default_image

1 year ago

July 17, 2023

बंगलादेशलाई सिरिज उपाधि, सकिब सर्वोत्कृष्ट

214 views

0 Bookmark

एजेन्सी – घरेलु टोली बंगलादेशले दोस्रो टि२० आई खेलमा अफगानिस्तानलाई ६ विकेटले हराउँदै सिरिज उपाधि जितेको छ । दुई खेलको सिरिजमा बंगलादेशले क्लिनस्वीप गरेको हो ।

जितको लागि १ सय १७ रनको मध्यम विजयी लक्ष्य पछ्याएको बंगलादेशले १६.१ ओभरमा ४ विकेट गुमाउँदै पूरा गर्यो । बंगलादेशका लिटन दासले ३६ बलमा ६ चौकासहित सर्वाधिक ३५ रनको योगदान दिए ।

अफिफ हुसैन २० बलमा २ छक्कासहित २४, नाज्मुल हसन सान्टो ४ र तोवहिद हृदोयले १९ रन बनाए । सकिब अल हसन ११ बलमा १ चौका र १ छक्कासहित २८ रनमा आउट भए । अफगानिस्तानका मुजिब उर रहमान र आजमतुल्लाह ओमरजाईले समान दुई विकेट लिए ।

त्यसअघि वर्षाले प्रभावित खेलमा अफगानिस्तानले टस हारेर पहिला ब्याटिङ गर्दै निर्धारित १७ ओभरमा ७ विकेट गुमाउँदै १ सय १६ रन बनाएको थियो । अफगानिस्तानका आजमतुल्लाह ओमरजाईले २५, करिम जन्नत २० र इब्राहिम जद्रान २२ रनमा आउट भए ।


बंगलादेशका तस्किन अहमदले ४ ओभरमा ३३ रन खर्चेर ३ विकेट लिए । मुश्ताफिजुर रहमान र सकिब अल हसनले समान दुई विकेट लिए । पहिलो खेलमा बंगलादेश २ विकेटले विजयी भएको थियो । कप्तान सकिब अल हसन सर्वोत्कृष्ट खेलाडी चुनिए । उनले ३७ रन बनाउनुको साथै ४ विकेट लिएका थिए ।

July 16, 2024

अभ्यास खेलमा नेपाली टोलीको जित

काठमाडौं (हाम्रो खेलकुद) – श्रीलंकामा हुने वुमन्स एसिया कपको तयारीमा रहेको नेपाली महिला टोलीले मंगलबार अभ्यास खेल जितेको छ । तेस्रो अभ्यास खेलमा नेपाली टोलीले श्रीलंका वुमन्स डेभलप्मेन्टलाई २ रनले हराएको छ । यसअघिका सोही टोलीसँगको दुवै अभ्यास खेलमा नेपाल पराजित भएको थियो । १ सय १३ रनको लक्ष्य पछ्याएको श्रीलंका वुमन्स १९.५ ओभरमा सबै […]

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

Success

Thank you for your time.