एजेन्सी – मध्यक्रमका ब्याटर साउद शकिलको दोहोरो शतकमा पाकिस्तानले पहिलो टेस्ट खेलको पहिलो इनिङमा श्रीलंकाविरुद्ध सानदार दोहोरो शतक प्रहार गरेका छन् । पाकिस्तान पहिलो इनिङमा ४ सय ६१ रनमा अल आउट भयो । समग्रमा पाकिस्तानले पहिलो इनिङमा १ सय ४९ रनको बलियो अग्रता लिएको छ ।

साउद सकिल ३ सय ६१ बलमा १९ चौकासहित २ सय ८ रनमा आउट भए । उनको यो पहिलो दोहोरो शतक हो । उनी श्रीलंकामा दोहोरो शतक हान्ने पहिलो पाकिस्तानी ब्याटर हुन् । अघा समान १ सय १३ बलमा ९ चौका र १ छक्कासहित ८३ रनमा आउट भए ।

छैटौं विकेटका लागि अघा सलमान र साउद सकिलले १ सय ७७ रनको शतकीय साझेदारी गरेका थिए । नवौं विकेटका लागि साउद सकिलले नसिम शाहसँग ९४ रनको साझेदारी गरे । उक्त साझेदारीमा नसिम शाहले ७८ बलमा ६ रन जोडेका थिए ।

ओपनर अब्दुल्लाह शफिक १९, इमाम उल हक १, शन मकसुद ३९, बाबर आजम १३, शरफराज अहमद १७ र नौमान अली २५ रनमा आउट भए । श्रीलंकाका स्पिनर रमेश मेन्डिसले पाँच र प्रवथ जयसूर्याले तीन विकेट लिए ।

त्यसअघि श्रीलंका पहिलो इनिङमा दोस्रो दिन पहिलो सेसनमा ३ सय १२ रनमा अल आउट भयो । श्रीलंका धनन्जय डि सल्भाले २ सय १४ बलमा १२ चैका र ३ छक्कासहित सार्वाधिक १ सय २२ रनको सानदार शतकीय इनिङ खेलेका थिए ।

एक समय ५४–४ को दयानिय अबस्थामा पुगेको श्रीलंकालाई पाँचौं विकेटका लागि अनुभवी ब्याटर एन्जिलो म्याथ्युज र धनन्जय डि सिल्भाले १ सय ३१ रनको सानदार शतकीय साझेदारीका साथ खेलमा पुारागमन गराएका थिए । एन्जिलो म्याथ्युाज १ सय ९ बलमा ९ चैका सहित ६४ रनमा आउट भए ।

सदिरा समाराविक्रमा ५७ बलमा ५ चौकासहित ३६ रनमा आउट भए । ओपनर निशान मधुशका ४, कप्तान दिमुथ करुणारत्ने २९, कुशल मेन्डिस १२ र विश्व फर्नान्डो २१ रन बनाए । शाहिन शाह अफ्रिदी र नशिम शाह अब्रार अहमदले समान एक विकेट लिए ।