काठमाडौं (हाम्रो खेलकुद) – नेपालले आइसिसी विश्वकप छनोटको अन्तिम खेल टेस्ट टोली आयरल्यान्डसँग खेल्ने भएको छ । नेपालले सातौं स्थानको लागि भएको सेमिफाइनल खेलमा युएईलाई तीन विकेटले हराउँदै आयरल्यान्डसँग भेट पक्का गरेको हो ।

नेपाल र आयरल्यान्डबीचको खेल मंगलबार हुनेछ । सातौं स्थानको लागि नेपालले आयरल्यान्डसँग खेल्नेछन् । प्लेअफ सेमिफाइनमा अमेरिकालाई हराउँदै आयरल्यान्डले सातौं स्थानको लागि आफ्नो स्थान पक्का गरि सकेको छ ।

नेपाल समूह ए बाट ४ खेलमा ३ मा हार र १ मा जित सहित चौथो स्थानमा रहेर बाहिरिएको थियो । नेपालले अमेरिकालाई ६ विकेटले हराएको थियो । जिम्बावेसँग ८ विकेट, वेस्टइन्डिजसँग १ सय १ र नेदरल्यान्ड्ससँग ७ विकेटले पराजित भएपछि सुपर सिक्समा पुग्न सकेको थिएन ।

उता आयरल्यान्ड पनि ४ खेलमा ३ मा हार र १ मा जितससहित चौथो स्थानमा रहेर समूह बी बाट बाहिरिएको थियो । नेपालले ओडिआईमा आयरल्यान्डसँग पहिलो पटक खेल्ने छ । आयरल्यान्ड समूह चरणमा ओमानसँग पाँच विकेट, स्कटल्यान्डसँग एक विकेट, श्रीलंकासँग १ सय ३३ रनले पराजित भएको थियो ।

आयरल्यान्डले युएईलाई १ सय ३८ रनले हराएको थियो । आयरल्यान्डले प्लेअफ खेलमा अमेरिकालाई ६ विकेटले हराएको थियो । जितको लागि १ सय ८२ रनको विजयी लक्ष्य पछ्याएको नेपालले एक समय ६३-६ को अवस्थाबाट खेलमा पूनरागमन गर्दै ४३.२ ओभरमा ७ विकेट गुमाउँदै पूरा गर्यो । नेपालको जितमा दीपेन्द्रले ७९ रनको एक यादगार इनिङ खेले ।

उक्त पूरा समाचार यहाँ पढ्नुहोस् : दीपेन्द्रको उत्कृष्ट ब्याटिङमा नेपालले युएईलाई हरायो