1 year ago
July 19, 2023
काठमाडौं (हाम्रो खेलकुद) – नेपालले एसिसी इमर्जिङ टिम्स एसिया कपमा आज युएई ए विरुद्ध खेल्दैछ । खेल नेपाली समय अनुसार बिहान १०ः १५ मा पि सारा ओभल कोलोम्बोमा सुरु हुनेछ । नेपालको यो अन्तिम खेल हो ।
भारत र पाकिस्तान ए सँग लगातार हारका साथ सेमिफाइनल सम्भावना सकाएको छ । नेपाल पहिलो खेलमा पाकिस्तानसँग १ सय ७९ र भारतसँग १ सय ६७ रनमा अल आउट भएको थियो ।
नेपाल भारतसँग सुरुवाती १० ओभरमा ३७–५ को अवस्थामा थियो । पाकिस्तानविरुद्ध नेपाल सुरुवाती १० ओभरमा ४३–६ को अवस्थामा थियो । पाकिस्तानविरुद्ध सोमपाल कामीले ७५ र भारतविरुद्ध रोहित पौडेलले ६५ रन बनाउँदै नेपालको साख जोगाएका थिए ।
तर युएईविरुद्ध नेपालबाट उत्कृष्ट ब्याटिङको अपेक्षा गरेको थियो । युएईले पहिलो रोजाईको टोली पठाएको छैन । आफ्नो दोस्रो र नयाँ रोजाईका खेलाडी पठाएको छ ।
नेपाल पहिलो खेलमा पाकिस्तान ए सँगा ४ विकेट र दोस्रो खेलमा भारत ए सँग ९ विकेटले पराजित भएको थियो । युएई भारतसँग ८ र पाकिस्तानसँग १ सय ८४ रनले पराजित भएको थियो ।
युएई ए लाई जितको कुनै दबाब छैन । पछिल्लो समय सिनियर टोलीेले नेपालसँग लगातार हार्दै आएको छ । दबाब नेपाललाई हुनेछ ।
दोस्रो रोजाईको टोलीलाई हराउन बाहेक अन्य कुनै विकल्प हुनेछैन । नेपालले आजको खेलमा आसिफ शेखलाई बेन्चमा राखेर अर्जुन साउदलाई मौका दिनसक्छ ।
अर्जुन आक्रामक ब्याटिङको क्षमता राख्छन् । नेपालले पवन सरार्फको स्थानमा सन्दीप जोरालाई मौका दिने सम्भावना देखिन्छ । पवनले सुरुवाती दुई खेलमा १ र ६ रन बनाएका छन् । सन्दीप जोरा फिनिसरको रुपमा खेल्नेछन् । नेपालले भीम सार्कीको स्थानमा प्रतिश जि.सीलाई मौका दिनसक्छ । स्पिनर ललित नारायण राजवंशीको स्थानमा सूर्य तामाङलाई मौका दिनसक्छ ।
युएईको ए टोली र नेपालको लागि यो खेल प्रतिष्ठाको लडाई हुँदा आफ्ना बेन्चका सबै खेलाडीलाई मौका दिने सम्भावना देखिन्छ । नेपालका ओपनर कुशल भुर्तेल र अर्जुन साउदले राम्रो सुरुवात दिलाउनु पर्ने हुन्छ ।
कम्तिमा पावर प्लेमा विकेट गुमाउनु हुँदैन । तेस्रो नम्बरमा देव खनाल हुनेछन् । क्लासिक सटले चर्चित युवा ब्याटर देवबाट नेपाल ठूलो इनिङ चाहन्छ । उनलाई टोलीमा स्थान बनाई राख्न त्यो आवश्यक छ । कप्तान रोहितबाट नेपाली कप्तानी प्रदर्शन चाहन्छ ।
कुशल मल्लबाट नेपाल उत्कृष्ट फिनिसिङको प्रतिक्षामा छ । कुशल चलेको खण्डमा एक्लै जित दिलाउन सक्ने खुबी राख्छन् । सन्दीप जोराले छैटौं नम्बरमा खेल्नेछन् ।
सोमपाल कामी र गुलशन झा सातौं र आठौं नम्बरमा खेल्नेछन् । नेपालले पाकिस्तानविरुद्ध राम्रो बलिङ गरेको थियो । सोमपाल, किशोर र प्रतिश तीव्र गतिको आक्रामण सम्हाल्न सक्छन् ।
नेपाली ब्याटरले राम्रो प्रदर्शन गर्न सर्ट र बाउन्सर बल खेल्न सक्नुपर्छ । नेपालले पछिल्लो समय सर्ट र बाउन्सर बल सामु निरिह भएको छ । नेपाली ब्याटरको लागि ठूलो चिन्ता र समस्या बनेको छ ।
युएईका तीव्र गतिका बलरमा मोहम्मद जवादुल्लाह, सन्चित शर्मा, मतिउल्लाह खान र नासिर अली छन् । यी चारै खेलाडी पछिल्लो समय सिनियर टोलीबाट खेलेका छन् ।
अघिल्लो महिना विश्वकप छनोटमा जिम्बावेमा नेपाललाई ६३–६ को दयनीय अवस्थामा पुर्याउन मोहम्मद जवादुल्लाहले सानदार प्रदर्शन गर्दै तीन विकेट लिएका थिए । युएईको तीव्र गतिको बलिङ आक्रामण उत्कृष्ट छ ।
सन्चित, अली नासिर र मोहममद जवादुल्लाह घातक बन्न सक्छन् । उनीहरु पनि सर्ट र बाउन्सर बलको प्रयास गर्ने पक्कापक्की छ । नेपालको कमजोरी सबैले राम्रोसँग बुझेका छन् ।
ओपनर अर्यांश शर्मा, जोनाथन फिगी, एथान डि सोल्झा, अश्वन्त वल्थापा र अली नासिर सिनियर टोलीबाट खेलेका खेलाडी हुन् । अर्यांश, सोल्झा र अली नासिर नेपाललाई स्तब्ध पार्न सक्ने खुबी भएका युवा ब्याटर हुन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]