एजेन्सी – पाकिस्तानका दुई युवा तीव्र गतिका बलर मोहम्मद वासिम जुनियर र शाहबाज दाहानीको गति सामु एसिसी इमर्जिङ टिम्स एसिया कपमा नेपालको शीर्षक्रम धरासयी बनेको छ ।

कोलोम्बो क्रिकेट क्लब ग्राउन्डमा टस जितेर पहिला ब्याटिङ रोजेको नेपालले ८ ओभरमा ५ विकेट गुमाउँदै ३७ रन बनाएको छ । नेपालका कुशल मल्ल र भीम सार्की क्रिजमा छन् । तीव्र गतिका बलर शाहबाज दाहानीले दोस्रो ओभरको पाँचौं बलमा ओपनर कुशल भुर्तेललाई एक रनमा बोल्ड गरे ।

पाकिस्तान ए लाई सिनियर टोलीका दोस्रो रोजाई बलर मोहम्मद वासिम जुयिनर र दाहानीले सुरुवात गरेका थिए । यी दुबै बलरले पाकिस्तानबाट खेल्दै आएका छन् । प्रमुख बलर घाइते भएमा मौका पाउने गर्दछन् ।

दाहानीकै चौथो ओभरको अन्तिम बाउन्सर बलमा एज लागेर क्याच आउट हुन पुगे । आसिफले १२ बलमा ३ चौका प्रहार गरे । पहिलो ओभरमै आसिफले पाकिस्तानका जुनियरलाई तीन चौका हानेका थिए ।

जुनियरको पाँचौं ओभरको पाँचौं बलमा रोहित पौडेल लेग साइडको बलमा एज लागेर विकेटकिपर मोहम्मद हरिसबाट क्याच आउट भए । रोहितले ४ बलमा १ चौकासहित ४ रन बनाए ।

जुनियरले भीम सार्कीलाई शून्यमा बोल्ड आउट गरे । जुनियरको बाउन्सर बलमा अर्जुन साउद स्क्वायर लेगमा १७ रनमा क्याच आउट भए । अर्जुनले २० बलमा २ चौका र १ छक्का प्रहार गरे ।

दाहानी र जुनियर दुबै पाकिस्तानको टोलीबाट खेल्दै आएका छन् । नियमित पाकिस्तानको टोलीमा रहेपनि कम मौका पाउदै आएका छन् । शाहिन शाह अफ्रिदी, हरिस रौफ र नसिम शाह मध्य कुनै खेलाडी खेल्न नसक्ने भएमा त्यसपछि जुनियर र दाहानी खेल्ने गर्दछन् ।

सिनियर टोलीबाट खेलेका तीव्र गतिका बलर जुनियरलाई नेपालले पहिलो ओभरमै तीन चौका हानेपनि त्यसपछि भने लगातार विकेट गुमाएको छ ।

नेपालको प्लेइङ ११ :

रोहित पौडेल (कप्तान, आसिफ शेख, सोमपाल कामी, कुशल भुर्तेल, ललित राजवंशी, भीम सार्की, कुशल मल्ल, प्रतिश जिसी, गुलशन झा, अर्जुन साउद र पवन सरार्फ ।