default_image

8 months ago

July 2, 2023

जिम्बावेलाई हराउँदै श्रीलंका विश्वकपमा

एजेन्सी – श्रीलंकाले आइसिसी विश्वकप छनोटको सुपर सिक्स खेलमा घरेलु टोली जिम्बावेलाई ९ विकेटले हराउँदै एक खेल अगावै विश्वकपमा पुगेको छ । सुपर सिक्समा आठ अंक भएपछि श्रीलंकाले यसै वर्ष अन्तिममा भारतमा हुने एकदिवसीय विश्वकप खेल्ने पक्का भएको हो । जितको लागि १ सय ६६ रनको मध्यम विजयी लक्ष्य श्रीलंकाले ३३.१ ओभरमा १ विकेट गुमाउँदै […]

118 views

0 Bookmark

एजेन्सी – श्रीलंकाले आइसिसी विश्वकप छनोटको सुपर सिक्स खेलमा घरेलु टोली जिम्बावेलाई ९ विकेटले हराउँदै एक खेल अगावै विश्वकपमा पुगेको छ । सुपर सिक्समा आठ अंक भएपछि श्रीलंकाले यसै वर्ष अन्तिममा भारतमा हुने एकदिवसीय विश्वकप खेल्ने पक्का भएको हो ।

जितको लागि १ सय ६६ रनको मध्यम विजयी लक्ष्य श्रीलंकाले ३३.१ ओभरमा १ विकेट गुमाउँदै पूरा गर्यो । श्रीलंकाका जितमा पाथुम निसांकाले १ सय २ बलमा १४ चौकासहित १ सय १ रनको सानदार शतकीय इनिङ खेले । टिमलाई जितको लागि दुई रन चाहिँदा जिम्बावेका स्पिनर वेलिंग्टन मसाकाड्जाले पहिलो बल वाइड फ्याँलेका थिए ।

तर दोस्रो बलमा चौका हान्दै निसांकाले आफ्नो शतक पूरा गर्नुको साथै खेल सकाएका थिए । उक्त वाइड फँ्याल्दा उनलाई शतक बनाउन तीन रन चाहिँएको थियो । दिमुथ करुणारत्ने ५६ बलमा २ चौकासहित ३० रनमा आउट भए । पहिलो विकेटका लागि दिमुथर पाथुम निसांकाले १ सय ३ रनको शतकीय साझेदारी गर्दै सहज जित पक्का गराएका थिए ।

त्यसअघि क्विन्स स्पोर्ट्स क्लबम टस हारेर पहिला ब्याटिङको निम्तो पाएको जिम्बावे ३२.२ ओभरमा १ सय ६५ रनमा अल आउट भएको थियो । जिम्बावेका अनुभवी ब्याटर सन विलियम्सले ५७ बलमा ६ चौका र १ छक्कासहित सर्वाधिक ५६ रन बनाए । तर त्यो रन जितको लागि पर्याप्त हुन सकेन ।

सिकन्दर राजा ५१ बलमा ३ चौका र १ छक्कासहित ३१, रायन बर्ल १६ र क्रेग इर्विन १४ रनमा आउट भए । जिम्बावेका कुनैपनि ब्याटरले राम्रो प्रदर्शन गर्न सकेनन् । श्रीलंकाको उत्कृष्ट बलिङसामु प्रमुख ब्याटर चल्न नसकेपछि सस्तैमा अल आउट भएको हो ।

बायाँ हाते तीव्र गतिका बलर दिलशान मदुशानकाले श्रीलंकालाई ड्रिम सुरुवात दिलाएका थिए । दीलशानले ओपनर जयलोर्ड गुम्बेले शून्यमा क्याच गराउँदै पेभेलिएनको बाटो देखाएका थिए ।

उनले नै कप्तान इर्विनलाई कुशल मेन्डिसबाट पेभेलिएन फर्काएका थिए । दिलशानकै बलमा युवा ब्याटर वेस्ली वेल्सी मधेभेरे दाशुन शानकाबाट १ रनमा क्याच आउट भएपछि ३०-३ को अवस्थामा पुगेको थियो । चौथो विकेटका लागि सिकन्दर राजा र सन विलियम्सले ६८ रनको साझेदारी गर्दै खेलमा फर्काएका थिए । तर राजा शानकाको बलमा मदुशानकाबाट क्याच भएपछि लगातार विकेट गुमाएको थियो ।

श्रीलंकाकाको जितमा स्पिनर महेश थिक्सेनाले ८.२ ओभरमा २५ रन खर्चेर सर्वाधिक ४ विकेट लिए । दिलशान मदुशानकाले ५ ओभरमा १५ रन खर्चेर ३ विकेट लिए । पथिसा पाथिरानाले दुई र दाशुन शानकाले समान एक विकेट लिए ।

श्रीलंका सुपर सिक्समा ४ खेलमा ८ अंकका साथ शीर्ष स्थानमा रहँदै आगमी अक्टोबर नोभेम्बरमा भारतमा हुने एकदिवसीय विश्वकपमा आफ्नो स्थान पक्का गरेको हो । श्रीलंकाले आफ्नो अन्तिम खेल शुक्रबार वेस्टइन्डिजसँग खेल्नेछ । उक्त खेलमा पराजित भएपनि अन्तिम दुईमा रहेर श्रीलंका विश्वकप खेल्ने पक्का भएको हो ।

जिम्बावे ४ खेलमा ३ मा जित र १ मा हारसहित ६ अंकका साथ दोस्रो स्थानमा छ । जिम्बावेले अन्तिम खेलमा मंगलबार स्कटल्यान्डसँग खेल्नेछ । उक्त खेलमा जिम्बावे विजयी भएमा विश्वकपमा पुग्नेछ ।

स्कटल्यान्ड स्कटल्यान्ड ३ खेलमा २ मा जित र १ मा हारसहित ४ अंकका साथ तेस्रो स्थानमा छ । स्कटल्यान्डले अव मंगलबार जिम्बावे र विहीबार नेदरल्यान्ड्ससँग खेल्नेछ ।

यी दुबै खेलमा विजयी भएमा स्कटल्यान्ड विश्वकपमा पुग्नेछ । वेस्टइन्डिज र ओमान जित विहीन हुँदै विश्वकप दौडबाट बाहिरिएका छन् । नेदरल्यान्ड्स भने ३ खेलमा १ मा जित र २ मा हारसहित २ अंकका साथ चौथो स्थानमा छ । नेदरल्यान्ड्सको विश्वकप सम्भावना अंक गणीतिय मात्रै बाँकी छ ।

February 27, 2024

पुछारका दुवै ब्याटरको सानदार शतक

एजेन्सी – भारतको शीर्ष श्रेणी क्रिकेट प्रतियोगिता रणजी ट्रफी अन्तर्गत मुम्बईबाट पुछारका दुई ब्याटरले शतक बनाएका छन् । नेपालले अर्को महिना मैत्रीपूर्ण सिरिज खेल्न लागेको बरोडाविरुद्ध दुर्लभ उपलब्धि हासिल गरेका हुन् । मंगलबार सम्पन्न दोस्रो क्वाटरफाइनल अन्तर्गत बरोडाविरुद्ध खेलको पाँचौ दिन दशौं नम्बरमा ब्याटिङ गरेका तनुश कोटिया र एघारौं नम्बरमा आएका तुषार देशपाण्डेले शतक प्रहार […]

February 27, 2024

दुर्गेशको शतकमा भोटेचौरको लगातार जित

काठमाडौं (हाम्रो खेलकुद) – ओपनर दुर्गेश थापाको नटआउट शतकमा भोटेचौर स्पोर्ट्स क्लबले पाँचपोखरी जिल्लास्तरीय टि२० क्रिकेट प्रतियोगितामा लगातार दोस्रो जित हासिल गरेको छ । यस्तै दिनको अर्को खेलमा इन्द्रावती गाउँपालिकाले पनि पहिलो जित दर्ता गर्यो । मुलपानी क्रिकेट मैदानमा भोटेचौरले टस जितेर पाँचपोखरी हिमालयन क्रिकेट क्लबलाई ब्याटिङको निम्तो दिएको थियो । हिमालयनले निर्धारित २० ओभर […]

February 27, 2024

नेपाल नामिबियासँग टि२०आईमा पनि पराजित

काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीले त्रिकोणात्मक टि२०आई सिरिजको पहिलो खेलमा नामिबियासँग २० रनको हार बेहोरेको छ । यसअघि लिग-२ अन्तर्गत दुवै ओडीआईमा हार बेहोरेको नेपाल नामिबियासँग लगातार तेस्रो खेलमा पराजित भएको हो । नामिबियाले प्रस्तुत गरेको २ सय ७ रनको विशाल लक्ष्य पछ्याउने क्रममा नेपालले १८.५ ओभरमा अलआउट हुँदै १ सय […]

Success

Thank you for your time.