेन्द्र मल्ल, प्रतिश जि.सी र अर्जुन साउदलाई मौका दिएको छ । नेपालले आसिफ शेख, ललितनारायण राजवंशी र कुशल मल्ललाई बाहिर राखेको छ ।
ज्ञानेन्द्र नेपालका टोलीमा भएका सर्वाधिक अनुभवी खेलाडी हुन् । तेस्रो नम्बरमा भीम सार्कीले राम्रो प्रदर्शन गरेपछि नेपालले ज्ञानेन्द्रलाई बाहिर राख्दै आएको थियो । ज्ञानेन्द्रले आज कुशलसँग ओपनिङ वा तेस्रो नम्बरमा खेल्नेछन् । आसिफ शेखलाई विश्राम दिएको हुँदा उनको स्थानमा अर्जुन साउद वा ज्ञानेन्द्र मल्ल मध्य एकले ओपनिङ गर्ने छन् ।
अर्जुन डिसेम्बरमा स्कटल्यान्डविरुद्ध खेलपछि नेपालको प्लेइङ ११ मा फर्किएका हुन् । उनी आक्रामक ब्याटिङसँगै किपिङका लागि चिनिन्छन् । उनी तल्लोक्रममा पनि त्यतिनै राम्रो ब्याटिङको क्षमता राख्छन् ।
उता प्रतिश जि.सी बायाँ हाते तीव्र गतिका बलर हुन् । नेपालबाट दुई ओडिआई खेल खेलेका प्रतिश आइसिसी विश्वकप लिग २ मा युएईविरुद्ध दुबई इन्टरनेशल मैदानमा खेलपछि टोलीमा पहिलो पटक फर्किएका हुन् । उनी तल्लोक्रममा राम्रो ब्याटिङ समेत गर्दछन् । नेपालले स्पिनर ललितनारायण राजवंशीको स्थानमा प्रतिशलाई मौका दिएको हो ।
नेपाल विश्वकप दौडबाट बाहिरि सकेको हुँदा यो सातौं स्थानको लागि प्रतिस्पर्धा हुँदैछ । नेपाल विजयी भएमा सातौं स्थानको लागि आयरल्यान्ड र पराजित भएमा नवौं स्थानको लागि अमेरिकासँग खेल्नेछ । नेपाल प्रतियोगिताबाट बाहिरि सकेको हुँदा टोलीमा परिवर्तन गर्ने निर्णय लिएको हो । यो खेल प्रतिष्ठाको लडाई हुँदा नेपालले लगातार बेन्चमा रहेका खेलाडीलाई मौका दिएको हो ।
नेपालको प्लेइङ ११ :
कुशल भुर्तेल, ज्ञानेन्द्र मल्ल, रोहित पौडेल (कप्तान), आरिफ शेख, दीपेन्द्रसिंह ऐरी, गुलशन झा, करण केसी, सन्दीप लामिछाने, भीम सार्की, प्रतिश जि।सी र अर्जुन साउद ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]