1 year ago
July 7, 2023
एजेन्सी – तीव्र गतिका बलर मार्क वुडको गति सामु सम्हाल्लिन नसक्दा अष्ट्रेलिया विश्वको चर्चित एशेज सिरिजको तेस्रो खेलको पहिलो इनिङमा सस्तैमा आउट भएको छ । लिड्समा टस हारेर पहिला ब्याटिङको निम्तो पाएको अष्ट्रेलिया पहिलो इनिङमा २ सय ६३ रनमा अल आउट भयो ।
टोलीमा लामो समयपछि पूनरागमन गरेका मिचेल मार्शले १ सय १८ बलमा १७ चौका र ४ छक्कासहित १ सय १८ रनको सानदार शतकीय इनिङ खेले । तर उनी बाहेक अन्य कुनैपनि अष्ट्रेलियन ब्याटरले राम्रो ब्याटिङ गर्न सकेनन् ।
ट्रविस हेड ७४ बलमा ५ चौकासहित ३९ रनमा आउट भए । एक समय अष्ट्रेलिया ८५–४ को दयनीय अवस्थामा पुगेको थियो । तर पाँचौं विकेटका लागि मिचेल मार्श र हेडले १ सय ५५ रनको साझेदारी गरेपछि खेलमा फर्किएको थियो ।
मार्श क्रिस वोक्सको बलमा ज्याक क्रलीबाट आउट भए । एक समय ५२ ओभरमा २४०-४ को मजबुत अवस्थामा भएको अष्ट्रेलिया वुडको गतिमा उड्दा नाटकीय रुपमा विकेट गुमाएको थियो । अन्तिम २३ रन जोड्दा अष्ट्रेलियाले ६ विकेट गुमाएको थियो । अन्तिम ६ मध्य ४ विकेट मार्क वुडले लिएका थिए ।
मार्क वुडको प्रतिघण्टा १ सय ५६ किलोमिटरको गतिमा बलिङ गरेका थिए । उनको गतिको चाल नपाउँदा अष्ट्रेलियाले नाटकीय रुपमा विकेट उडाउन पुग्यो । वुडले एलेक्स केरीलाई ८ रनमा क्याच गराए । प्याट कमिन्सलाई शून्यमा एलबीडब्लू आउट गर्दा मिचेल स्टार्कलाई २ र टोड मर्फीलाई १३ रनमा बोल्ड गरेका थिए ।
इंग्ल्यान्डको टोलीमा पूनरागमन गरेका मार्क वुडले ११.४ ओभरमा ४ मेडनसहित ३४ रन खर्चेर ५ विकेट लिए । क्रिस वोक्सले तीन र स्टुअर्ट ब्रोडले दुई विकेट लिए ।
इंग्ल्यान्ड १९ ओभरमा ६८–३ को अवस्थामा पहिलो दिनको खेल सकिएको छ । इंग्ल्यान्ड पहिलो इनिङमा १ सय ९५ रनले पछिछ । जो रुट १९ र जोनी बेयरस्टो १ रनमा क्रिजमा छन् ।
ओपनर ज्याक क्रली ३३, बेन डकेट २ र ह्यारी ब्रुक ३ रनमा आउट भए । पाँच खेलको सिरिजमा अष्ट्रेलिया २-० ले अघि छ । एशेज सिरिज जित्न घरेलु टोली इंग्ल्यान्डलाई बाँकी तीनै खेल जित्नुपर्ने दबाब छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]