default_image

8 months ago

July 4, 2023

स्कटल्यान्डसँग स्तब्ध हुँदा जिम्बावेको विश्वकप सपना समाप्त

जिम्बावे एजेन्सी – घरेलु टोली जिम्बावे आइसिसी विश्वकप छनोट २०२३ को सुपर सिक्स खेलमा स्कटल्यान्डसँग ३१ रनले स्तब्ध भएको छ । यो हारसँगै जिम्बावेको आगमी अक्टोबर नोभेम्बरमा भारतमा हुने विश्वकप खेल्ने सम्भावना समाप्त भएको छ । जितको लागि २ सय ३५ रनको विजयी लक्ष्य पछ्याएको जिम्बावे ४१.१ ओभरमा २ सय ३ रनमा अल आउट भयो […]

231 views

0 Bookmark

जिम्बावे एजेन्सी – घरेलु टोली जिम्बावे आइसिसी विश्वकप छनोट २०२३ को सुपर सिक्स खेलमा स्कटल्यान्डसँग ३१ रनले स्तब्ध भएको छ । यो हारसँगै जिम्बावेको आगमी अक्टोबर नोभेम्बरमा भारतमा हुने विश्वकप खेल्ने सम्भावना समाप्त भएको छ ।

जितको लागि २ सय ३५ रनको विजयी लक्ष्य पछ्याएको जिम्बावे ४१.१ ओभरमा २ सय ३ रनमा अल आउट भयो । जिम्बावेका रायन ८४ बलमा ८ चौका र १ छक्कासहित सर्वाधिक ८३ रनमा आउट भए । तर त्यो जितको लागि पर्याप्त हुन सकेन ।

हातमा दुई विकेट हुँदा टिमलाई जितको लागि ११.३ ओभरमा ३८ रन चाहिँदा बर्ल क्याच आउट भएका थिए । स्पिनर माइकल लिस्कको बलमा ठूलो सट खेल्ने चक्करमा आउट भएपछि जितको सम्भावना समाप्त भएको थियो । बर्ल बलमा चौका र छक्कासहित सर्वाधिक रनमा अविजित रहे ।

त्यस्तै वेस्ली मधेभेर ३९ बलमा ३ चौका र १ छक्कासहित ४० रनमा आउट भए । जिम्बावे एक समय ३७-४ को दयनीय अवस्थामा थियो । पाँचौं विकेटका लागि सिकन्दर राजा र बर्लले ५४ रनको महत्वपूर्ण साझेदारी गरे । राजा स्पिनर क्रिस ग्रेभ्सको बलमा ठूलो सटको धुनमा ३४ रनमा आउट भए । राजाले ४० बलमा २ चौका र १ छक्का प्रहार गरे ।

छैटौं विकेटका लागि बर्लले वेस्लीसँग मिलेर मिलेर ७३ रनको महत्वपूर्ण साझेदारी गरेका थिए । वेस्ली स्पिनर मार्क वाटको बलमा एलबीडब्लू आउट भए । स्कटल्यान्डका तीव्र गतिका बलर क्रिस सोलले क्रेग इर्विनलाई २ र सन विलियम्सलाई १२ रनमा बोल्ड गरेपछि समस्यामा पारेका थिए ।

स्कटल्यान्डका क्रिस सोलले ७ ओभरमा ३३ रन खर्चेर ३ विकेट लिए । ब्रेन्डन म्याकमुलेन र माइकल लिस्कले समान दुई विकेट लिए ।

त्यसअघि क्विन्स स्पोर्ट्स क्लबमा टस हारेर पहिला ब्याटिङको निम्तो पाएको स्कटल्यान्डले ५० ओभरमा ८ विकेट गुमाउँदै २ सय ३४ रन बनायो । स्कटल्यान्डका माइकल लिस्क ३४ बलमा ३ चौका र २ छक्कासहित सर्वाधिक ४८ रन बनाए । मार्क वाट १५ बलमा ३ चौकासहित २१ रनमा नट आउट रहे ।

स्कटल्यान्डले सुरुवात भने उत्कृष्ट गरेको थियो । एक समय स्कटल्यान्ड १०२-१ को अवस्थामा थियो । ओपनर क्रिस म्याकब्रिड र म्याथ्यु क्रसले पहिलो विकेटका लागि १६.१ ओभरमा ५६ रनको साझेदारी गरेका थिए । म्याकब्रिड ४५ बलमा २ चौकासहित २८ तथा क्रस ७५ बलमा २ चौकासहित ३८ रनमा आउट भए ।

ब्रेन्डन म्याकमुलेन ३४ बलमा ६ चौकासहित ३४, जर्ज मुन्शे ३१, रिची बेरिंग्टन ७ र टम मार्किन्टस १३ रनमा आउट भए । जिम्बावेका सन विलियम्सले १० ओभरमा १ मेडनसहित ४१ रन खर्चेर ३ विकेट लिए । टेन्डाई चतराले ७ ओभरमा ४६ रन खर्चेर २ विकेट लिए ।

जिम्बावे ५ खेलमा ३ मा जित र २ मा हारका साथ ६ अंकका साथ तेस्रो स्थानमा छ । जिम्बावेको नेटनरेट माइनस ०.०९९ छ । उता स्कटल्यान्ड ४ खेलमा ३ मा जित र १ मा हारसहित ६ अंकका साथ दोस्रो स्थानमा छ । नेदरल्यान्ड्स ४ खेलमा २ मा जित र २ मा हारसहित ४ अंकका साथ चौथो स्थानमा छ ।

नेदरल्यान्ड्सको नेटरनरेट माइनस ०.०४२ र स्कटल्यान्डको ०.२६९ छ । बिहीबार नेदरल्यान्ड् र स्कटल्यान्डबीच प्रतिस्पर्धा हुनेछ । उक्त खेलमा स्कटल्यान्ड विजयी हुँदा सोझै विश्वकपमा पुग्नेछ । यदि स्कटल्यान्ड पराजित भएमा नेटनरेटमा माथि रहने टोली विश्वकपमा पुग्नेछ । नेदरल्यान्ड्स र स्कटल्यान्ड मध्य एक टोली विश्वकपमा पुग्नेछन् ।

February 23, 2024

अष्ट्रेलियाद्वारा न्यूजिल्याण्डविरुद्ध टि-२० सिरिज कब्जा

एजेन्सी – न्यूजिल्याण्डमा जारी अष्ट्रेलिया र घरेलु टोलीको बीचको तीन खेलको टि-२० शृंखला पाहुना टोलीले कब्जा गरेको छ । अष्ट्रेलियाले एक खेलमा बाँकी रहँदै शृंखला २-० ले कब्जा गरेको हो । पहिलो खेलमा ६ विकेटको रोमाञ्चक जित निकालेको अष्ट्रेलियाले दोस्रो खेलमा आज ७२ रनको फराकिलो जित दर्ता गर्दै शृंखला जितेको हो । १७५ रनको लक्ष्य […]

February 23, 2024

भारतविरुद्धको चौथो टेस्टमा रुटको शतक

एजेन्सी – भारतविरुद्धको चौथो टेस्टमा पहिलो दिन इङ्ल्यान्ड जो रुटले शतक पूरा गरेका छन् । टस जितेर पहिले ब्याटिङ रोजेको इङ्ल्यान्डले ७ विरुटले नटआउट १ सय ६ रन बनाएका छन् । ३१ रनमा नटआउट रहँदै ओली रविन्सनले रुटलाई साथ दिइरहेका छन् । टेस्ट क्रिकेटमा रुटको ३१ औं शतक हो । बेन फोक्सले ४७, जोनी ब्रेन्सकेटको […]

February 23, 2024

नामिबियाले नेदरल्यान्ड्सलाई हरायो

काठमाडौं (हाम्रो खेलकुद) – आइसीसी क्रिकेट विश्वका लिग-२ अन्तर्गत त्रिकोणात्मक सिरिज अन्तर्गतको खेलमा नामिबियाले नेदरल्यान्ड्सलाई २४ रनले पराजित गरेको छ । टियु क्रिकेट मैदानमा मैदान भिजेको कारण ४५ ओभरमा घटाइएको खेलमा नेदरल्यान्ड्सले जितको लागि २ सय ४ रन पछ्याएपनि लक्ष्य पूरा गर्न सकेन । नेदरल्यान्ड्स ४३.५ ओभरमा १ सय ७९ रनमा अलआउट भएको थियो । […]

Success

Thank you for your time.