1 year ago
July 15, 2023
काठमाडौं (हाम्रो खेलकुद) – बायाँ हाते युवा ब्याटर यशस्वी जैसवालको सानदार शतक र रविचन्द्रन आश्विनको घातक बलिङको सहयोगमा भारतले पहिलो टेस्ट खेलमा वेस्टइन्डिजलाई १ सय ४१ रनको इनिङ अन्तरले पराजित गरेको छ । योसँगै दुई टेस्ट खेलको सिरिजमा भारतले १-० को अग्रता लिएको छ ।
दोस्रो इनिङमा वेस्टइन्डि मात्रै १ सय ३० रनमा अल आउट भएपछि तेस्रो दिननै पराजित भएको हो । वेस्टइन्डिजका लागि एलिक एथानाजेले २८ र जेसन होल्डरले २० रन बनाए । अन्य कुनैपनि ब्याटरले राम्रो प्रदर्शन गर्न सकेनन् । भारतका स्पिनर रविचन्द्रन आश्विनले सर्वाधिक ७ विकेट लिए । रविन्द्र जडेजाले २ विकेट लिए ।
त्यसअघि भारतले पहिलो इनिङमा ४ सय २१ रन बनाउन ५ विकेट गुमाएको अवस्थामा इनिङ घोषणा गरेको थियो । भारतको जितमा डेब्यू गरेका युवा बायाँ हाते ब्याटर यशस्वी जैसवालले ३ सय ८७ बलमा १६ चौका र १ छक्कासहित १ सय ७१ रनको सानदार शतकीय इनिङ खेलेका थिए ।
उनी नै खेलको प्लेयर अफ द म्याच चुनिए । त्यस्तै रोहित शर्मा २ सय २१ बलमा १० चौका र २ छक्कासहित १ सय ३ रनमा आउट भए । विराट कोहली १ सय ८२ बलमा ५ चौकासहित ७६ रनमा आउट भए ।
त्यसअघि टस जितेर पहिला ब्याटिङ रोजेको वेस्टइन्डिज ६४.३ ओभरमा १ सय ५० रनमा अल आउट भयो । वेस्टइन्डिजका लागि एलिक एथानाजेले ९९ बलमा ६ चौका र १ छक्कासहित सर्वाधिक ४७ रन बनाए ।
भारतका रविचन्द्रन आश्विनले पाँच विकेट लिए । रविन्द्र जडेजाले तीन, शार्दुल ठाकुर र मोहम्मद शिराजले समान एक विकेट लिए । वेस्टइन्डिजले घरेलु मैदानमा दुई टेस्ट, तीन ओडिआई र पाँच टि२० आई खेलको सिरिज भारतसँग खेल्नेछ । दोस्रो टेस्ट २० जुलाईदेखी सुरु हुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]