default_image

8 months ago

July 4, 2023

आयरल्यान्डलाई स्तब्ध पार्ने सोचमा नेपाल

काठमाडौं (हाम्रो खेलकुद) – नेपालले आइसिसी विश्वकप छनोटको सातौं स्थानको लागि आज टेस्ट टोली आयरल्यान्डविरुद्ध खेल्दैछ । खेल नेपाली समय अनुसार दिउँसो १२: ४५ मा ताकाशिंगा स्पोर्ट्स क्लब हरारेमा सुरु हुनेछ । यस खेलको विजेता सातौं र पराजित हुने टोली आठौं स्थानमा रहेर विश्वकप छनोट अन्त्य गर्नेछन् । नेपालले ओडिआईमा आयरल्यान्डसँग पहिलो पटक खेल्न लागेको […]

137 views

0 Bookmark

काठमाडौं (हाम्रो खेलकुद) – नेपालले आइसिसी विश्वकप छनोटको सातौं स्थानको लागि आज टेस्ट टोली आयरल्यान्डविरुद्ध खेल्दैछ । खेल नेपाली समय अनुसार दिउँसो १२: ४५ मा ताकाशिंगा स्पोर्ट्स क्लब हरारेमा सुरु हुनेछ ।

यस खेलको विजेता सातौं र पराजित हुने टोली आठौं स्थानमा रहेर विश्वकप छनोट अन्त्य गर्नेछन् । नेपालले ओडिआईमा आयरल्यान्डसँग पहिलो पटक खेल्न लागेको हो । नेपाल पहिलो भेटमै सानदार प्रदर्शनमा साथ आयरल्यान्डलाई स्तब्ध पार्न चाहन्छ ।

उता सुपर सिक्समा पुग्न नसकेको आयरल्यान्ड नेपालमाथि सहज जित निकाल्ने सोचमा हुनेछ । समूह चरणमा आयरल्यान्डलाई ओमान र स्कटल्यान्डले हराएको हुँदा नेपालको पनि मनोबल उच्च छ । नेपालले हालसम्म कुनैपनि खेलमा टेस्ट टोलीलाई हराएको छैन । नेपाल त्यो इतिहास लेखाउन हरप्रयास गर्नेछ ।

नेपालको रोहित पौडेल र आयरल्यान्डको एन्डी बालबर्नीले कप्तानी गर्नेछन् । नेपालले युएईविरुद्ध आसिफ शेख, कुशल मल्ल र ललित नारायण राजवंशीलाई विश्राम दिएको थियो । आजको खेलमा नेपालले अर्जुन साउदलाई बेन्चमा राख्दै आसिफ शेखलाई टोलीमा फर्काउन सक्छ । ज्ञानेन्द्र मल्ललाई भने नेपालले निरन्तरता दिने सम्भावना छ । अनुभवी खेलाडी हुँदा टेस्ट टोलीविरुद्ध निरन्रता दिनसक्छ ।

प्रतिश जि.सीको ठाउँमा नेपालले किशोर महतोलाई मौका दिनसक्ने सम्भावना छ । किशोर तीव्र गतिका बलर हुन् । उनी डेथ ओभरमा राम्रो प्रदर्शन गर्ने गर्दछन् । नेपालको टोलीमा अन्य परिवर्तन गर्ने सम्भावना छैन । युएईविरुद्ध एक समय ६३-६ को अवस्थाबाट ७९ रनको इनिङ खेल्दै जित दिलाएका दीपेन्द्रसिंह ऐरीबाट नेपाल ठूलो अपेक्षा गर्दछ ।

नेपालका सबै ब्याटरले विश्वकप छनोटमा सर्ट बल र बाउन्सरमा संघर्ष गरेका छन् । आयरल्यान्डले सर्ट बलको प्रयास गर्न सक्छ । मार्क आदिर, क्रेग योंग र ब्यारी म्याकार्थी आयरल्यान्डका प्रमुख तीव्र गतिका बलर हुन् । यी तीन बलरबाट सर्ट बलमा नेपाली ब्याटर जोगिन सके राम्रो योगफल बनाउन सक्छन् ।

कुशल भुर्तेल, रोहित पौडेल र आरिफ शेख नेपालका प्रमुख ब्याटर हुन् । रोहितले विश्वकप छनोटमा अपेक्षा अनुसार प्रदर्शन गर्न सकेका छैनन् । लगातार सर्ट बलमा आउट हुँदै आएका छन् । सर्ट बलमा रोहितले धेरै मिहिनेत गर्नुपर्ने हुन्छ ।

स्पिनर सन्दीप लामिछाने नेपालका प्रमुख बलर हुन् । उनीबाट ठूलो टोलीविरुद्ध नेपाल उत्कृष्ट प्रदर्शन चाहन्छ । तीव्र गतिका बलरमा करण केसीले नयाँ बलका साथ उच्च प्रदर्शन गर्दै आएका छन् । करणलाई गुलशन झा र सम्भव त किशोर महतोले साथ दिनेछन् । पार्टटाइममा दीपेन्द्र स्पिनरको रुपमा हुनेछन् ।

उता आयरल्यान्डका ओपनर पल स्टरर्लिङ प्रमुख हतियार हुन् । उनको विकेट निकै महत्वपूर्ण हुनेछ । उनी टिकेको खण्डमा भने एक्लै खेल जिताउन सक्छन् । उनी विष्फोटक ब्याटर हुन् । कप्तान एन्डी बालबर्नीले यस प्रतियोगितामा राम्रो खेल्न सकेका छैनन् । उनीलाई पनि राम्रो प्रदर्शनको दबाब छ ।

युवा ब्याटर ह्यारी टेक्टरको प्रदर्शन आयरल्यान्डलाई महत्वपूर्ण हुनेछ । मध्यक्रमका खम्बा उनीबाट आयरल्यान्ड ठूलो इनिङ चाहन्छ । जर्ज डोकरेल र कर्टिस क्याम्फर भने राम्रो लयमा छन् ।

नेपाल समूह ए बाट ४ खेलमा ३ मा हार र १ मा जित सहित चौथो स्थानमा रहेर बाहिरिएको थियो । नेपालले अमेरिकालाई ६ विकेटले हराएको थियो । जिम्बावेसँग ८ विकेट, वेस्टइन्डिजसँग १ सय १ र नेदरल्यान्ड्ससँग ७ विकेटले पराजित भएपछि सुपर सिक्समा पुग्न सकेको थिएन ।

उता आयरल्यान्ड पनि ४ खेलमा ३ मा हार र १ मा जितससहित चौथो स्थानमा रहेर समूह बी बाट बाहिरिएको थियो । आयरल्यान्ड समूह चरणमा ओमानसँग पाँच विकेट, स्कटल्यान्डसँग एक विकेट र श्रीलंकासँग १ सय ३३ रनले पराजित भएको थियो ।

आयरल्यान्डले युएईलाई १ सय ३८ रनले हराएको थियो । आयरल्यान्डले प्लेअफ खेलमा अमेरिकालाई ६ विकेटले हराएको थियो । नेपालले टि२० आईमा आयरल्यान्डसँग तीन खेल खेलेको छ । तीनै खेलमा नेपाल हार्न पुगेको छ ।

नेपालको टोली :

कुशल भुर्तेल, आसिफ शेख (विकेटकिपर), ज्ञानेन्द्र मल्ल, रोहित पौडेल (कप्तान), कुशल मल्ल, आरिफ शेख, दीपेन्द्रसिंह ऐरी, गुलशन झा, करण केसी, सन्दीप लामिछाने, भीम सार्की, प्रतिश जि।सी, ललित राजवंशी, अर्जुन साउद र किशोर महतो ।

१० आयरल्यान्डको टोली :

एन्ड्रयू बालबिर्नी (कप्तान), मार्क आदिर, कर्टिस क्याम्फर, ग्यारेथ डेलानी, जर्ज डोकरेल, ग्राहम ह्यूम, जोश लिटिल, एन्डी म्याकबर्नी, ब्यारी म्याककार्थी, पिटर मुर, पल स्टर्लिङ, ह्यारी टेक्टर, लोर्कान टर्कर, बेन ह्वाइट र क्रेग योंग ।

February 27, 2024

पुछारका दुवै ब्याटरको सानदार शतक

एजेन्सी – भारतको शीर्ष श्रेणी क्रिकेट प्रतियोगिता रणजी ट्रफी अन्तर्गत मुम्बईबाट पुछारका दुई ब्याटरले शतक बनाएका छन् । नेपालले अर्को महिना मैत्रीपूर्ण सिरिज खेल्न लागेको बरोडाविरुद्ध दुर्लभ उपलब्धि हासिल गरेका हुन् । मंगलबार सम्पन्न दोस्रो क्वाटरफाइनल अन्तर्गत बरोडाविरुद्ध खेलको पाँचौ दिन दशौं नम्बरमा ब्याटिङ गरेका तनुश कोटिया र एघारौं नम्बरमा आएका तुषार देशपाण्डेले शतक प्रहार […]

February 27, 2024

दुर्गेशको शतकमा भोटेचौरको लगातार जित

काठमाडौं (हाम्रो खेलकुद) – ओपनर दुर्गेश थापाको नटआउट शतकमा भोटेचौर स्पोर्ट्स क्लबले पाँचपोखरी जिल्लास्तरीय टि२० क्रिकेट प्रतियोगितामा लगातार दोस्रो जित हासिल गरेको छ । यस्तै दिनको अर्को खेलमा इन्द्रावती गाउँपालिकाले पनि पहिलो जित दर्ता गर्यो । मुलपानी क्रिकेट मैदानमा भोटेचौरले टस जितेर पाँचपोखरी हिमालयन क्रिकेट क्लबलाई ब्याटिङको निम्तो दिएको थियो । हिमालयनले निर्धारित २० ओभर […]

February 27, 2024

नेपाल नामिबियासँग टि२०आईमा पनि पराजित

काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीले त्रिकोणात्मक टि२०आई सिरिजको पहिलो खेलमा नामिबियासँग २० रनको हार बेहोरेको छ । यसअघि लिग-२ अन्तर्गत दुवै ओडीआईमा हार बेहोरेको नेपाल नामिबियासँग लगातार तेस्रो खेलमा पराजित भएको हो । नामिबियाले प्रस्तुत गरेको २ सय ७ रनको विशाल लक्ष्य पछ्याउने क्रममा नेपालले १८.५ ओभरमा अलआउट हुँदै १ सय […]

Success

Thank you for your time.